Chapter 7

brahmovāca || 3 ||
[Analyze grammar]

asapiṇḍā ca yā māturasagotrā ca yā pituḥ |
sā praśastā dvijātīnāṃ dārakarmaṇi maithune || 1 ||
[Analyze grammar]

sahajo na bhavedyasyā na ca vijñāyate pitā |
nopayaccheta tāṃ prājñaḥ putrikādharmaśaṅkayā || 2 ||
[Analyze grammar]

brāhmaṇānāṃ praśastā syātsavarṇā dārakarmaṇi |
kāmaśastu pravṛttānāmimāḥ syuḥ kramaśo'varāḥ || 3 ||
[Analyze grammar]

kṣatrasyāpi savarṇā syātprathamā dvijasattamāḥ |
dve cāvare tathā prokte kāmatastu na dharmataḥ || 4 ||
[Analyze grammar]

vaiśyasyaikā varā proktā savarṇā caiva dharmataḥ |
tathāvarā kāmatastu dvitīyā na tu dharmataḥ || 5 ||
[Analyze grammar]

śūdraiva bhāryā śūdrasya dharmato manurabravīt |
caturṇāmapi varṇānāṃ pariṇetā dvijottamaḥ || 6 ||
[Analyze grammar]

na brāhmaṇakṣatriyayorāpadyapi hi tiṣṭhatoḥ |
kasmiṃścidapi vṛtānte śūdrā bhāryopadiśyate || 7 ||
[Analyze grammar]

hīnajātistriyaṃ mohādudvahanto dvijātayaḥ |
kulānyeva nayantyāśu sasantānāni śūdratām || 8 ||
[Analyze grammar]

śūdramāropya vedyāṃ tu patitotrirbabhūva ha |
utathyaḥ putrajananātpatitatvamavāptavān || 9 ||
[Analyze grammar]

śūdrasya putramāsādya śaunakaḥ śūdratāṃ gataḥ |
bhṛgvādayopyevameva patitatvamavāpnuyuḥ || 10 ||
[Analyze grammar]

śūdrāṃ śayanamāropya brāhmaṇo yātyadhogatim |
janayitvā sutaṃ tasyāṃ brāhmaṇyādeva hīyate || 11 ||
[Analyze grammar]

devapitryātitheyāni tatpradhānāni yasya tu |
nādanti pitaro devāḥ sa ca svargaṃ na gacchati || 12 ||
[Analyze grammar]

vṛṣalīphenapītasya niḥśvāsopahatasya ca |
tasyāṃ caiva prasūtasya niṣkṛtirna vidhīyate || 13 ||
[Analyze grammar]

caturṇāmapi viprendrāḥ pretyeha ca hitāhitam |
samāsato bravīmyeṣa vivāhāṣṭakamuttamam || 14 ||
[Analyze grammar]

kālo daivastathā cārṣaḥ prājāpatyastathāsuraḥ |
gāndharvo rākṣasaścaiva paiśācaścāṣṭamo'dhamaḥ || 15 ||
[Analyze grammar]

ye yasya dharmā varṇasya guṇadoṣau ca yasya yau |
śṛṇudhvaṃ taddvijaśreṣṭhāḥ prasave ca guṇāguṇam || 16 ||
[Analyze grammar]

viprasya 1 caturaḥ pūrvānkṣatrasya caturo'varān |
viṭśūdrayostu trīneva vidyāddharmānarākṣasān || 17 ||
[Analyze grammar]

caturo brāhmaṇasyādyānpraśastānkavayo viduḥ |
rākṣasaṃ kṣatriyasyaikamāsuraṃ vaiśyaśūdrayoḥ || 18 ||
[Analyze grammar]

kṣatriyāṇāṃ trayo dharmyā dvāvadharmyau2 smṛtāviha |
paiśācaścāsuraścaiva na karttavyau kathañcana || 19 ||
[Analyze grammar]

pṛthakpṛthagvā miśrau vā vivāhau pūrvacoditau |
gāndharvo rākṣasaścaiva dharmyau kṣatrasya tau smṛtau || 20 ||
[Analyze grammar]

ācchādya cārcayitvā tu śrutaśīlavate svayam |
āhūya dānaṃ kanyāyā bāhyo dharmaḥ prakīrtitaḥ || 21 ||
[Analyze grammar]

vitate cāpi yajñe tu karma kurvati cārtviji |
alaṅkṛtya sutādānaṃ daivo dharma udāhṛtaḥ || 22 ||
[Analyze grammar]

ekaṃ gomithunaṃ dve vā varādādāya dharmataḥ |
kanyāpradānaṃ vidhivadārṣīyo dharma ucyate || 23 ||
[Analyze grammar]

sahobhau carataṃ dharmamiti vācānubhāṣya tu |
kanyāpradānamabhyarca prājāpatyavidhiḥ smṛtaḥ || 24 ||
[Analyze grammar]

jñātibhyo draviṇaṃ dattvā kanyāyāścaiva śaktitaḥ |
kanyāpradānaṃ svacchandādāsuro dharma ucyate || 25 ||
[Analyze grammar]

icchayānyo'nyasaṃyogaḥ kanyāyāśca varasya ca |
gāndharvaḥ sa vidhirjñeyo maithunyaḥ kāmasambhavaḥ || 26 ||
[Analyze grammar]

hatvā chittvā ca bhittvā ca krośantīṃ rudatīṃ gṛhāt |
prasahya kanyāharaṇaṃ rākṣaso vidhirucyate || 27 ||
[Analyze grammar]

suptāṃ mattāṃ pramattāṃ ca raho yatropagacchati |
sa pāpiṣṭho vivāhānāṃ paiśācaḥ kathito'ṣṭamaḥ || 28 ||
[Analyze grammar]

jalapūrvaṃ dvijāgryāṇāṃ kanyādānaṃ praśasyate |
itareṣāṃ tu varṇānāmitaretarakāmyayā || 29 ||
[Analyze grammar]

yo yasyaiṣāṃ vivāhānāṃ vibhūnāṃ kīrtito guṇaḥ |
taṃ nibodhata vai viprāḥ samyaktakīrtayato mama || 30 ||
[Analyze grammar]

kulāni daśa pūrvāṇi tathānyāni daśaiva tu |
sa hi tānyātmanā caivaṃ mocayatyenaso dhruvam || 31 ||
[Analyze grammar]

brāhmīputraḥ sukṛtakṛddaivoḍhājaṃ sutaṃ śṛṇu |
daivoḍhājaḥ suto viprāḥ sapta sapta parāvarān |
ārṣoḍhājaḥ sutaḥ strīṇāṃ puruṣāṃstārayeddvijāḥ || 32 ||
[Analyze grammar]

brahmādiṣu vivāheṣu caturṣvevānupūrvaśaḥ |
brahmavarcasvinaḥ putrā jāyante śiṣṭasammatāḥ || 33 ||
[Analyze grammar]

rūpasattvaguṇopetā dhanavanto yaśasvinaḥ |
putravanto'tha dharmiṣṭhā jīvanti ca śataṃ samāḥ || 34 ||
[Analyze grammar]

itareṣu nibodhadhvaṃ nṛśaṃsānṛtavādinaḥ |
jāyante durvivāheṣu brahmadharmadviṣaḥ 1 sutāḥ || 35 ||
[Analyze grammar]

aninditaiḥ strīvivāhairanindyā bhavati prajā |
ninditairniṃditā nṛṇāṃ tasmānnidyānvivarjayet || 36 ||
[Analyze grammar]

karagrahaṇasaṃskārāḥ savarṇāsu bhavanti vai |
asavarṇāsvayaṃ jñeyā vidhirudvāhakarmaṇi || 37 ||
[Analyze grammar]

bāṇaḥ kṣatriyayā grāhyaḥ pratodo vaiśyakanyayā |
vasanasya daśā grāhyā śūdrayotkṛṣṭavedane || 38 ||
[Analyze grammar]

na kanyāyāḥ pitā vidvāngṛhṇīyācchulkamaṇvapi |
gṛhṇanhi śulkaṃ lobhena syānnaro'patyavikrayī || 39 ||
[Analyze grammar]

strīdhanāni tu ye mohādupajīvanti bāndhavāḥ |
nārīyānāni vastraṃ vā te pāpā yāntyadhogatim || 40 ||
[Analyze grammar]

ārṣe gomithunaṃ śulkaṃ kecidāhurmṛṣaiva 1 tat |
alpo vāpi mahānvāpi vikrayastāvadeva saḥ || 41 ||
[Analyze grammar]

yāsāṃ nādadate śulkaṃ jñātayo na sa vikrayaḥ |
arhaṇaṃ tatkumārīṇāmānṛśaṃsyaṃ ca kevalam || 42 ||
[Analyze grammar]

itthaṃ dārānsamāsādya deśamagryaṃ samāvaset |
brāhmaṇo dvijaśārdūla ya icchedvipulaṃ yaśaḥ || 43 ||
[Analyze grammar]

ṛṣaya ūcuḥ |
ko deśaḥ paramo brahmankaśca puṇyo matastava |
pravasanyatra viprendra yaśaḥ prāpnoti kañjaja || 44 ||
[Analyze grammar]

brahmovāca |
na hīyate yatra dharmaścatuṣpātsa kalo dvijāḥ |
sa deśaḥ paramo viprāḥ sa ca puṇyo mato mama || 45 ||
[Analyze grammar]

vidvadbhiḥ sevito dharmo yasmindeśe pravartate |
śāstroktaścāpi viprendrāḥ sa deśaḥ paramo mataḥ || 46 ||
[Analyze grammar]

ṛṣaya ūcū |
vidvadbhiḥ sevitaṃ dharmaṃ śāstroktaṃ ca surottama |
vadāsmāsu suraśreṣṭha kautukaṃ paramaṃ hi naḥ || 47 ||
[Analyze grammar]

brahmovāca |
vidvadbhiḥ sevitaḥ sadbhirnityamadveṣarāgibhiḥ |
hṛdayenābhyanujñāto yo dharmastaṃ nibodhata || 48 ||
[Analyze grammar]

kāmātmatā na praśastā na vehāsyāpyakāmatā |
kāmyo hi vedādhigamaḥ karmayogaśca vaidikaḥ || 49 ||
[Analyze grammar]

saṅkalpājjāyate kāmo yajñādyāni ca sarvaśaḥ |
vratāḥ niyamadharmāśca sarve saṅkalpajāḥ smṛtāḥ || 50 ||
[Analyze grammar]

kāmādṛte kriyākārī dṛśyate neha karhicit |
yadyaddhi kurute kaścittattatkāmasya ceṣṭitam || 51 ||
[Analyze grammar]

nigamo 1 dharmamūlaṃ syātsmṛtiśīle tathaiva ca |
tathācāraśca sādhūnāmātmanastuṣṭireva ca || 52 ||
[Analyze grammar]

sarvaṃ tu samavekṣeta niścayaṃ jñānacakṣuṣā |
śrutiprādhānyato vidvānsvadharme nivaseta vai || 53 ||
[Analyze grammar]

śrutismṛtyuditaṃ dharmamanutiṣṭhansadā naraḥ |
prāpya ceha parāṃ kīrtiṃ yāti śakrasalokatām || 54 ||
[Analyze grammar]

śrutistu vedo 4 vijñeyo dharmaśāstraṃ tu vai smṛtiḥ |
te sarvārtheṣu mīmāṃsye tābhyāṃ dharmo hi nirbabhau || 55 ||
[Analyze grammar]

yo'vamanyeta te cobhe hetuśāstrāśrayāddvijaḥ |
sa sādhubhirbahiṣkāryo nāstiko vedanindakaḥ || 56 ||
[Analyze grammar]

vedaḥ smṛtiḥ sadācāraḥ svasya ca priyamātmanaḥ |
etaccaturvidhaṃ viprāḥ sākṣāddharmasya lakṣaṇam || 57 ||
[Analyze grammar]

dharmajñānaṃ bhavedviprā arthakāmeṣvasajjatām |
dharmaṃ jijñāsamānānāṃ pramāṇānnaigamaṃ param || 58 ||
[Analyze grammar]

niṣekādiśmaśānānto mantrairyasyodito vidhiḥ |
adhikāro bhavettasya vedeṣu ca japeṣu ca || 59 ||
[Analyze grammar]

sarasvatīdṛṣadvatyordevanadyoryadantaram || 1 ||
[Analyze grammar]

tadeva nirmitaṃ deśaṃ brahmāvartaṃ pracakṣate || 60 ||
[Analyze grammar]

yasmin deśe ya ācāraḥ pāramparyakramāgataḥ |
varṇānāṃ sāntarālānāṃ sa sadācāra ucyate || 61 ||
[Analyze grammar]

kurukṣetraṃ ca matsyāśca pañcālāḥ śūrasenayaḥ |
eṣa brahmarṣideśo vai brahmāvartādanantaram || 62 ||
[Analyze grammar]

etaddeśaprasūtasya sakāśādagrajanmanaḥ |
svaṃ svaṃ caritraṃ śikṣanti pṛthivyāṃ sarvamānavāḥ || 63 ||
[Analyze grammar]

himavadvindhyayormadhye yatprāgvinaśanādapi |
pratyageva prayāgācca madhyadeśaḥ prakīrtitaḥ || 64 ||
[Analyze grammar]

ā samudrāttu vai pūrvādāsamudrāttu paścimāt |
tayorevāntaraṃ giryorāryāvarttaṃ vidurbudhāḥ || 65 ||
[Analyze grammar]

aṭate yatra kṛṣṇā gaurmṛgo nityaṃ svabhāvataḥ |
sa jñeyo yājñiko deśo mlecchadeśastvataḥ paraḥ || 66 ||
[Analyze grammar]

etānnityaṃ śubhāndeśānsaṃśrayeta dvijottamaḥ |
yasminkasmiṃśca nivasetpādajo2 vṛttikarśitaḥ || 67 ||
[Analyze grammar]

prakīrtiteyaṃ dharmasya budhairyonirdvijottamāḥ |
sambhavaścāsya sarvasya samāsānna tu vistarāt || 68 ||
[Analyze grammar]