Chapter 115

[English text for this chapter is available]

agniruvāca |
udyataścedgayāṃ yātuṃ śrāddhaṃ kṛtvā vidhānataḥ |
vidhāya kārpaṭīveśaṃ grāmasyāpi pradakṣiṇaṃ || 1 ||
[Analyze grammar]

kṛtvā pratidinaṅgacchetsaṃyataścāpratigrahī |
gṛhāccalitamātrasya gayayā gamanaṃ prati || 2 ||
[Analyze grammar]

svargārohaṇasopānaṃ pitṝṇāntu pade pade |
brahmajñānena kiṃ kāryaṃ gogṛhe maraṇena kiṃ || 3 ||
[Analyze grammar]

kiṃ kurukṣetravāsena yadā putro gayāṃ vrajet |
gayāprāptaṃ sutaṃ dṛṣṭvā pitṝṇāmutsavo bhavet || 4 ||
[Analyze grammar]

padbhyāmapi jalaṃ spṛṣṭvā asmabhyaṃ kinna dāsyati |
brahmajñānaṃ gayāśrāddhaṃ gogṛhe maraṇaṃ tathā || 5 ||
[Analyze grammar]

vāsaḥ puṃsāṃ kurukṣetre muktireṣā caturvidhā |
kāṅkṣanti pitaraḥ putraṃ narakādbhayabhīravaḥ || 6 ||
[Analyze grammar]

gayāṃ yāsyati yaḥ putraḥ sa nastrātā bhaviṣyati |
muṇḍanañcopavāsaśca sarvatīrtheṣvayaṃ vidhiḥ || 7 ||
[Analyze grammar]

na kālādirgayātīrthe dadyātpiṇḍāṃśca nityaśaḥ |
pakṣatrayanivāsī ca punātyāsaptatamaṃ kulaṃ || 8 ||
[Analyze grammar]

aṣṭakāsu ca vṛddhau ca gayāyāṃ mṛtavāsare |
atra mātuḥ pṛthakśrāddhamanyatra patinā saha || 9 ||
[Analyze grammar]

pitrādinavadaivatyaṃ tathā dvādaśadaivataṃ |
prathame divase snāyāttīrthe hyuttaramānase || 10 ||
[Analyze grammar]

uttare mānase puṇye āyurārogyavṛddhaye |
sarvāghaughavighātāya snānaṃ kuryādvimuktaye || 11 ||
[Analyze grammar]

santarpya devapitrādīn śrāddhakṛtpiṇḍado bhavet |
divyāntarikṣabhaumasthān devān santarpayāmyahaṃ || 12 ||
[Analyze grammar]

divyāntarikṣabhaumādi pitṛmātrādi tarpayet |
pitā pitāmahaścaiva tathaiva prapitāmahaḥ || 13 ||
[Analyze grammar]

mātā pitāmahī caiva tathaiva prapitāmahī |
mātāmahaḥ pramātāmaho vṛddhapramātāmahaḥ || 14 ||
[Analyze grammar]

tebhyo'nyebhya imān piṇḍānuddhārāya dadāmyahaṃ |
oṃ namaḥ sūryadevāya somabhaumajñarūpiṇe || 15 ||
[Analyze grammar]

jīvaśukraśanaiścārirāhuketusvarūpiṇe |
uttare mānase snātā uddharetsakalaṃ kulaṃ || 16 ||
[Analyze grammar]

sūryaṃ natvā vrajenmaunī naro dakṣiṇamānasaṃ |
dakṣiṇe mānase snānaṃ karomi pitṛtṛptaye || 17 ||
[Analyze grammar]

gayāyāmāgataḥ svargaṃ yāntu me pitaro'khilāḥ |
śrāddhaṃ piṇḍantataḥ kṛtvā sūryaṃ natvā vadedidaṃ || 18 ||
[Analyze grammar]

oṃ namo bhānave bhartre bhavāya bhava me vibho |
bhuktimuktipradaḥ sarvapitṝṇāṃ bhavabhāvitaḥ || 19 ||
[Analyze grammar]

kavyavāho'nalaḥ somo yamaścaivāryamā tathā |
agniṣvāttā varhiṣada ājyapāḥ pitṛdevatāḥ || 20 ||
[Analyze grammar]

āgacchantu mahābhāgā yuṣmābhī rakṣitāstviha |
madīyāḥ pitaro ye ca mātṛmātāmahādayaḥ || 21 ||
[Analyze grammar]

teṣāṃ piṇḍapradātāhamāgato'smi gayāmimāṃ |
udīcyāṃ muṇḍapṛṣṭhasya devarṣigaṇapūjitaṃ || 22 ||
[Analyze grammar]

nāmnā kanakhalaṃ tīrthaṃ triṣu lokeṣu viśrutaṃ |
siddhānāṃ prītijananaiḥ pāpānāñca bhayaṅkaraiḥ || 23 ||
[Analyze grammar]

lelihānairmahānāgai rakṣyate caiva nityaśaḥ |
tatra snātvā divaṃ yānti krīḍante bhuvi mānavāḥ || 24 ||
[Analyze grammar]

phalgutīrthaṃ tato gacchenmahānadyāṃ sthitaṃ paraṃ |
nāgājjanārdanātkūpādvaṭāccottaramānasāt || 25 ||
[Analyze grammar]

etadgayāśiraḥ proktaṃ phalgutīrthaṃ taducyate |
muṇḍapṛṣṭhanagādyāśca sārātsāramathāntaraṃ || 26 ||
[Analyze grammar]

yasmin phalati śrīrgaurvā kāmadhenurjalaṃ mahī |
dṛṣṭiramyādikaṃ yasmātphalgutīrthaṃ na phalguvat || 27 ||
[Analyze grammar]

phalgutīrthe naraḥ snātvā dṛṣṭvā devaṃ gadādharaṃ |
etena kiṃ na paryāptaṃ nṛṇāṃ sukṛtakāriṇāṃ || 28 ||
[Analyze grammar]

pṛthivyāṃ yāni tīrthāni āsamudrātsarāṃsi ca |
phalgutīrthaṃ gamiṣyanti vāramekaṃ dine dine || 29 ||
[Analyze grammar]

phalgutīrthe tīrtharāje karoti snānamādṛtaḥ |
pitṝṇāṃ brahmalokāptyai ātmano bhuktimuktaye || 30 ||
[Analyze grammar]

snātvā śrāddhī piṇḍado'tha nameddevaṃ pitāmahaṃ |
kalau māheśvarā lokā atra devo gadādharaḥ || 31 ||
[Analyze grammar]

pitāmaho liṅgarūpī tannamāmi maheśvaraṃ |
gadādharaṃ balaṃ kāmamaniruddhaṃ narāyaṇaṃ || 32 ||
[Analyze grammar]

brahmaviṣṇunṛsiṃhākhyaṃ varāhādiṃ namāmyahaṃ |
tato gadādharaṃ dṛṣṭvā kulānāṃ śatamuddharet || 33 ||
[Analyze grammar]

dharmāraṇyaṃ dvitīye'hni mataṅgasyāśrame vare |
mataṅgavāpyāṃ saṃsnāya śrāddhakṛtpiṇḍado bhavet || 34 ||
[Analyze grammar]

mataṅgeśaṃ susiddheśaṃ natvā cedamudīrayet |
pramāṇaṃ devatāḥ santu lokapālāśca sākṣiṇaḥ || 35 ||
[Analyze grammar]

mayāgatya mataṅge'smin pitṝṇāṃ niṣkṛtiḥ kṛtā |
snānatarpaṇaśrāddhādirbrahmatīrthe'tha kūpake || 36 ||
[Analyze grammar]

tatkūpayūpayormadhye śrāddhaṃ kulaśatoddhṛtau |
mahābodhataruṃ natvā dharmavān svargalokabhāk || 37 ||
[Analyze grammar]

tṛtīye brahmasarasi snānaṃ kuryādyatavrataḥ |
snānaṃ brahmasarastīrthe karomi brahmabhūtaye || 38 ||
[Analyze grammar]

pitṝṇāṃ brahmalokāya brahmarṣigaṇasevite |
tarpaṇaṃ śrāddhakṛtpiṇḍaṃ pradadyāttu prasecanaṃ |
kuryācca vājapeyārthī brahmayūpapradakṣiṇaṃ || 39 ||
[Analyze grammar]

eko muniḥ kumbhakuśāgrahasta āmrasya mūle salilaṃ dadāti |
āmrāśca siktāḥ pitaraśca tṛptā ekā kriyā dvyarthakarī prasiddhā || 40 ||
[Analyze grammar]

brahmāṇañca namaskṛtya kulānāṃ śatamuddharet |
phalgutīrthe caturthe'hni snātvā devāditarpaṇaṃ || 41 ||
[Analyze grammar]

kṛtvā śrāddhaṃ sapiṇḍañca gayāśirasi kārayet |
pañcakrośaṃ gayākṣetraṃ krośamekaṃ gayāśiraḥ || 42 ||
[Analyze grammar]

tatra piṇḍapradānena kulānāṃ śatamuddharet |
muṇḍapṛṣṭhe padaṃ nyastaṃ mahādevena dhīmatā || 43 ||
[Analyze grammar]

muṇḍapṛṣṭhe śiraḥ sākṣādgayāśira udāhṛtaṃ |
sākṣādgayāśirastatra phalgutīrthāśramaṃ kṛtaṃ || 44 ||
[Analyze grammar]

amṛtaṃ tatra vahati pitṝṇāṃ dattamakṣayaṃ |
snātvā daśāśvamedhe tu dṛṣṭvā devaṃ pitāmahaṃ || 45 ||
[Analyze grammar]

rudrapādaṃ naraḥ spṛṣṭvā neha bhūyo'bhijāyate |
śamīpatrapramāṇena piṇḍaṃ datvā gayāśire || 46 ||
[Analyze grammar]

narakasthā divaṃ yānti svargasthā mokṣamāpnuyuḥ |
pāyasenātha piṣṭena saktunā caruṇā tathā || 47 ||
[Analyze grammar]

piṇḍadānaṃ taṇḍulaiśca godhūmaistilamiśritaiḥ |
piṇḍaṃ datvā rudrapade kulānāṃ śatamuddharet || 48 ||
[Analyze grammar]

tathā viṣṇupade śrāddhapiṇḍado hyṛṇamuktikṛt |
pitrādīnāṃ śatakulaṃ svātmānaṃ tārayennaraḥ || 49 ||
[Analyze grammar]

tathā brahmapade śrāddhī brahmalokaṃ nayetpitṝn |
dakṣiṇāgnipade tadvadgārhapatyapade tathā || 50 ||
[Analyze grammar]

pade vāhavanīyasya śrāddhī yajñaphalaṃ labhet |
āvasathyasya candrasya sūryasya ca gaṇasya ca || 51 ||
[Analyze grammar]

agastyakārttikeyasya śrāddhī tārayate kulaṃ |
ādityasya rathaṃ natvā karṇādityaṃ namennaraḥ || 52 ||
[Analyze grammar]

kanakeśapadaṃ natvā gayākedārakaṃ namet |
sarvapāpavinirmuktaḥ pitṝn brahmapuraṃ nayet || 53 ||
[Analyze grammar]

viśālo'pi gayāśīrṣe piṇḍado'bhūcca putravān |
viśālāyāṃ viśālo'bhūdrājaputro'bravīddvijān || 54 ||
[Analyze grammar]

kathaṃ putrādayaḥ syurme dvijā ūcurviśālakaṃ |
gayāyāṃ piṇḍadānena tava sarvaṃ bhaviṣyati || 55 ||
[Analyze grammar]

viśālo'pi gayāśīrṣe pitṛpiṇḍāndadau tataḥ |
dṛṣṭvākāśe sitaṃ raktaṃ puruṣāṃstāṃśca pṛṣṭavān || 56 ||
[Analyze grammar]

ke yūyaṃ teṣu caivaikaḥ sitaḥ proce viśālakaṃ |
ahaṃ sitaste janaka indralokaṃ gataḥ śubhān || 57 ||
[Analyze grammar]

mama raktaḥ pitā putra kṛṣṇaścaiva pitāmahaḥ |
abravīnnarakaṃ prāptā tvayā muktīkṛtā vayaṃ || 58 ||
[Analyze grammar]

piṇḍadānādbrahmalokaṃ vrajāma iti te gatāḥ |
viśālaḥ prāptaputrādiḥ rājyaṃ kṛtvā hariṃ yayau || 59 ||
[Analyze grammar]

pretarājaḥ svamuktyai ca vaṇijañcedamabravīt |
pretaiḥ sarvaiḥ sahārtaḥ san sukṛtaṃ bhujyate phalaṃ || 60 ||
[Analyze grammar]

śravaṇadvādaśīyoge kumbhaḥ sānnaśca sodakaḥ |
dattaḥ purā sa madhyāhne jīvanāyopatiṣṭhate || 61 ||
[Analyze grammar]

dhanaṃ gṛhītvā me gaccha gayāyāṃ piṇḍado bhava |
vaṇigdhanaṃ gṛhītvā tu gayāyāṃ piṇḍado'bhavat || 62 ||
[Analyze grammar]

pretarājaḥ saha pretairmukto nīto hareḥ puraṃ |
gayāśīrṣe piṇḍadānādātmānaṃ svapitṝṃstathā || 63 ||
[Analyze grammar]

pitṛvaṃśe sutā ye ca mātṛvaṃśe tathaiva ca |
guruśvaśurabandhūnāṃ ye cānye bāndhavā mṛtāḥ || 64 ||
[Analyze grammar]

ye me kule luptapiṇḍāḥ putradāravivarjitāḥ |
kriyālopagatā ye ca jātyandhāḥ puṅgavastathā || 65 ||
[Analyze grammar]

virūpā āmagarbhā ye jñātājñātāḥ kule mama |
teṣāṃ piṇḍo mayā datto hyakṣayyamupatiṣṭhatāṃ || 66 ||
[Analyze grammar]

ye kecitpretarūpeṇa tiṣṭhanti pitaro mama |
te sarve tṛptimāyāntu piṇḍadānena sarvadā || 67 ||
[Analyze grammar]

piṇḍo deyastu sarvebhyaḥ sarvairvai kulatārakaiḥ |
ātmanastu tathā deyo hyakṣayaṃ lokamicchatā || 68 ||
[Analyze grammar]

pañcame'hni gadālole snāyānmantreṇa buddhimān |
gadāprakṣālane tīrthe gadālole'tipāvane || 69 ||
[Analyze grammar]

snānaṃ karomi saṃsāragadaśāntyai janārdana |
namo'kṣayavaṭāyaiva akṣayasvargadāyine || 70 ||
[Analyze grammar]

pitrādīnāmakṣayāya sarvapāpakṣayāya ca |
śrāddhaṃ vaṭatale kuryādbrāhmaṇānāñca bhojanaṃ || 71 ||
[Analyze grammar]

ekasmin bhojite vipre koṭirbhavati bhojitā |
kimpunarbahubhirbhuktaiḥ pitṝṇāṃ dattamakṣayaṃ || 72 ||
[Analyze grammar]

gayāyāmannadātā yaḥ pitarastena putriṇaḥ |
vaṭaṃ vaṭeśvaraṃ natvā pūjayetprapitāmahaṃ || 73 ||
[Analyze grammar]

akṣayāṃllabhate lokān kulānāṃ śatamuddharet |
kramato'kramato vāpi gayāyātrā mahāphalā || 74 ||
[Analyze grammar]