Chapter 9

[English text for this chapter is available]

sūta uvāca |
iti bhītaḥ prajādrohāt sarvadharmavivitsayā |
tato vinaśanaṃ prāgād yatra devavrato'patat || 1 ||
[Analyze grammar]

tadā te bhrātaraḥ sarve sadaśvaiḥ svarṇabhūṣitaiḥ |
anvagacchan rathairviprā vyāsadhaumyādayastathā || 2 ||
[Analyze grammar]

bhagavānapi viprarṣe rathena sadhanañjayaḥ |
sa tairvyarocata nṛpaḥ kubera iva guhyakaiḥ || 3 ||
[Analyze grammar]

dṛṣṭvā nipatitaṃ bhūmau divaścyutaṃ ivāmaram |
praṇemuḥ pāṇḍavā bhīṣmaṃ sānugāḥ saha cakriṇā || 4 ||
[Analyze grammar]

tatra brahmarṣayaḥ sarve devarṣayaśca sattama |
rājarṣayaśca tatrāsan draṣṭuṃ bharatapuṅgavam || 5 ||
[Analyze grammar]

parvato nārado dhaumyo bhagavān bādarāyaṇaḥ |
bṛhadaśvo bharadvājaḥ saśiṣyo reṇukāsutaḥ || 6 ||
[Analyze grammar]

vasiṣṭha indrapramadaḥ trito gṛtsamado'sitaḥ |
kakṣīvān gautamo'triśca kauśiko'tha sudarśanaḥ || 7 ||
[Analyze grammar]

anye ca munayo brahman brahmarātādayo'malāḥ |
śiṣyairupetā ājagmuḥ kaśyapāṅgirasādayaḥ || 8 ||
[Analyze grammar]

tān sametān mahābhāgān upalabhya vasūttamaḥ |
pūjayāmāsa dharmajño deśakālavibhāgavit || 9 ||
[Analyze grammar]

kṛṣṇaṃ ca tatprabhāvajña āsīnaṃ jagadīśvaram |
hṛdisthaṃ pūjayāmāsa māyayopātta vigraham || 10 ||
[Analyze grammar]

pāṇḍuputrān upāsīnān praśrayapremasaṅgatān |
abhyācaṣṭānurāgāśraiḥ andhībhūtena cakṣuṣā || 11 ||
[Analyze grammar]

aho kaṣṭamaho'nyāyyaṃ yad yūyaṃ dharmanandanāḥ |
jīvituṃ nārhatha kliṣṭaṃ vipradharmācyutāśrayāḥ || 12 ||
[Analyze grammar]

saṃsthite'tirathe pāṇḍau pṛthā bālaprajā vadhūḥ |
yuṣmatkṛte bahūn kleśān prāptā tokavatī muhuḥ || 13 ||
[Analyze grammar]

sarvaṃ kālakṛtaṃ manye bhavatāṃ ca yadapriyam |
sapālo yadvaśe loko vāyoriva ghanāvaliḥ || 14 ||
[Analyze grammar]

yatra dharmasuto rājā gadāpāṇirvṛkodaraḥ |
kṛṣṇo'strī gāṇḍivaṃ cāpaṃ suhṛt kṛṣṇaḥ tato vipat || 15 ||
[Analyze grammar]

na hyasya karhicit rājan pumān veda vidhitsitam |
yat vijijñāsayā yuktā muhyanti kavayo'pi hi || 16 ||
[Analyze grammar]

tasmāt idaṃ daivataṃtraṃ vyavasya bharatarṣabha |
tasyānuvihito'nāthā nātha pāhi prajāḥ prabho || 17 ||
[Analyze grammar]

eṣa vai bhagavān sākṣāt ādyo nārāyaṇaḥ pumān |
mohayan māyayā lokaṃ gūḍhaścarati vṛṣṇiṣu || 18 ||
[Analyze grammar]

asyānubhāvaṃ bhagavān veda guhyatamaṃ śivaḥ |
devarṣirnāradaḥ sākṣāt bhagavān kapilo nṛpa || 19 ||
[Analyze grammar]

yaṃ manyase mātuleyaṃ priyaṃ mitraṃ suhṛttamam |
akaroḥ sacivaṃ dūtaṃ sauhṛdādatha sārathim || 20 ||
[Analyze grammar]

sarvātmanaḥ samadṛśo hyadvayasyānahaṅkṛteḥ |
tatkṛtaṃ mativaiṣamyaṃ niravadyasya na kvacit || 21 ||
[Analyze grammar]

tathāpyekāntabhakteṣu paśya bhūpānukampitam |
yat me asūn tyajataḥ sākṣāt kṛṣṇo darśanamāgataḥ || 22 ||
[Analyze grammar]

bhaktyāveśya mano yasmin vācā yannāma kīrtayan |
tyajan kalevaraṃ yogī mucyate kāmakarmabhiḥ || 23 ||
[Analyze grammar]

sa devadevo bhagavān pratīkṣatāṃ |
kalevaraṃ yāvadidaṃ hinomyaham |
prasannahāsāruṇalocanollasan |
mukhāmbujo dhyānapathaścaturbhujaḥ || 24 ||
[Analyze grammar]

sūta uvāca |
yudhiṣṭhiraḥ tat ākarṇya śayānaṃ śarapañjare |
apṛcchat vividhān dharmān ṛṣīṇāṃ cānuśrṛṇvatām || 25 ||
[Analyze grammar]

puruṣasvabhāvavihitān yathāvarṇaṃ yathāśramam |
vairāgyarāgopādhibhyāṃ āmnātobhayalakṣaṇān || 26 ||
[Analyze grammar]

dānadharmān rājadharmān mokṣadharmān vibhāgaśaḥ |
strīdharmān bhagavaddharmān samāsavyāsa yogataḥ || 27 ||
[Analyze grammar]

dharmārthakāmamokṣāṃśca sahopāyān yathā mune |
nānākhyānetihāseṣu varṇayāmāsa tattvavit || 28 ||
[Analyze grammar]

dharmaṃ pravadatastasya sa kālaḥ pratyupasthitaḥ |
yo yoginaḥ chandamṛtyoḥ vāñchitastu uttarāyaṇaḥ || 29 ||
[Analyze grammar]

tadopasaṃhṛtya giraḥ sahasraṇīḥ |
vimuktasaṅgaṃ mana ādipūruṣe |
kṛṣṇe lasatpītapaṭe caturbhuje |
puraḥ sthite'mīlita dṛg vyadhārayat || 30 ||
[Analyze grammar]

viśuddhayā dhāraṇayā hatāśubhaḥ |
tadīkṣayaivāśu gatāyudhaśramaḥ |
nivṛtta sarvendriya vṛtti vibhramaḥ |
tuṣṭāva janyaṃ visṛjan janārdanam || 31 ||
[Analyze grammar]

śrībhīṣma uvāca |
iti matirupakalpitā vitṛṣṇā |
bhagavati sātvatapuṅgave vibhūmni |
svasukhamupagate kvacit vihartuṃ |
prakṛtimupeyuṣi yad‍bhavapravāhaḥ || 32 ||
[Analyze grammar]

tribhuvanakamanaṃ tamālavarṇaṃ |
ravikaragauravarāmbaraṃ dadhāne |
vapuralakakulāvṛta ānanābjaṃ |
vijayasakhe ratirastu me'navadyā || 33 ||
[Analyze grammar]

yudhi turagarajo vidhūmra viṣvak |
kacalulitaśramavāri alaṅkṛtāsye |
mama niśitaśarairvibhidyamāna |
tvaci vilasatkavace'stu kṛṣṇa ātmā || 34 ||
[Analyze grammar]

sapadi sakhivaco niśamya madhye |
nijaparayorbalayo rathaṃ niveśya |
sthitavati parasainikāyurakṣṇā |
hṛtavati pārthasakhe ratirmamāstu || 35 ||
[Analyze grammar]

vyavahita pṛtanāmukhaṃ nirīkṣya |
svajanavadhāt vimukhasya doṣabuddhyā |
kumatima aharat ātmavidyayā yaḥ |
caścaraṇaratiḥ paramasya tasya me'stu || 36 ||
[Analyze grammar]

svanigamamapahāya matpratijñāṃ |
ṛtamadhi kartumavapluto rathasthaḥ |
dhṛtaratha caraṇo'bhyayāt calad‍guḥ |
haririva hantumibhaṃ gatottarīyaḥ || 37 ||
[Analyze grammar]

śitaviśikhahato viśīrṇadaṃśaḥ |
kṣatajaparipluta ātatāyino me |
prasabhaṃ abhisasāra madvadhārthaṃ |
sa bhavatu me bhagavān gatirmukundaḥ || 38 ||
[Analyze grammar]

vijayarathakuṭumba āttatotre |
dhṛtahayaraśmini tat śriyekṣaṇīye |
bhagavati ratirastu me mumūrṣoḥ |
yamiha nirīkṣya hatā gatāḥ svarūpam || 39 ||
[Analyze grammar]

lalita gati vilāsa valguhāsa |
praṇaya nirīkṣaṇa kalpitorumānāḥ |
kṛtamanukṛtavatya unmadāndhāḥ |
prakṛtimagan kila yasya gopavadhvaḥ || 40 ||
[Analyze grammar]

munigaṇa nṛpavaryasaṅkule'ntaḥ |
sadasi yudhiṣṭhira rājasūya eṣām |
arhaṇaṃ upapeda īkṣaṇīyo |
mama dṛśigocara eṣa āvirātmā || 41 ||
[Analyze grammar]

tamimamahamajaṃ śarīrabhājāṃ |
hṛdi hṛdi dhiṣṭhitamātma kalpitānām |
pratidṛśamiva naikadhārkamekaṃ |
samadhigato'smi vidhūta bhedamohaḥ || 42 ||
[Analyze grammar]

sūta uvāca |
kṛṣṇa evaṃ bhagavati manovāk dṛṣṭivṛttibhiḥ |
ātmani ātmānamāveśya so'ntaḥśvāsa upāramat || 43 ||
[Analyze grammar]

sampadyamānamājñāya bhīṣmaṃ brahmaṇi niṣkale |
sarve babhūvuste tūṣṇīṃ vayāṃsīva dinātyaye || 44 ||
[Analyze grammar]

tatra dundubhayo neduḥ devamānava vāditāḥ |
śaśaṃsuḥ sādhavo rājñāṃ khātpetuḥ puṣpavṛṣṭayaḥ || 45 ||
[Analyze grammar]

tasya nirharaṇādīni samparetasya bhārgava |
yudhiṣṭhiraḥ kārayitvā muhūrtaṃ duḥkhito'bhavat || 46 ||
[Analyze grammar]

tuṣṭuvurmunayo hṛṣṭāḥ kṛṣṇaṃ tat guhyanāmabhiḥ |
tataste kṛṣṇahṛdayāḥ svāśramānprayayuḥ punaḥ || 47 ||
[Analyze grammar]

tato yudhiṣṭhiro gatvā sahakṛṣṇo gajāhvayam |
pitaraṃ sāntvayāmāsa gāndhārīṃ ca tapasvinīm || 48 ||
[Analyze grammar]

pitrā cānumato rājā vāsudevānumoditaḥ |
cakāra rājyaṃ dharmeṇa pitṛpaitāmahaṃ vibhuḥ || 49 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
prathamaskandhe yudhiṣṭhirarājyapralambho nāma navamo'dhyāyaḥ || 9 ||
[Analyze grammar]