Agni Purana [sanskrit]

97,288 words

This Sanskrit edition of the Agnipurana. It is one of the traditional eighteen Mahapuranas presented as an encyclopedia of ancient Indian history and knowledge. It contains either 382 or 383 chapters and over 10.000 verses (Sanskrit Shlokas).

Chapter 114

[English text for this chapter is available]

agniruvāca |
gayāmāhātmyamākhyāsye gayātīrthottamottamaṃ |
gayāsurastapastepe tattapastāpibhiḥ suraiḥ || 1 ||
[Analyze grammar]

uktaḥ kṣīrābdhigo viṣṇuḥ pālayāsmān gayāsurāt |
tathetyuktvā harirdaityaṃ varaṃ brūhīti cābravīt || 2 ||
[Analyze grammar]

daityo'bravītpavitro'haṃ bhaveyaṃ sarvatīrthataḥ |
tathetyuktvā gato viṣṇurdaityaṃ dṛṣṭvā na vā hariṃ || 3 ||
[Analyze grammar]

gatāḥ śūnyā mahī svarge devā brahmādayaḥ surāḥ |
gatā ūcurhariṃ devāḥ śūnyā bhūstridivaṃ hare || 4 ||
[Analyze grammar]

daityasya darśanādeva brahmaṇañcābravīddhariḥ |
yāgārthaṃ daityadehaṃ tvaṃ prārthaya tridaśaiḥ saha || 5 ||
[Analyze grammar]

tacchrutvā sasuro brahmā gayāsuramathābravīt |
atithiḥ prārthayāmi tvāndehaṃ yāgāya pāvanaṃ || 6 ||
[Analyze grammar]

gayāsurastathetyuktvāpatattasya śirasyatha |
yāgaṃ cakāra calite dehi pūrṇāhutiṃ vibhuḥ || 7 ||
[Analyze grammar]

punarbrahmābravīdviṣṇuṃ pūrṇakāle'suro'calat |
viṣṇurdharmamathāhūya prāha devamayīṃ śilām || 8 ||
[Analyze grammar]

dhārayadhvaṃ surāḥ sarve yasyāmupari santu te |
gadādharo madīyātha mūrtiḥ sthāsyati sāmaraiḥ || 9 ||
[Analyze grammar]

dharmaḥ śilāṃ devamayīṃ tacchrutvādhārayatparāṃ |
yā dharmāddharmavatyāñca jātā dharmavratā sutā || 10 ||
[Analyze grammar]

marīcirbrahmaṇaḥ putrastāmuvāha taponvitāṃ |
yathā hariḥ śriyā reme gauryā śambhustathā tayā || 11 ||
[Analyze grammar]

kuśapuṣpādyaraṇyācca ānīyātiśramānvitaḥ |
bhuktvā dharmavratāṃ prāha pādasaṃvāhanaṃ kuru || 12 ||
[Analyze grammar]

viśrāntasya muneḥ pādau tathetyuktvā priyākarot |
etasminnantare brahmā munau supte tathāgataḥ || 13 ||
[Analyze grammar]

dharmavratācintayañca kiṃ brahmāṇaṃ samarcaye |
pādasaṃvāhanaṃ kurve brahmā pūjyo gurorguruḥ || 14 ||
[Analyze grammar]

vicintya pūjayāmāsa brahmāṇaṃ cārhaṇādibhiḥ |
marīcistāmapaśyatsa śaśāpoktivyatikramāt || 15 ||
[Analyze grammar]

śilā bhaviṣyasi krodhāddharmavratābravīcca taṃ |
pādābhyaṅgaṃ parityajya tvadguruḥ pūjito mayā || 16 ||
[Analyze grammar]

adoṣāhaṃ yatastvaṃ hi śāpaṃ prāpsyasi śaṅkarāt |
dharmavratā pṛthakśāpaṃ dhārayitvāgrimadhyagāt || 17 ||
[Analyze grammar]

tapaścacāra varṣāṇāṃ sahasrāṇyayutāni ca |
tato viṣṇvādayo devā varaṃ brūhīti cābruvan || 18 ||
[Analyze grammar]

dharmavratābravīddevān śāpannirvartayantu me |
devā ūcuḥ |
datto marīcinā śāpo bhaviṣyati na cānyathā || 19 ||
[Analyze grammar]

śilā pavitrā devāṅghrilakṣitā tvaṃ bhaviṣyasi |
devavratā devaśilā sarvadevādirūpiṇī || 20 ||
[Analyze grammar]

sarvadevamayī puṇyā niścalāyārasusya hi |
devavratovāca |
yadi tuṣṭāstha me sarve mayi tiṣṭhantu sarvadā || 21 ||
[Analyze grammar]

brahmā viṣṇuśca rudrādyā gaurīlakṣmīmukhāḥ surāḥ |
agniruvāca |
devavratāvacaḥ śrutvā tathetyuktvā divaṅgatāḥ || 22 ||
[Analyze grammar]

sā dharmaṇāsurasyāsya dhṛtā devamayī śilā |
saśilaścalito daityaḥ sthitā rudrādayastataḥ || 23 ||
[Analyze grammar]

sadevaścalito daityastato devaiḥ prasāditaḥ |
kṣīrābdhigo hariḥ prādātsvamūrtiṃ śrīgadādharaṃ || 24 ||
[Analyze grammar]

gacchantu bhoḥ svayaṃ yāsyaṃ mūrtyā vai devagamyayā || |
sthito gadādharo devo vyaktāvyaktobhayātmakaḥ || 25 ||
[Analyze grammar]

niścalārthaṃ svayaṃ devaḥ sthita ādigadādharaḥ |
gado nāmāsuro daityaḥ sa hato viṣṇunā purā || 26 ||
[Analyze grammar]

tadasthinirmitā cādyā gadā yā viśvakarmaṇā |
ādyayā gadayā hetipramukhā rākṣasā hatāḥ || 27 ||
[Analyze grammar]

gadādhareṇa vidhivat tasmādādigadādharaḥ |
devamayyāṃ śilāyāṃ ca sthite cādigadādhare || 28 ||
[Analyze grammar]

gayāsure niścaleya brahmā pūrṇāhutiṃ dadau |
gayāsuro'bravīddevān kimarthaṃ vañcito hyahaṃ || 29 ||
[Analyze grammar]

viṣṇorvacanamātreṇa kinnasyānniścalohyahaṃ |
ākrānto yadyahaṃ devā dātumarhata me varaṃ || 30 ||
[Analyze grammar]

devā ūcuḥ |
tīrthasya karaṇe yat tvamasmābhirniścalīkṛtaḥ |
viṣṇoḥ śambhorbrahmaṇaśca kṣetraṃ tava bhaviṣyati || 31 ||
[Analyze grammar]

prasiddhaṃ sarvatīrthebhyaḥ pitrāderbrahmalokadaṃ |
ityuktvā te sthitā devā devyastīrthādayaḥ sthitāḥ || 32 ||
[Analyze grammar]

yāgaṃ kṛtvā dadau brahmā ṛtvigbhyo dakṣiṇāṃ tadā |
pañcakrośaṃ gayākṣetraṃ pañcāśatpañca cārpayet || 33 ||
[Analyze grammar]

grāmān svarṇagirīn kṛtvā nadīrdugdhamadhuśravāḥ |
sarovarāṇi dadhyājyairbahūnannādiparvatān || 34 ||
[Analyze grammar]

| |
kāmadhenuṃ kalpataruṃ svarṇarūpyagṛhāṇi ca |
na yācayantu viprendrā alpānuktvā dadau prabhuḥ || 35 ||
[Analyze grammar]

dharmayāge pralobhāttu pratigṛhya dhanādikaṃ |
sthitā yadā gayāyānte śaptāte brahmaṇā tadā || 36 ||
[Analyze grammar]

vidyāvivarjitā yūyaṃ tṛṣṇāyuktā bhaviṣyatha |
dugdhādivarjitā nadyaḥ śailāḥ pāṣāṇarūpiṇaḥ || 37 ||
[Analyze grammar]

brahmāṇaṃ brāhmaṇaścocurnaṣṭaṃ śāpena śākhilaṃ |
jīvanāya prasādannaḥ kuru viprāṃśca so'bravīt || 38 ||
[Analyze grammar]

tīrthopajīvikā yūyaṃ sacandrārkaṃ bhaviṣyatha |
ye yuṣmān pūjayiṣyanti gayāyāmāgatā narāḥ || 39 ||
[Analyze grammar]

havyakavyairdhanaiḥ śraddhaisteṣāṃ kulaśataṃ vrajet |
narakātsvargalokāya svargalokātparāṅgatiṃ || 40 ||
[Analyze grammar]

gayopi cākarodyāgaṃ bahvannaṃ bahudakṣiṇaṃ |
gayā purī tena nāmnā pāṇḍavā ījire hariṃ || 41 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 114

Cover of edition (1987)

The Agni Puranam (Anandashram Edition)
by Shri Chimna Apate (श्री चिमणा आपटे) (1987)

Publisher: Anandashram, Pune; 633 pages; Title: अग्निपुराणम्;

Buy now!
Cover of edition (2007)

Agni Purana with Hindi Translation
by Tarinish Jha and Dr. Ghanshayam Tripathi (तारिणीश् झा और डॉ. घनश्याम त्रिपाठी) (2007)

Publisher: Hindi Sahitya Sammelan, Allahabad; 1199 pages; Title: अग्निपुराणम् (संस्कृत एवं हिन्दी अनुवाद);

Buy now!
Cover of edition (2023)

Agni Purana (Two Volumes)
by M. N. Dutt (2023)

Publisher: Parimal Publication Pvt. Ltd.; Editor: K. L. Joshi.; ISBN-10: 8171101690; ISBN-13: 9788171101696; 1070 pages.

Buy now!
Cover of edition (2006)

Agni-Purana (Set of 4 Volumes)
by N. Gangadharan (2006)

Publisher: Motilal Banarsidass Publishers Pvt. Ltd.; ISBN: Part I 8120803590 (9788120803596); Part II 8120803604 (‎9788120803602); Part III 8120801741 (9788120801745); Part IV 812080306X (9788120803060); 1271 pages.

Buy now!
Cover of edition (2013)

The Agni Purana (Hindi)
by (2013)

Publisher: Gita Press, Gorakhpur; Title: अग्निपुराण (केवल हिन्दी अनुवाद); ISBN-10: 8129302934; ISBN-13: 9788129302939; 848 pages.

Buy now!
Cover of edition (2013)

Agni Purana (Kannada)
by Sreedharananda (2013)

Publisher: Pooja Pusthaka Bhandara, Bangalore; Title: ಅಗ್ನಿ ಪುರಾಣ; 560 pages.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: