Chapter 12

[English text for this chapter is available]

agniruvāca |
harivaṃśampravakṣayāmi viṣṇunābhyambujādajaḥ |
brahmaṇotristataḥ somaḥ somājjātaḥ purūravāḥ || 1 ||
[Analyze grammar]

tasmādāyurabhūttasmānnahuṣo'to yayātikaḥ |
yaduñca turvasuntasmāddevayānī vyajāyata || 2 ||
[Analyze grammar]

druhyañcānuñca pūruñca śarmmiṣṭhā vārṣaparvaṇī |
yadoḥ kule yādavāśca vasudevastaduttamaḥ || 3 ||
[Analyze grammar]

bhūvo bhārāvatārārthaṃ devakyāṃ vasudevataḥ |
hiraṇyakaśipoḥ putrāḥ ṣaḍgarbhā yoganidrayā || 4 ||
[Analyze grammar]

viṣṇuprayuktayā nītā devakījaṭharaṃ purā |
abhūcca saptamo garbho devakyā jaṭharād balaḥ || 5 ||
[Analyze grammar]

saṅkrāmito'bhūdrohiṇyāṃ rauhiṇeyastato iriḥ |
kṛṣṇāṣṭamyāñca nabhasi arddharātre caturbhujaḥ || 6 ||
[Analyze grammar]

devakyā vasudevena stuto bālo dvibāhukaḥ |
vasudevaḥ kaṃsabhayādyasodāśayane'nayat || 7 ||
[Analyze grammar]

yaśodāvālikāṃ gṛhya devakīśayane'nayat |
kaṃso bāladhvaniṃ śrutvā tāñcikṣaepa śilātale || 8 ||
[Analyze grammar]

vārītopi sa devakyā mṛtyurgarbhoṣṭamo mama |
śrutvā'śarīṇīṃ vācaṃ matto garbhāstu māritāḥ || 9 ||
[Analyze grammar]

samarpitāstu devakyā vivāhasamayeritāḥ |
sā kṣiptā bālikā kaṃsamākaśasthābravīdidam || 10 ||
[Analyze grammar]

kiṃ mayā kṣiptāyā kaṃsa jāto yastvāṃ vadhiṣyati |
sarvasvabhūto devānāṃ bhūbhāraharaṇāya saḥ || 11 ||
[Analyze grammar]

ityuktvā sā ca sumbhādīn hatvendreṇa ca saṃstutā |
āryā durgā vedagarbhā ambikā bhadrakālyapi || 12 ||
[Analyze grammar]

bhadrā kṣomyā kṣemakarī naikabāhurnamāmi tām |
trisandhyaṃ yaḥ paṭhennāma sarvān kāmānavāpnuyāt || 13 ||
[Analyze grammar]

kaṃsopi pūtanādīṃśca praiṣayad bālanāśane |
yaśodāpatinandāya vasudevena cārpitau || 14 ||
[Analyze grammar]

rakṣaṇāya ca saṃsāderbhītenaiva hi gokule |
rāmakṛṣṇau ceratustau gobhirgopālakaiḥ saha || 15 ||
[Analyze grammar]

sarvasya jagataḥ pālau gopālau tau babhūvatuḥ |
kṛṣṇaścolūkhale baddho dāmnā vyagrayaśodayā || 16 ||
[Analyze grammar]

yamalārjunamadhye'gād bhagnau ca yamalārjunau |
parivṛttaśca śakaṭaḥ pādakṣepāt stanārthinā || 17 ||
[Analyze grammar]

pūtanā stanapānena sā hatā hantumudyatā |
vṛndāvanagataḥ kṛṣṇaḥ kāliyaṃ yamunāhradāt || 18 ||
[Analyze grammar]

jitvā niḥ sārya cābdhisthañcakāra balasaṃstutaḥ |
kṣemaṃ tālavanaṃ cakre hatvā dhenukagarddabham || 19 ||
[Analyze grammar]

ariṣṭavṛṣabhaṃ hatvā keśinaṃ hayarūpiṇam |
śakrotsavaṃ parityajya kārito gotrayajñakaḥ || 20 ||
[Analyze grammar]

parvataṃ ghārayitvā ca śakrād vṛpṭirnivāritā |
namaskṛto mahendreṇa govindo'thārjunorpitaḥ || 21 ||
[Analyze grammar]

indrotsavastu tuṣṭena bhūyaḥ kṛṣṇena kāritaḥ |
rathastho mathurāñcāgāt kaṃsoktākrūrasaṃstutaḥ || 22 ||
[Analyze grammar]

gopībhiranuraktābiḥ krīḍitābhirnirīkṣitaḥ |
rajakaṃ cāprayacchantaṃ itvā vastrāṇi cāgrahīt || 23 ||
[Analyze grammar]

saha rāmeṇa mālābhṛnmālākāre varandadau |
dattānulepanāṃ kubjāmṛjuṃ cakre'hanad gajam || 24 ||
[Analyze grammar]

mattaṃ kuvalayāpīḍaṃ dvāri raṅgaṃ praviśya ca |
kaṃsādīnāṃ paśyatāṃ ca mañcasthānāṃ niyuddhakam || 25 ||
[Analyze grammar]

cakre cāraṇūramallena muṣṭikena balo'karot |
cāṇūramuṣṭikau tābhyāṃ hatau mallau tathāpare || 26 ||
[Analyze grammar]

jarāsandhasya te putrayau jarāsandhastadīritaḥ |
cakresa mathurārodhaṃ yādavairyuyudhe ca kaṃsage || 27 ||
[Analyze grammar]

rāmakṛṣṇau ca mathurāṃ tyaktvā gomantamāgatau |
jarāsandhaṃ vijityājau pauṇḍrakaṃ vāsudevakam || 29 ||
[Analyze grammar]

purīṃ ca dvārakāṃ kṛtvā nyavasad yādavairvṛtaḥ |
bhaumaṃ tu nākaṃ hatvā tenānītāśca kanyakāḥ || 30 ||
[Analyze grammar]

devagandharvayakṣāṇāṃ tā uvāha janārddanaḥ |
ṣoḍaśastrīsahastrāṇi rukmiṇyādyāstathāṣṭa ca || 31 ||
[Analyze grammar]

satyabhāmāsamāyukto garuḍe narakārdanaḥ |
maṇiśailaṃ santyaśca indraṃ jitvā harirdivi || 32 ||
[Analyze grammar]

pārijātaṃ samānīya satyabhāmāgṛhe'karot |
sāndīpaneśca śaśtrāstraṃ jñātvā tadbālakaṃ dadau || 33 ||
[Analyze grammar]

jitvā pañcajanaṃ daityaṃ yamena ca supūjitaḥ |
avadhīt kālayavanaṃ mucukundena pūjitaḥ || 34 ||
[Analyze grammar]

vasudevaṃ devakīñca bhaktaviprāṃśca sorccayat |
revatyāṃ balabhadrācca yajñāte niśaṭhonmukau || 35 ||
[Analyze grammar]

kṛṣṇāt śāmbo jāmbavatyāmanyāsvanye'bhavan sutāḥ |
pradyumno'bhūcca rukmiṇyāṃ ṣaṣṭhe'hni sa hṛto balāt || 36 ||
[Analyze grammar]

śambareṇāmbudhau kṣiptomatsyojagrāha dhīvaraḥ |
taṃ matsyaṃ śambarāyādānmāyāvatyaica śambaraḥ || 37 ||
[Analyze grammar]

māyāvatī matsyamadhye dṛṣṭvā svaṃ patimādarāt |
papoṣa sā taṃ covāca ratiste'haṃ patirmama || 38 ||
[Analyze grammar]

kāmastvaṃ śambhunānaṅgaḥ kṛtohaṃ śambareṇa ca |
hṛtā na tasya patnī tvaṃ māyājñaḥ śambaraṃ jahi || 39 ||
[Analyze grammar]

tacchrutvā śambaraṃ hatvā pradyumnaḥ saha bhāryayā |
mā yāvatyā yayau kṛṣṇaṃ kṛṣṇo hṛṣṭo'tha rukmiṇī || 40 ||
[Analyze grammar]

pradyumnādanirudvobhūduṣāpatirudāradhīḥ |
bāṇo balisutastasya sutoṣā śoṇitaṃ puram || 41 ||
[Analyze grammar]

tapasā śivaputro'bhūd māyūradhvajapātitaḥ |
yuddhaṃ prāpsyasi bāṇa tvaṃ bāṇaṃ tuṣṭaḥ śivobhyadhāt || 42 ||
[Analyze grammar]

śivena krīḍatīṃ gaurīṃ dṛṣṭvoṣā saspṛhā patau |
tāmāha gaurī bharttā te niśi supteti darśanāt || 43 ||
[Analyze grammar]

vaiśākhamāsadvādaśyāṃ puṃso bharttā bhaviṣyati |
gauryyukta harṣitā coṣā gṛhe suptā dadarśa tam || 44 ||
[Analyze grammar]

ātmanā saṅgataṃ jñātvā tatsakhyā citralekhayā |
likhitādvai citrapaṭādanisddhaṃ samānayat || 45 ||
[Analyze grammar]

kṛṣṇaṇautraṃ dvārakāto duhitā bāṇamantriṇaḥ |
kumbhāṇḍasyāniruddhogādrarāma hyuṣayā saha || 46 ||
[Analyze grammar]

bāṇadhvajasya sampātai rakṣibhiḥ sa niveditaḥ |
aniruddhasya bāṇena yuddhamāsītsudāruṇam || 47 ||
[Analyze grammar]

śrutvā tu nāradāt kṛṣṇaḥ pradyumnabalabhadravān |
garuḍasthotha jitvāgnīñjvaraṃ māheśvarantathā || 48 ||
[Analyze grammar]

hariśaṅkarayoryuddhaṃ babhūvātha śarāśari |
nandivināyakaskandamukhāstākṣaryādibhirjitāḥ || 49 ||
[Analyze grammar]

jṛmbhite śaṅkare naṣṭe jṛmbhaṇāstreṇa viṣṇunā |
chinnaṃ sahastraṃ bāhūnāṃ rudreṇābhayamarthitam || 50 ||
[Analyze grammar]

viṣṇunā jīvito bāṇo dvibāhuḥ prābravīcchivam |
tvayā yadabhayaṃ dattaṃ bāṇasyāsya mayā ca tat || 51 ||
[Analyze grammar]

āvayornāsti bhedo vai bhedī narakamāpnuyāt |
śivādyaiḥ pūjito viṣṇuḥ soniruddha uṣādiyuk || 52 ||
[Analyze grammar]

dvārakāntu gato reme ugrasenādiyādavaiḥ |
aniruddhātmajo vajro mārkaṇḍeyāttu sarvavit || 53 ||
[Analyze grammar]

balabhadraḥ pralambaghno yamunākarṣaṇo'bhavat |
dvividasya kaperbhettā kauravonmādanāśanaḥ || 54 ||
[Analyze grammar]

harī remenekamūrttī rukmiṇyādibhirīśvaraḥ |
putrānutpādayāmāsa tvasaṃkhyātān sa yādavān |
harivaṃśaṃ paṭhed yaḥ sa prāptakāmo hariṃ vrajet || 55 ||
[Analyze grammar]