Chapter 25

[English text for this chapter is available]

nārada uvāca |
vāsudevādimantrāṇāṃ pūjyānāṃ lakṣaṇaṃ vade |
vāsudevaḥ saṅkarṣaṇaḥ pradyumnaścāniruddhakaḥ || 1 ||
[Analyze grammar]

namo bhagavate cādau a ā aṃ aḥ svavījakāḥ |
oṅkārādyā namontāśca namo nārāyaṇastataḥ || 2 ||
[Analyze grammar]

oṃ tat sad brahmaṇe caiva oṃ namo viṣṇave namaḥ |
oṃ kṣoṃ oṃ namo bhagavate narasiṃhāya vai namaḥ || 3 ||
[Analyze grammar]

oṃ bhūrnamo bhagavate varāhāya narādhipāḥ |
javāruṇaharidrābhā nīlaśyāmalalohitāḥ || 4 ||
[Analyze grammar]

meghāgnimadhupiṅgābhā vallabhā nava nāyakāḥ |
aṅgāni svaravījānāṃ svanāmāntairyathākramam || 5 ||
[Analyze grammar]

hṛdayādīni kalpeta vibhaktaistantravedibhiḥ |
vyañcanādīni bījāni teṣāṃ lakṣaṇamanyathā || 6 ||
[Analyze grammar]

dīrghasvaraistu bhinnāni namontāntasthitāni tu |
ahgāni hrasvayuktāni upāṅgānīti varṇyate || 7 ||
[Analyze grammar]

vibhaktanāmavarṇāntasthitāni vīdamuttamam |
dīrghairhrasvaiśca saṃyuktaṃ sāṅgopāṅgaṃsvaraiḥ kramāt || 8 ||
[Analyze grammar]

vyañcanānāṃ kramo hyeṣa hṛdayādiprakūptaye |
svavījena svanāmāntairvibhaktānyaṅganābhiḥ || 9 ||
[Analyze grammar]

yuktāni hṛdayādīni dvādaśāntādi pañcataḥ |
ārabhya kalpayitvā tu japet siddhyanurūpataḥ || 10 ||
[Analyze grammar]

hṛdayañca śiraścuḍā kavacaṃ netramastakam |
ṣaḍaṅgāni tu vījānāṃ mūlasya dvādaśāṅgakam || 11 ||
[Analyze grammar]

hṛcchiraśca śikhā varmma cāstranetrantathodaram |
pṛṣṭhabāhūrujānūṃśca jaṅghā pādau kramānnyaset || 12 ||
[Analyze grammar]

kaṃ ṭaṃ paṃ śaṃ vainateyaḥ khaṃ ṭhaṃ phaṃ ṣaṃ gadāmanuḥ |
gaṃ ḍaṃ baṃ saṃ puṣṭimantro ghaṃ ḍhaṃ bhaṃ haṃ śriyai namaḥ || 13 ||
[Analyze grammar]

vaṃ śaṃ maṃ kṣaṃ pāñcajanyaṃ chaṃ taṃ paṃ kaustubhāya ca |
jaṃ khaṃ vaṃ sudarśanāya śrīvatsāya saṃ vaṃ daṃ caṃ laṃ || 14 ||
[Analyze grammar]

oṃ dhaṃ vaṃ vanamālāyai mahānantāya vai namaḥ |
nirbījapadamantrāṇaṃ padairaṅgāni kalpayet || 15 ||
[Analyze grammar]

jātyantairnāmasaṃyuktairhṛdayādīni pañcadhā |
praṇavaṃ hṛdayādīni tataḥ proktāni pañcadhā || 16 ||
[Analyze grammar]

praṇavaṃ hṛdayaṃ pūrvaṃ parāyeti śiraḥ śikhā |
nāmnātmanā tu kavacaṃ astraṃ nāmāntakaṃ bhavet || 17 ||
[Analyze grammar]

oṃ parāstrādisvanāmātmā caturthyanto namontakaḥ |
ekavyūhādipaḍviśavyūhāttasyātmano manuḥ || 18 ||
[Analyze grammar]

kaniṣṭhādikarāgreṣu prakṛtiṃ dehakerccayet |
parāya puruṣātmā syāt prakṛtyātmā dvirūpakaḥ || 19 ||
[Analyze grammar]

oṃ parāyāgnyātmane caiva vāyvarkkau ca dvirūpakaḥ |
agniṃ trimūrttau vinyasya vyāpakaṃ karadehayoḥ || 20 ||
[Analyze grammar]

vāyvarkkau karaśākhāsu savyetarakaradvaye |
hṛdi mūrttau tanāveṣa trivyūhe turyyarūpake || 21 ||
[Analyze grammar]

ṛgvedaṃ vyāpakaṃ haste aṅgulīṣu yajurnyaset |
taladvayetharvarūpaṃ śirohṛccaraṇāntakaḥ || 22 ||
[Analyze grammar]

ākāśaṃ vyāpakaṃ nyasya kare dehe tu pūrvavat |
aṅgulīṣu ca vāyvādi śirohṛdguhyapādake || 23 ||
[Analyze grammar]

vāyurjyotirjalaṃ pṛthvī pañcavyūhaḥ samīritaḥ |
manaḥ śrotrantvagdṛgjihvā ghrāṇaṃ ṣaḍvyūha īritaḥ || 24 ||
[Analyze grammar]

vyāpakaṃ mānasaṃ nyasya tatoṅguṣṭhāditaḥ kramāt |
mūrddhāsyahṛdguhyapatsu kathitaḥ karuṇātmakaḥ || 25 ||
[Analyze grammar]

ādimūrttistu sarvatra vyāpako jīvasañjñitaḥ |
bhūrbhuvaḥ svarmmaharjjanastapaḥ satyañca saptadhā || 26 ||
[Analyze grammar]

kare dehe nyasedādyamaṅguṣṭhādikrameṇa tu |
talasaṃsthaḥ saptamaśca lokeśo dehake kramāt || 27 ||
[Analyze grammar]

dehe śirolalāṭāsyahṛdguhyāṅghriṣusaṃsthitaḥ |
agniṣṭomastathokthastu ṣoḍaśī vājapeyakaḥ || 28 ||
[Analyze grammar]

atirātrāptoryāmañca yajñātmā saptarūpakaḥ |
dhīrahaṃ manaḥ śabdaśca sparśarūparasāstata || 29 ||
[Analyze grammar]

gandho buddhirvyāpakaṃ tu kare dehe nyaset kramāt |
nyasedantyau ca talayoḥ ke lalāṭe mukhe hṛdi || 30 ||
[Analyze grammar]

nābhau guhye ca pāde ca aṣṭavyūhaḥ pumān smṛta |
jīvo buddhirahaṅkāro manaḥ śabdo guṇonilaḥ || 31 ||
[Analyze grammar]

rūpaṃ raso navātmāyaṃ jīva ahguṣṭhakadvaye |
tarjanyādikramāccheṣaṃ yāvadvāmapradeśinīm || 32 ||
[Analyze grammar]

dehe śirolalāṭāsyahṛnnābhiguhyajānuṣu |
pādayośca daśātmāyaṃ indro vyāpī samāsthitaḥ || 33 ||
[Analyze grammar]

aṅguṣṭakadvaye vahnistarjanyādau pareṣu ca |
śirolalāṭavaktreṣu hṛnnābhiguhyajānuṣu || 34 ||
[Analyze grammar]

pādayorekādaśātmā manaḥ śrotraṃ tvageva ca |
cakṣurjihvā tathā ghrāṇaṃ vākpāṇyaṅghriśca pāyukaḥ || 35 ||
[Analyze grammar]

upasthaṃ mānaso vyāpī śrotramaṅguṣṭhakadvaye |
tarjanyādikramādaṣṭau atiriktaṃ taladvaye || 36 ||
[Analyze grammar]

uttamāṅgalalāṭāsyahṛnnābhāvatha guhyake |
ūruyugme tathā jaṅghe gulphapādeṣu ca kramāt || 37 ||
[Analyze grammar]

viṣṇurmmadhuharaścaiva trivikramakavāmanau |
śrīdharotha hṛṣīkeśaḥ padmanābhastathaiva ca || 38 ||
[Analyze grammar]

dāmodaraḥ keśavaśca nārāyaṇastataḥ paraḥ |
mādhavaścātha govindo viṣṇuṃ vai vyāpakaṃ nyaset || 39 ||
[Analyze grammar]

aṅguṣṭhādau tale dvau ca pāde jānuni vai kaṭau |
śiraḥ śikharakaṭyāñca jānupādādiṣu nyaset || 40 ||
[Analyze grammar]

dvādaśātmā pañcaviṃśaḥ ṣaḍviṃśavyūhakastathā |
puruṣo dhīrahaṅkāro manaścittañca śabdakaḥ || 41 ||
[Analyze grammar]

tathā sparśo raso rūpaṃ gandhaḥ śrotraṃ tvacastathā |
cakṣurjihvā nāsikā ca vākpāṇyaṅghriśca pāyavaḥ || 42 ||
[Analyze grammar]

upastho bhūrjalantejo vāyurākāśameva ca |
puruṣaṃ vyāpakaṃ nyasya aṅguṣṭhādau daśa nyaset || 43 ||
[Analyze grammar]

śeṣān hastatale nyasya śirasyatha lalāṭake |
mukhahṛnnābhiguhyorujānvaṅghrau karaṇodūtau || 44 ||
[Analyze grammar]

pāde jānvorupasthe ca hṛdaye mūdrdhni ca kramāt |
paraśca puruṣātmādau ṣaḍviṃśe pūrvavatparam || 45 ||
[Analyze grammar]

sañcintya maṇḍalaike tu prakṛtiṃ pūjayedbudhaḥ |
pūrvayāmyāpyasaumyeṣu hṛdayādīni pūjayet || 46 ||
[Analyze grammar]

astramagnyādikoṇeṣu vainateyādi pūrvavat |
dikpālāṃśca vidhistvanyaḥ trivyūhegniśca madhyataḥ || 47 ||
[Analyze grammar]

pūrvādidigbalāvāsorājyādibhiralaṅkṛtaḥ |
karṇikāyāṃ nābhasaśca mānasaḥ karṇikāsthitaḥ || 48 ||
[Analyze grammar]

viśvarūpaṃ sarvasthityai yajedrājyajayāya ca |
sarvavyūhaiḥ samāyuktamaṅgairapi ca pañcabhiḥ || 49 ||
[Analyze grammar]

garuḍadyaistathendrādyaiḥ sarvān kāmānavāpnuyāt |
viṣvaksenaṃ yajennāmnā vai bījaṃ vyomasaṃsthitam || 50 ||
[Analyze grammar]