Chapter 13

[English text for this chapter is available]

agniruvāca |
bhārataṃ sampravakṣayāmi kṛṣṇamāhātmyalakṣaṇam |
bhūbhāramaharadviṣṇunimittīkṛtya pāṇḍavān || 1 ||
[Analyze grammar]

viṣṇunābhyabjajo brahmā brahmāputro'triratritaḥ |
somaḥ somād budhastasmādaila āsīt purūravāḥ || 2 ||
[Analyze grammar]

tasmādāyustato rājā nahuṣo'to yayātikaḥ |
tataḥ purustasya vaṃśe bharato'tha nṛpaḥ kuruḥ || 3 ||
[Analyze grammar]

tadvaṃśe śāntanustasmādbhīṣmo gaṅgāsuto'nujau |
citrāṅgadau vicitraśca satyavatyāñca śāntanoḥ || 4 ||
[Analyze grammar]

svargaṃ gate śāntanau ca bhīṣmo bhāryyāvivarjjitaḥ |
apālayat bhrātṛrājyaṃ bālaści trāṅgado hataḥ || 5 ||
[Analyze grammar]

citrāṅgadena dve kanye kāśirājasya cāmbikā |
ambālikā ca bhīṣmeṇa ānīte vijitāriṇā || 6 ||
[Analyze grammar]

bhārye vicitravīryasya yakṣmaṇā sa divaṅgataḥ |
satyavatyā hyanumatādambikāyāṃ nṛpobhavat || 7 ||
[Analyze grammar]

dhṛtarāṣṭro'mbālikāyāṃ pāṇḍuśca vyāsataḥ sutaḥ |
gāndhāryyāṃ dhṛtarāṣṭrācca duryoṃdhanamukhaṃ śatam || 8 ||
[Analyze grammar]

śataśrṛṅgāśramapade bhāryāyogād yato mṛtiḥ |
ṛṣiśāpāttato dharmmāt kuntyāṃ pāṇḍoryudhiṣṭhiraḥ || 9 ||
[Analyze grammar]

vātādbhīmo'rjunaḥ śakrānmādryāmaśvikumārataḥ |
nakulaḥ sahadevaśca pāṇḍurmmādrīyuto mṛtaḥ || 10 ||
[Analyze grammar]

karṇaḥ kuntyāṃ hi kanyāyāṃ jāto duryodhanāśritaḥ |
kurupāṇḍavayorvairandaivayogād babhūva ha || 11 ||
[Analyze grammar]

duryodhanau jatugṛhe pāṇḍavānadahat kudhīḥ |
dagdhāgārādviniṣkrāntā mātṛṣaṣṭhāstu pāṇḍavāḥ || 12 ||
[Analyze grammar]

tatastu ekacakrāyāṃ brāhmaṇasya niveśane |
muniveṣāḥ sthitāḥ sarve nihatya vakarākṣasam || 13 ||
[Analyze grammar]

yayuḥ pāñcālaviṣayaṃ draupadyāste svayamvare |
samprāptā bāhuvedhena draupadī pañcapāṇḍavaiḥ || 14 ||
[Analyze grammar]

arddharājyaṃ tataḥ prāptā jñātā duryodhanādibhiḥ |
gāṇḍīvañca dhanurdivyaṃ pāvakādrathamuttamam || 15 ||
[Analyze grammar]

sārathiñcārjunaḥ saṅkhaye kṛṣṇamakṣayyaśāyakān |
brahmāstrārdistathā droṇātsarve śastraviśāradāḥ || 16 ||
[Analyze grammar]

kṛṣṇena so'rjuno vahniṃ khāṇḍave samatarpayat |
indravṛṣṭiṃ vārayaṃśca śaravarṣeṇa pāṇḍavaḥ || 17 ||
[Analyze grammar]

jitā diśaḥ pāṇḍavaiśca rājyañcakre yudhiṣṭhiraḥ |
bahusvarṇaṃ rājasūyaṃ ca sehai taṃ suyodhanaḥ || 18 ||
[Analyze grammar]

bhrātrā duḥ śāsanenoktaḥ karṇena prāptabhūtinā |
dyutakārye śakuninā dyūtena sa yudhiṣṭhiram || 19 ||
[Analyze grammar]

ajayattasya rājyañca sabhāstho māyayāhasat |
aṣṭāśītisahastrāṇi bhojayan pūrvavad dvijān || 20 ||
[Analyze grammar]

vane dvādaśavarṣāṇi pratijñātāni so'nayat |
aṣṭāśītisahastrāṇi bhojayan pūrvavad dvijān || 21 ||
[Analyze grammar]

sadhaumyo draupadīṣaṣṭhastataḥ prāyādvirāṭakam |
kaṅko dvijo hyavijñāto rājā bhīmotha sūpakṛt || 22 ||
[Analyze grammar]

bṛhannalārjuno bhāryā sairindhrī yamajau tathā |
anyanāmnā bhīmasenaḥ kīcakañcābadhīnniśi || 23 ||
[Analyze grammar]

draupadīṃ harttukāmaṃ tamarjunaścājayat kurūn |
kurvato gograhādīṃśca tairjñātāḥ pāṇḍavā atha || 24 ||
[Analyze grammar]

subhadrā kṛṣṇabhaginī arjunātsamajījanat |
abhimanyundadau tasmai virāṭaścottarāṃ sutām || 25 ||
[Analyze grammar]

saptākṣauhiṇīśa āsīddharmmarājo raṇāya saḥ |
kṛṣṇo dūtobravīd gatvā duryodhanamamarṣaṇam || 26 ||
[Analyze grammar]

ekādaśakṣauhiṇīśaṃ nṛpaṃ duryodhanaṃ tadā |
yudhiṣṭhirāyārddharājyaṃ dehi grāmāṃśca pañca vā || 27 ||
[Analyze grammar]

yudhyasva vā vacaḥ śrutvā kṛṣṇamāha suyodhanaḥ |
bhūsūcyagraṃ na dāsyāmi yotsye saṅgrahaṇodyataḥ || 28 ||
[Analyze grammar]

viśvarūpandarśayitvā adhṛṣyaṃ vidurārccitaḥ |
prāgādyudhiṣṭhiraṃ prāha yodhayainaṃ suyodhanam || 29 ||
[Analyze grammar]