Chapter 12

[English text for this chapter is available]

aghāsuravadhaḥ |
śrīśuka uvāca |
kvacidvanāśāya mano dadhad vrajāt |
prātaḥ samutthāya vayasyavatsapān |
prabodhayan śrṛṃgaraveṇa cāruṇā |
vinirgato vatsapuraḥsaro hariḥ || 1 ||
[Analyze grammar]

tenaiva sākaṃ pṛthukāḥ sahasraśaḥ |
snigdhāḥ suśigvetraviṣāṇaveṇavaḥ |
svān svān sahasro parisaṅkhyayānvitān |
vatsān puraskṛtya viniryayurmudā || 2 ||
[Analyze grammar]

kṛṣṇavatsaiḥ asaṅkhyātaiḥ yūthīkṛtya svavatsakān |
cārayanto'rbhalīlābhiḥ vijahruḥ tatra tatra ha || 3 ||
[Analyze grammar]

phalaprabālastavaka sumanaḥpicchadhātubhiḥ |
kācaguñjāmaṇisvarṇabhūṣitā apyabhūṣayan || 4 ||
[Analyze grammar]

muṣṇanto'nyonya śikyādīn njñātānārācca cikṣipuḥ |
tatratyāśca punardūrāt hasantaśca punardaduḥ || 5 ||
[Analyze grammar]

yadi dūraṃ gataḥ kṛṣṇo vanaśobhekṣaṇāya tam |
ahaṃ pūrvaṃ ahaṃ pūrvaṃ iti saṃspṛśya remire || 6 ||
[Analyze grammar]

kecid veṇūn vādayanto dhmāntaḥ śṛṅgāṇi kecana |
kecid bhṛṃṅgaiḥ pragāyantaḥ kūjantaḥ kokilaiḥ pare || 7 ||
[Analyze grammar]

vicchāyābhiḥ pradhāvanto gacchantaḥ sādhuhaṃsakaiḥ |
bakaiḥ upaviśantaśca nṛtyantaśca kalāpibhiḥ || 8 ||
[Analyze grammar]

vikarṣantaḥ kīśabālān ārohantaśca tairdrumān |
vikurvantaśca taiḥ sākaṃ plavantaśca palāśiṣu || 9 ||
[Analyze grammar]

sākaṃ bhekairvilaṅghantaḥ sarit prasravasamplutāḥ |
vihasantaḥ praticchāyāḥ śapantaśca pratisvanān || 10 ||
[Analyze grammar]

itthaṃ satāṃ brahmasukhānubhūtyā |
dāsyaṃ gatānāṃ paradaivatena |
māyāśritānāṃ naradārakeṇa |
sākaṃ vijahruḥ kṛtapuṇyapuñjāḥ || 11 ||
[Analyze grammar]

yatpādapāṃsuḥ bahujanmakṛcchrato |
dhṛtātmabhiḥ yogibhirapyalabhyaḥ |
sa eva yaddṛgviṣayaḥ svayaṃ sthitaḥ |
kiṃ varṇyate diṣṭamato vrajaukasām || 12 ||
[Analyze grammar]

atha aghanāmābhyapatan mahāsuraḥ |
teṣāṃ sukhakrīḍanavīkṣaṇākṣamaḥ |
nityaṃ yadantarnijajīvitepsubhiḥ |
pītāmṛtaiḥ apyamaraiḥ pratīkṣyate || 13 ||
[Analyze grammar]

dṛṣṭvārbhakān kṛṣṇamukhān aghāsuraḥ |
kaṃsānuśiṣṭaḥ sa bakībakānujaḥ |
ayaṃ tu me sodaranāśakṛttayoraḥ |
dvayormamainaṃ sabalaṃ haniṣye || 14 ||
[Analyze grammar]

ete yadā matsuhṛdostilāpaḥ |
kṛtāstadā naṣṭasamā vrajaukasaḥ |
prāṇe gate varṣmasu kā nu cintā |
prajāsavaḥ prāṇabhṛto hi ye te || 15 ||
[Analyze grammar]

iti vyavasyājagaraṃ bṛhad vapuḥ |
sa yojanāyāma mahādripīvaram |
dhṛtvād‍bhutaṃ vyāttaguhānanaṃ tadā |
pathi vyaśeta grasanāśayā khalaḥ || 16 ||
[Analyze grammar]

dharādharoṣṭho jaladottaroṣṭho |
daryānanānto giriśṛṅgadaṃṣṭraḥ |
dhvāntāntarāsyo vitatādhvajihvaḥ |
paruṣānilaśvāsadavekṣaṇoṣṇaḥ || 17 ||
[Analyze grammar]

dṛṣṭvā taṃ tādṛśaṃ sarve matvā vṛndāvanaśriyam |
vyāttājagaratuṇḍena hyutprekṣante sma līlayā || 18 ||
[Analyze grammar]

aho mitrāṇi gadata sattvakūṭaṃ puraḥ sthitam |
asmatsaṅgrasanavyātta vyālatuṇḍāyate na vā || 19 ||
[Analyze grammar]

satyamarkakarāraktaṃ uttarāhanuvad‍ghanam |
adharāhanuvad rodhaḥ tat praticchāyayāruṇam || 20 ||
[Analyze grammar]

pratispardhete sṛkkibhyāṃ savyāsavye nagodare |
tuṃgaśṛṃgālayo'pyetāḥ tad daṃṣṭrābhiśca paśyata || 21 ||
[Analyze grammar]

āstṛtāyāma mārgo'yaṃ rasanāṃ pratigarjati |
eṣāṃ antargataṃ dhvāntaṃ etadapyantaḥ ānanam || 22 ||
[Analyze grammar]

dāvoṣṇakharavāto'yaṃ śvāsavad‍bhāti paśyata |
tad dagdhasattvadurgandho'pi antarāmiṣagandhavat || 23 ||
[Analyze grammar]

asmānkimatra grasitā niviṣṭā |
nayaṃ tathā ced bakavad vinaṅkṣyati |
kṣaṇādaneneti bakāryuśanmukhaṃ |
vīkṣyoddhasantaḥ karatāḍanairyayuḥ || 24 ||
[Analyze grammar]

itthaṃ mitho'tathyaṃ atajjñabhāṣitaṃ |
śrutvā vicintyetyamṛṣā mṛṣāyate |
rakṣo viditvākhilabhūtahṛtsthitaḥ |
svānāṃ niroddhuṃ bhagavān mano dadhe || 25 ||
[Analyze grammar]

tāvat praviṣṭāstu asurodarāntaraṃ |
paraṃ na gīrṇāḥ śiśavaḥ savatsāḥ |
pratīkṣamāṇena bakāriveśanaṃ |
hatasvakāntasmaraṇena rakṣasā || 26 ||
[Analyze grammar]

tān vīkṣya kṛṣṇaḥ sakalābhayaprado |
hyananyanāthān svakarādavacyutān |
dīnāṃśca mṛtyorjaṭharāgnighāsān |
ghṛṇārdito diṣṭakṛtena vismitaḥ || 27 ||
[Analyze grammar]

kṛtyaṃ kimatrāsya khalasya jīvanaṃ |
na vā amīṣāṃ ca satāṃ vihiṃsanam |
dvayaṃ kathaṃ syāditi saṃvicintya tat |
jñātvāviśat tuṇḍamaśeṣadṛgghariḥ || 28 ||
[Analyze grammar]

tadā ghanacchadā devā bhayād hāheti cukruśuḥ |
jahṛṣurye ca kaṃsādyāḥ kauṇapāstvaghabāndhavāḥ || 29 ||
[Analyze grammar]

tacchrutvā bhagavān kṛṣṇastu avyayaḥ sārbhavatsakam |
cūrṇīcikīrṣorātmānaṃ tarasā vavṛdhe gale || 30 ||
[Analyze grammar]

tato'tikāyasya niruddhamārgiṇo |
hyud‍gīrṇadṛṣṭeḥ bhramatastvitastataḥ |
pūrṇo'ntaraṃge pavano niruddho |
mūrdhan viniṣpāṭya vinirgato bahiḥ || 31 ||
[Analyze grammar]

tenaiva sarveṣu bahirgateṣu |
prāṇeṣu vatsān suhṛdaḥ paretān |
dṛṣṭyā svayotthāpya tadanvitaḥ punaḥ |
vaktrān mukundo bhagavān viniryayau || 32 ||
[Analyze grammar]

pīnāhibhogotthitamad‍bhutaṃ mahat |
jyotiḥ svadhāmnā jvalayad diśo daśa |
pratīkṣya khe'vasthitamīśanirgamaṃ |
viveśa tasmin miṣatāṃ divaukasām || 33 ||
[Analyze grammar]

tato'tihṛṣṭāḥ svakṛto'kṛtārhaṇaṃ |
puṣpaiḥ sugā apsarasaśca nartanaiḥ |
gītaiḥ surā vādyadharāśca vādyakaiḥ |
stavaiśca viprā jayaniḥsvanairgaṇāḥ || 34 ||
[Analyze grammar]

tadad‍bhutastotrasuvādyagītikā |
jayādinaikotsava maṅgalasvanān |
śrutvā svadhāmno'ntyaja āgato'cirād |
dṛṣṭvā mahīśasya jagāma vismayam || 35 ||
[Analyze grammar]

rājan ājagaraṃ carma śuṣkaṃ vṛndāvane'd‍bhutam |
vrajaukasāṃ bahutithaṃ babhūvākrīḍagahvaram || 36 ||
[Analyze grammar]

etatkaumārajaṃ karma harerātmāhimokṣaṇam |
mṛtyoḥ paugaṇḍake bālā dṛṣṭvocurvismitā vraje || 37 ||
[Analyze grammar]

naitad vicitraṃ manujārbhamāyinaḥ |
parāvarāṇāṃ paramasya vedhasaḥ |
agho'pi yatsparśanadhautapātakaḥ |
prāpātmasāmyaṃ tvasatāṃ sudurlabham || 38 ||
[Analyze grammar]

sakṛdyadaṅgapratimāntarāhitā |
manomayī bhāgavatīṃ dadau gatim |
sa eva nityātmasukhānubhūtyabhi |
vyudastamāyo'ntargato hi kiṃ punaḥ || 39 ||
[Analyze grammar]

śrīsūta uvāca |
itthaṃ dvijā yādavadevadattaḥ |
śrutvā svarātuścaritaṃ vicitram |
papraccha bhūyo'pi tadeva puṇyaṃ |
vaiyāsakiṃ yannigṛhītacetāḥ || 40 ||
[Analyze grammar]

śrīrājovāca |
brahman kālāntarakṛtaṃ tatkālīnaṃ kathaṃ bhavet |
yatkaumāre harikṛtaṃ jaguḥ paugaṇḍake'rbhakāḥ || 41 ||
[Analyze grammar]

tad brūhi me mahāyogin paraṃ kautūhalaṃ guro |
nūnametaddharereva māyā bhavati nānyathā || 42 ||
[Analyze grammar]

vayaṃ dhanyatamā loke guro'pi kṣatrabandhavaḥ |
yat pibāmo muhustvattaḥ puṇyaṃ kṛṣṇakathāmṛtam || 43 ||
[Analyze grammar]

śrīsūta uvāca |
itthaṃ sma pṛṣṭaḥ sa tu bādarāyaṇiḥ |
tatsmāritānantahṛtākhilendriyaḥ |
kṛcchrāt punarlabdhabahirdṛśiḥ śanaiḥ |
pratyāha taṃ bhāgavatottamottama || 44 ||
[Analyze grammar]

iti śrīmad‍bhāgavate mahāpurāṇe pāramahaṃsyāṃ |
saṃhitāyāṃ daśamaskandhe pūrvārdhe dvādaśo'dhyāyaḥ || 12 ||
[Analyze grammar]