Chapter 24

[English text for this chapter is available]

nārada uvāca |
agnikāryaṃ pravakṣyāmi yena syātsarvakāmabhāk |
caturabhyadhikaṃ viṃśamaṅgulaṃ caturasrakaṃ || 1 ||
[Analyze grammar]

sūtreṇa sūtrayitvā tu kṣetraṃ tāvatkhanetsamaṃ |
khātasya mekhalā kāryā tyaktvā caivāṅguladvayaṃ || 2 ||
[Analyze grammar]

sattvādisañjñā pūrvāśā dvādaśāṅgulamucchritā |
aṣṭāṅgulā dvyaṅulātha caturaṅgulavistṛtā || 3 ||
[Analyze grammar]

yonirdaśāṅgulā ramyā ṣaṭcaturdvyaṅgulāgragā |
kramānnimnā tu kartavyā paścimāśāvyavasthitā || 4 ||
[Analyze grammar]

aśvatthapatrasadṛśī kiñcitkuṇḍe niveśitā |
turyāṅgulāyatā nālaṃ pañcadaśāṅgulāyataṃ || 5 ||
[Analyze grammar]

mūlantu tryaṅgulaṃ yonyā agraṃ tasyāḥ ṣaḍaṅgulaṃ |
lakṣaṇañcaikahastasya dviguṇaṃ dvikarādiṣu || 6 ||
[Analyze grammar]

ekatrimekhalaṃ kuṇḍaṃ vartulādi vadāmyahaṃ |
kuṇḍārdhe tu sthitaṃ sūtraṃ koṇe yadatiricyate || 7 ||
[Analyze grammar]

tadardhaṃ diśi saṃsthāpya bhrāmitaṃ vartulaṃ bhavet |
kuṇḍārdhaṃ koṇabhāgārdhaṃ diśiścottarato vahiḥ || 8 ||
[Analyze grammar]

pūrvapaścimato yatnāllāñchayitvā tu madhyataḥ |
saṃsthāpya bhrāmitaṃ kuṇḍamardhacandraṃ bhavetśubhaṃ || 9 ||
[Analyze grammar]

padmākāre dalāni syurmekhalānāntu vartule |
bāhudaṇḍapramāṇantu homārthaṃ kārayetsrucaṃ || 10 ||
[Analyze grammar]

saptapañcāṅgulaṃ vāpi caturasrantu kārayet |
tribhāgena bhavedgartaṃ madhye vṛttaṃ suśobhanam || 11 ||
[Analyze grammar]

tiryagūrdhvaṃ samaṃ khātādvahirardhantu śodhayet |
aṅgulasya caturthāṃśaṃ śeṣārdhārdhaṃ tathāntataḥ || 12 ||
[Analyze grammar]

khātasya mekhalāṃ ramyāṃ śeṣārdhena tu kārayet |
kaṇṭhaṃ tribhāgavistāraṃ aṅguṣṭhakasamāyataṃ || 13 ||
[Analyze grammar]

sārdhamaṅguṣṭhakaṃ vā syāttadagre tu mukhaṃ bhavet |
caturaṅgulavistāraṃ pañcāṅgulamathāpi vā || 14 ||
[Analyze grammar]

trikaṃ dvyaṅgulakaṃ tatsyānmadhyantasya suśobhanam |
āyāmastatsamastasya madhyanimnaḥ suśobhanaḥ || 15 ||
[Analyze grammar]

śuṣiraṃ kaṇṭhadeśe syādviśedyāvatkanīyasī |
śeṣakuṇḍantu kartavyaṃ yathāruci vicitritaṃ || 16 ||
[Analyze grammar]

sruvantu hastamātraṃ syāddaṇḍakena samanvitaṃ |
vaṭukaṃ dvyaṅgulaṃ vṛttaṃ kartavyantu suśobhanaṃ || 17 ||
[Analyze grammar]

gopadantu yathā magnamalpapaṅke tathā bhavet |
upalipya likhedrekhāmaṅgulāṃ vajranāsikāṃ || 18 ||
[Analyze grammar]

saumyāgrā prathamā tasyāṃ rekhe pūrvamukhe tayoḥ |
madhye tisrastathā kuryāddakṣiṇādikrameṇa tu || 19 ||
[Analyze grammar]

evamullikhya cābhyukṣya praṇavena tu mantravit |
viṣṭaraṃ kalpayettena tasmin śaktintu vaiṣṇavīṃ || 20 ||
[Analyze grammar]

alaṃ kṛtvā mūrtimatīṃ kṣipedagniṃ hariṃ smaran |
prādeśamātrāḥ samidho datvā parisamuhya taṃ || 21 ||
[Analyze grammar]

darbhaistridhā paristīrya pūrvādau tatra pātrakaṃ |
āsādayedidhmavahnī bhūmau ca śrukśruvadvayaṃ || 22 ||
[Analyze grammar]

ājyasthālī carusthālī kuśājyañca praṇītayā |
prokṣayitvā prokṣaṇīñca gṛhītvāpūrya vāriṇā || 23 ||
[Analyze grammar]

pavitrāntarhite haste pariśrāvya ca tajjalaṃ |
prāṅnītvā prokṣaṇīpātraṇjyotiragre nidhāya ca || 24 ||
[Analyze grammar]

tadadbhistriśca samprokṣya iddhmaṃ vinyasya cāgrataḥ |
praṇītāyāṃ supuṣpāyāṃ viṣṇuṃ dhyātvottareṇa ca || 25 ||
[Analyze grammar]

ājyasthālīmathājyena sampūryāgre nidhāya ca |
samplavotpavanābhyāntu kuryādājyasya saṃskṛtiṃ || 26 ||
[Analyze grammar]

akhaṇḍitāgrau nirgarbhau kuśau prādeśamātrakau |
tābhyāmuttānapāṇibhyāmaṅguṣṭhānāmikena tu || 27 ||
[Analyze grammar]

ājyaṃ tayostu saṅgṛhya dvirnītvā triravāṅkṣipet |
sruksruvau cāpi saṅgṛhya tābhyāṃ prakṣipya vāriṇa || 28 ||
[Analyze grammar]

pratapya darbhaiḥ sammṛjya punaḥ prakṣyālya caiva hi |
niṣṭapya sthāpayitvā tu praṇavenaiva sādhakaḥ || 29 ||
[Analyze grammar]

praṇavādinamontena paścāddhomaṃ samācaret |
garbhādhānādikarmāṇi yāvadaṃśavyavasthayā || 30 ||
[Analyze grammar]

nāmāntaṃ vratabandhāntaṃ samāvartāvasānakam |
adhikārāvasānaṃ vā karyādaṅgānusārataḥ || 31 ||
[Analyze grammar]

praṇavenopacārantu kuryātsarvatra sādhakaḥ |
aṅgairhomastu kartavyo yathāvittānusārataḥ || 32 ||
[Analyze grammar]

garbhādānantu prathamaṃ tataḥ puṃsavanaṃ smṛtam |
sīmantonnayanaṃ jātakarma nāmānnaprāśanam || 33 ||
[Analyze grammar]

cūḍakṛtiṃ vratabandhaṃ vedavratānyaśeṣataḥ |
samāvartanaṃ patnyā ca yogaścāthādhikārakaḥ || 34 ||
[Analyze grammar]

hṛdādikramato dhyātvā ekaikaṃ karma pūjya ca |
aṣṭāvaṣṭau tu juhuyātpratikarmāhutīḥ punaḥ || 35 ||
[Analyze grammar]

pūrṇāhutiṃ tato dadyātśrucā mūlena sādhakaḥ |
vauṣaḍantena mantreṇa plutaṃ susvaramuccaran || 36 ||
[Analyze grammar]

viṣṇorvahnintu saṃskṛtya śrapayedvaiṣṇavañcarum |
ārādhya sthiṇḍile viṣṇuṃ mantrān saṃsmṛtya saṃśrapet || 37 ||
[Analyze grammar]

āsanādikrameṇaiva sāṅgāvaraṇamuttamam |
gandhapuṣpaiḥ samabhyarcya dhyātā devaṃ surottamam || 38 ||
[Analyze grammar]

ādhāyedhmamathāghārāvājyāvagnīśasaṃsthitau |
vāyavyanairṛtāśādipravṛttau tu yathākramam || 39 ||
[Analyze grammar]

ājyabhāgau tato hutvā cakṣuṣī dakṣiṇottare |
madhyetha juhuyātsarvamantrānarcākrameṇa tu || 40 ||
[Analyze grammar]

ājyena tarpayenmūrterdaśāṃśenāṅgahomakam |
śataṃ sahasraṃ vājyādyaiḥ samidbhirvā tilaiḥ saha || 41 ||
[Analyze grammar]

samāpyārcāntu homāntāṃ śucīn śiṣyānupoṣitān |
āhūyāgre niveśyātha hyastreṇa prokṣayetpaśūn || 42 ||
[Analyze grammar]

śiṣyānātmani saṃyojya avidyākarmabandhanaiḥ |
liṅgānuvṛttaścaitanyaṃ saha liṅgena pāśitam || 43 ||
[Analyze grammar]

dhyānamārgena samprokṣya vāyubījena śodhayet |
tato dahanabījena sṛṣṭiṃ brahmāṇḍasañjñikām || 44 ||
[Analyze grammar]

nirdagdhāṃ sakalāṃ dhyāyedbhasmakūṭanibhasthitām |
plāvayedvāriṇā bhasma saṃsāraṃ vārmayaṃ smaret || 45 ||
[Analyze grammar]

tatra śaktiṃ nyasetpaścātpārthivīṃ bījasañjñikām |
tanmātrābhiḥ samastābhiḥ saṃvṛtaṃ pārthivaṃ śubham || 46 ||
[Analyze grammar]

aṇḍantadudbhavandhyāyettadādhārantadātmakam |
tanmadhye cintayenmūrtiṃ pauruṣīṃ praṇavātmikām || 47 ||
[Analyze grammar]

liṅgaṃ saṅkrāmayetpaścādātmasthaṃ pūrvasaṃskṛtam |
vibhaktendriyasaṃsthānaṃ kramādvṛddhaṃ vicintayet || 48 ||
[Analyze grammar]

tatoṇḍamabdamekaṃ tu sthitvā dviśakalīkṛtam |
dyāvāpṛthivyau śakale tayormadhye prajāpatim || 49 ||
[Analyze grammar]

jātaṃ dhyātvā punaḥ prokṣya praṇavena tu saṃśritam |
mantrātmakatanuṃ kṛtvā yathānyāsaṃ puroditam || 50 ||
[Analyze grammar]

viṣṇurhastaṃ tato mūrdhni datvā dhyātvā tu vaiṣṇavam |
evamekaṃ bahūn vāpi janitvā dhyānayogataḥ || 51 ||
[Analyze grammar]

karau saṅgṛhya mūlena netre baddhvā tu vāsasā |
netramantreṇa mantrī tān sadanenāhatena tu || 52 ||
[Analyze grammar]

kṛtapūjo guruḥ samyakdevadevasya tattvavān |
śiṣyān puṣpāñjalibhṛtaḥ prāṅmukhānupaveśayet || 53 ||
[Analyze grammar]

arcayeyuśca tepyevamprasūtā guruṇā harim |
kṣiptvā puṣpāñjaliṃ tatra puṣpādibhiranantaram || 54 ||
[Analyze grammar]

amantramarcanaṃ kṛtvā guroḥ pādārcanantataḥ |
vidhāya dakṣiṇāṃ dadyātsarvasvaṃ cārdhameva vā || 55 ||
[Analyze grammar]

guruḥ saṃśikṣayecchiṣyān taiḥ pūjyo nāmabhirhariḥ |
viśvaksenaṃ yajedīśaṃ śaṅkhacakragadādharam || 56 ||
[Analyze grammar]

tajjapantañca tarjanyā maṇḍalasthaṃ visarjayet || 57 ||
[Analyze grammar]

viṣṇunirmālyamakhilaṃ viṣvaksenāya cārpayet |
praṇītābhistathātmānamabhiṣicya ca kuṇḍagaṃ || 58 ||
[Analyze grammar]

vahnimātmani saṃyojya viṣvaksenaṃ visarjayet |
bubhukṣuḥ sarvamāpnoti mumukṣurlīyate harau || 59 ||
[Analyze grammar]