Chapter 120

[English text for this chapter is available]

agniruvāca |
vistārastu smṛto bhūmeḥ sahasrāṇi ca saptatiḥ |
ucchrāyo daśasāhasraṃ pātālañcaikamekakaṃ || 1 ||
[Analyze grammar]

atalaṃ vitalañcaiva nitalañca gabhastimat |
mahākhyaṃ sutalañcāgryaṃ pātālañcāpi saptamaṃ || 2 ||
[Analyze grammar]

kṛṣṇapītāruṇāḥ śuklaśarkarāśailakāñcanāḥ |
bhūmayasteṣu ramyeṣu santi daityādayaḥ sukhaṃ || 3 ||
[Analyze grammar]

pātālānāmadhaścāste śeṣo viṣṇuśca tāmasaḥ |
guṇānantyātsa cānantataḥ śirasā dhārayanmahīṃ || 4 ||
[Analyze grammar]

bhuvo'dho narakā naike na patettatra vaiṣṇavaḥ |
raviṇā bhāsitā pṛthvī yāvattāyannabho mataṃ || 5 ||
[Analyze grammar]

bhūmeryojanalakṣantu viśiṣṭharavimaṇḍalaṃ |
raverlakṣeṇa candraśca lakṣānnākṣatramindutaḥ || 6 ||
[Analyze grammar]

dvilakṣādbhādbudhaścāste budhācchukro dvilakṣataḥ |
dvilakṣeṇa kujaḥ śukrādbhaumāddvilakṣato guruḥ || 7 ||
[Analyze grammar]

gurordvilakṣataḥ sauritllakṣātsaptarṣayaḥ śaneḥ |
lakṣāddhruvo hyṛṣibhyastu trailokyañcocchrayeṇa ca || 8 ||
[Analyze grammar]

dhruvātkoṭyā maharloko yatra te kalpavāsinaḥ |
jano dvikoṭitastasmādyatrāsan sanakādayaḥ || 9 ||
[Analyze grammar]

janāttapaścāṣtakoṭyā vairājā yatra devatāḥ |
ṣaṇavatyā tu koṭīnāntapasaḥ satyalokakaḥ || 10 ||
[Analyze grammar]

apunarmārakā yatra brahmaloko hi sa smṛtaḥ |
pādagamyastu bhūlloko bhuvaḥ sūryāntaraḥ smṛtaḥ || 11 ||
[Analyze grammar]

svargaloko dhruvāntastu niyutāni caturdaśa |
etadaṇḍakaṭāhena vṛto brahmāṇḍavistaraḥ || 12 ||
[Analyze grammar]

vārivahnyanilākāśaistato bhūtādinā vahiḥ |
vṛtaṃ daśaguṇairaṇḍaṃ bhūtādirmahatā tathā || 13 ||
[Analyze grammar]

daśottarāṇi śeṣāṇi ekaikasmānmāmune |
mahāntañca samāvṛtya pradhānaṃ samavasthitaṃ || 14 ||
[Analyze grammar]

anantasya na tasyāntaḥ saṅkhyānaṃ nāpi vidyate |
hetubhūtamaśeṣasya prakṛtiḥ sā parā mune || 15 ||
[Analyze grammar]

asaṅkhyātāni śāṇḍāni tatra jātāni cedṛśāṃ |
dāruṇyagniryathā tailaṃ tile tadvatpumāniti || 16 ||
[Analyze grammar]

pradhāne ca sthito vyāpī cetanātmātmavedanaḥ |
pradhānañca pumāṃścaiva sarvabhūtātmabhṛtayā || 17 ||
[Analyze grammar]

viṣṇuśaktyā mahāprājña vṛtau saṃśrayadharmiṇau |
tayoḥ saiva pṛthagbhāve kāraṇaṃ saṃśrayasya ca || 18 ||
[Analyze grammar]

kṣobhakāraṇabhūtaśca sargakāle mahāmune |
yathā śaityaṃ jale vāto vibharti kaṇikāgataṃ || 19 ||
[Analyze grammar]

jagacchaktistathā viṣṇoḥ pradhānapratipādikāṃ |
viṣṇuśaktiṃ samāsādya devādyāḥ sambhavanti hi || 20 ||
[Analyze grammar]

sa ca viṣṇuḥ svayaṃ brahma yataḥ sarvamidaṃ jagat |
yojanānāṃ sahasrāṇi bhāskarasya ratho nava || 21 ||
[Analyze grammar]

īśādaṇḍastathaivāsya dviguṇo munisattama |
sārdhakoṭistathā saptaniyutānyadhikāni vai || 22 ||
[Analyze grammar]

yojanānāntu tasyākṣastatra cakraṃ pratiṣṭhitaṃ |
trinābhimatipañcāraṃ ṣaṇṇemi dvyayanātmakaṃ || 23 ||
[Analyze grammar]

saṃvatsaramayaṃ kṛtsnaṃ kālacakraṃ pratiṣṭhitaṃ |
catvāriṃśatsahasrāṇi dvitīyākṣo vivasvataḥ || 24 ||
[Analyze grammar]

pañcānyāni tu sārdhāni syandanasya mahāmate |
akṣapramāṇamubhayoḥ pramāṇantadadyugārdhayoḥ || 25 ||
[Analyze grammar]

hrasvo'kṣastadyugārdhañca dhruvādhāraṃ rathasya vai |
hayāśca sapta chandāṃsi gāyatryādīni suvrata || 26 ||
[Analyze grammar]

udayāstamanaṃ jñeyaṃ darśanādarśanaṃ raveḥ |
yāvanmātrapradeśe tu vaśiṣṭho'vasthito dhruvaḥ || 27 ||
[Analyze grammar]

svayamāyāti tāvattu bhūmerābhūtasamplave |
ūrdhvottaramṛṣibhyastu dhruvo yatra vyavasthitaḥ || 28 ||
[Analyze grammar]

etadviṣṇupadaṃ divyaṃ tṛtīyaṃ vyomni bhāsvaraṃ |
nirdhūtadoṣapaṅkānāṃ yatīnāṃ sthānamuttamaṃ || 29 ||
[Analyze grammar]

tato gaṅgā prabhavati smaraṇātpāśanāśanī |
divi rūpaṃ harerjñeyaṃ śiśumārākṛti prabho || 30 ||
[Analyze grammar]

sthitaḥ pucche dhruvastatra bhraman bhrāmayati grahān |
sa ratho'dhiṣṭhitā devairādityairṛṣibhirvaraiḥ || 31 ||
[Analyze grammar]

gandharvairapsarobhiśca grāmaṇīsarparākṣasaiḥ |
himoṣṇavārivarṣāṇāṃ kāraṇaṃ bhagavān raviḥ || 32 ||
[Analyze grammar]

ṛgvedādimayo viṣṇuḥ sa śubhāśubhakāraṇaṃ |
rathastricakraḥ somasya kundābhāstasya vājinaḥ || 33 ||
[Analyze grammar]

vāmadakṣiṇato yuktā daśa tena caratyasau |
trayastriṃśatsahasrāṇi trayastriṃśacchatāni ca || 34 ||
[Analyze grammar]

trayastriṃśattathā devāḥ pibanti kṣaṇadākaraṃ |
ekāṃ kalāñca pitara ekāmāraśmisaṃsthitāḥ || 35 ||
[Analyze grammar]

vāyvagnidravyasambhūto rathaścandrasutasya ca |
aṣṭābhisturagairyukto budhastena caratyapi || 36 ||
[Analyze grammar]

śukrasyāpi ratho'ṣṭāśvo bhaumasyāpi rathastathā |
bṛhaspate ratho'ṣṭāśvaḥ śaneraṣṭāśvako rathaḥ || 37 ||
[Analyze grammar]

svarbhānośca ratho'ṣṭāśvaḥ ketoścāṣṭāśvako rathaḥ |
yadadya vaiṣṇavaḥ kāyastato vipra vasundharā || 38 ||
[Analyze grammar]

padmākarā samudbhūtā parvatādyādisaṃyutā |
jyotirbhuvananadyadrisamudravanakaṃ hariḥ || 39 ||
[Analyze grammar]

yadasti nāsti tadviṣṇurviṣṇujñānavijṛmbhitaṃ |
na vijñānamṛte kiñcijjñānaṃ viṣṇuḥ parampadaṃ || 40 ||
[Analyze grammar]

tatkuryādyena viṣṇuḥ syātsatyaṃ jñānamanantakaṃ |
paṭhedbhuvanakoṣaṃ hi yaḥ so'vāptasukhātmabhāk || 41 ||
[Analyze grammar]

jyotiḥśāstrādividhyāśca śubhāśubhādhipo hariḥ || 42 ||
[Analyze grammar]