Chapter 6

śatānīkauvāca |
sadvṛttaṃ śrotumicchāmi devastrīṇāṃ suvistarāt |
uttamādhamamadhyaṃ ca sambandhe strīkṛte yathā || 1 ||
[Analyze grammar]

sumanturuvāca |
śatānīka mahābāho brahmaloke pitāmahaḥ |
uktvā sa lakṣaṇaṃ strīṇāṃ sadvṛttaṃ coktavānpunaḥ 1 || 2 ||
[Analyze grammar]

yathoktaṃ brahmaṇāṃ teṣāmṛṣīṇāṃ kurunandana |
sa preyo vacanaṃ śrutvā brahmā vacanamabravīt || 3 ||
[Analyze grammar]

śṛṇudhvaṃ dvijaśārdūlāḥ strīṇāṃ sadvṛttamāditaḥ |
vakṣye yuṣmānaśeṣaṃ vai lokānugrahakāmyayā || 4 ||
[Analyze grammar]

trivargaprāptaye vakṣye strīvṛttaṃ gṛhamedhinām |
prāgvidyādīnupādāya tairarthāṃśca yathākramam |
vindeta sadṛśīṃ bhāryāṃ śāstradṛṣṭena karmaṇā || 5 ||
[Analyze grammar]

gṛhāśramo hi niḥsvānāṃ mahatyeṣā viḍambanā |
tasmātpūrvamupādeyaṃ vittameva gṛhaiṣiṇā || 6 ||
[Analyze grammar]

varaṃ soḍhā manuṣyeṇa tīvrā narakavedanā |
na tveva ca gṛhe dṛṣṭaṃ putradārakṣudhārditam || 7 ||
[Analyze grammar]

asambhave śiśuṃ dṛṣṭvā rudantaṃ prārthanāparam |
vajrasāramayaṃ manye hadayaṃ yanna dīryate || 8 ||
[Analyze grammar]

sādhvīṃ bhāryāṃ priyāṃ dṛṣṭvā kucailāṃ kṣutkṛśīkṛtām |
asya duḥkhasya tannāsti sukhaṃ yatsamatāṃ vrajet || 9 ||
[Analyze grammar]

rūkṣānvivarṇānkṣudhitānbhūmiprastaraśāyinaḥ |
putradārānnijāndṛṣṭvā kimakāryaṃ bhavennṛṇām || 10 ||
[Analyze grammar]

bāhūttarīyaṃ kṣutkṣāmaṃ dṛṣṭvā dīnamukhaṃ sutam |
mṛtyurevotsavaḥ puṃsāṃ vyasanaṃ jīvitaṃ dvijāḥ || 11 ||
[Analyze grammar]

parisīdatsvapatyeṣu dṛṣṭvā dīnamukho priyām |
vajrakāryaśarīrāste ye na yānti sahasradhā || 12 ||
[Analyze grammar]

tasmādarthavihīnasya puṃso dāraparigrahāt |
kutastrivarga saṃsiddhiryātanaiva hi tasya sā || 13 ||
[Analyze grammar]

abhāryasyādhikāro'sti na dvitīyāśrame yathā |
tadvadarthavihīnānāṃ sarvatra nādhikaritā || 14 ||
[Analyze grammar]

kecittvapatyamevāhustrivargāvāptisādhanam |
puṃsāmarthaḥ kalatraṃ ca ye'nye nītivido viduḥ || 15 ||
[Analyze grammar]

dharmo'pi dvividho yasmādiṣṭāpūrtakriyātmakaḥ |
sa ca dārātmakaḥ sarvaṃ jñeyamarthaikasādhanam || 16 ||
[Analyze grammar]

nijenāpi 1 daridreṇa loko lajjati bandhunā |
paro'pi hi manuṣyāṇāmaiśvaryātsvajanāyate || 17 ||
[Analyze grammar]

na daridraṃ samīpe'pi sthitavantaṃ prapaśyati |
dūrasthamapi vittāḍhyamādarādbhajate janaḥ || 18 ||
[Analyze grammar]

tasmātprayatnataḥ pūrvamarthameva prasādhayeta |
sa hi mūlaṃ trivargasya guṇānāṃ gauravasya ca || 19 ||
[Analyze grammar]

sarve'pi hi guṇā vidyākulaśīlādayo nṛṇām |
santi tasminnasanto'pi santi santo'pi nāsati || 20 ||
[Analyze grammar]

śāstraṃ śilpaṃ kalāḥ karma yaccānyadapi ceṣṭitam |
sādhanaṃ sarvamarthānāmarthā dharmādisādhanāḥ || 21 ||
[Analyze grammar]

sādhanānāṃ trivargo'sti taṃ vinā kevalaṃ nṛṇām |
ajāgalastanasyeva nidhanāyaiva saṃbhavaḥ || 22 ||
[Analyze grammar]

prākpuṇyairvipulā sampaddharmakāmādihetujā |
bhūyo dharmeṇa sāmutra tayā3 tāviti 4 ca kramaḥ || 23 ||
[Analyze grammar]

ekacakrakametaddhi proktamanyonyahetukam |
pūrvapaścimabāhubhyāmuttarādharamadhyamāḥ || 24 ||
[Analyze grammar]

vijñāya matimānevaṃ yastrivargaṃ niṣevate |
saṃkhyāśatasamāyuktairavāpnotyuttarottaram || 25 ||
[Analyze grammar]

nābhāryasyādhikāro'sti trivarge nirdhanasya vā |
nā bhāryāyāmataḥ pūrvamarthamaiva prasādhayet || 26 ||
[Analyze grammar]

tasmātkramāgatairartheḥ svayaṃ vādhigatairyutaḥ |
kriyāyogyaiḥ samarthaśca kuryāddāraparigraham || 27 ||
[Analyze grammar]

anurūpe kule jātāṃ śrutavittakriyādibhiḥ |
labhetāninditāṃ kanyāṃ manojñāṃ dharmasādhanām || 28 ||
[Analyze grammar]

pumānardhapumāṃstāvadyāvadbhāryāṃ na vidanti |
tasmādyathākramaṃ kāle kuryāddāraparigraham || 29 ||
[Analyze grammar]

ekacakro ratho yadvadekapakṣo yathā khagaḥ |
abhāryo'pi 1 narastadvadayogyaḥ sarvakarmasu || 30 ||
[Analyze grammar]

patnīparigrahāddharmastathārtho bahulābhataḥ |
satprītiyogātkāmo'pi trayamasyāṃ vidurbudhāḥ || 31 ||
[Analyze grammar]

tridhā vivāhasambandho hīnatulyādhikaiḥ saha |
tulyaiḥ saha samasteṣāmitarau nīcamadhyamau || 32 ||
[Analyze grammar]

asamairnindyate sadbhiruttamaiḥ paribhūyate |
tulyaiḥ praśasyate yasmāttasmātsādhutamo mataḥ || 33 ||
[Analyze grammar]

kṛtvaivādhikasambandhamapamānaṃ samaśnute |
na caiṣāmānatiṃ gacchennaiva nīcaiḥ saheṣyate2 || 34 ||
[Analyze grammar]

uttamo'pi ca sambandho nīcaistatsamatāṃ vrajet |
atastaṃ varjayeddhīmānninditaṃ sadṛśottamaiḥ || 35 ||
[Analyze grammar]

vijātīyaiśca sambandhaṃ sahecchanti na sūrayaḥ |
ubhayorbhraśyate tena yathā kokilayā śukaḥ || 36 ||
[Analyze grammar]

tadbhāti kulabāhyatvādavaśyaṃ cāvamānataḥ |
pratipatteraśakyatvāccottamo'pi na śasyate || 37 ||
[Analyze grammar]

eke'pi parihartavyā anye pariharantyuta |
tasmāddvāvapi naiveṣṭau sambandhāvadhamottamau || 38 ||
[Analyze grammar]

ekapātrādibhiryeṣāmupacāraiḥ parasparam |
pratyahaṃ vardhate snehaḥ sambandhaḥ so'bhidhīyate || 39 ||
[Analyze grammar]

yatrāvāhavivāhādāvanyo'nyāḥ pratipattayaḥ |
spardhayaiva pravardhante taṃ sambandhaṃ vidurbudhāḥ || 40 ||
[Analyze grammar]

yyasane'bhyudaye vāpi yeṣāṃ prāṇairdhanairapi |
sahaikapratipattitvaṃ sambandhānāṃ sa uttamaḥ || 41 ||
[Analyze grammar]

snehavyaktau manuṣyāṇāṃ dvāveva nikaṣopalau |
tathā kṛtajñatāyāṃ ca vyasanābhyudayāgamau || 42 ||
[Analyze grammar]

sa ca sneho nṛṇāṃ prāyaḥ sameṣveva1 hi dṛśyate |
sāmyaṃ cāpyupagantavyaṃ vittaśīlakulādibhiḥ || 43 ||
[Analyze grammar]

tasmādvivāhasambandhaṃ saṃkhyamekāntakāriṇām |
sadṛśaireva kurvīta nottamenāpyanuttamaiḥ2 || 44 ||
[Analyze grammar]