Chapter 10

[English text for this chapter is available]

nārada uvāca |
rāmoktañcāṅgadau gatvā rāvaṇaṃ prāha jānakī |
dīyatāṃ rāghavāyāśu anyathā tvaṃ maripyasi || 1 ||
[Analyze grammar]

rāvaṇo hantumudyuktaḥ saṅgrāmoddhatarākṣasaḥ |
rāmayāha daśagrīvo yuddhamekaṃ tu manyate || 2 ||
[Analyze grammar]

rāmo yuddhāya tacchrutvā laṅkāṃ sakapirāyayau |
vānaro hanumāna maindo dvividau jāmbavānnalaḥ || 3 ||
[Analyze grammar]

nīlastāroṅgado dhūbhraḥ suṣeṇaḥ keśarī gayaḥ |
panaso vinato rambhaḥ śarabhaḥ kathano balī || 4 ||
[Analyze grammar]

gavākṣo dadhivaktraśca gavayo gandhamādanaḥ |
ete cānye ca sugrīva etairyukto hyasaṅkhyakaiḥ || 5 ||
[Analyze grammar]

rakṣasāṃ vānarāṇāñca yuddhaṃ saṅkulamābabhau |
rākṣasā vānarāñajaghnuḥ śaraśaktigadādibhiḥ || 6 ||
[Analyze grammar]

vānarā rākṣasāñ jaghnurnakhadantaśilādibhiḥ |
hastthaśvarathapādātaṃ rākṣasānāṃ balaṃ hatam || 7 ||
[Analyze grammar]

hanūmān giriṛṅgeṇa dhūmrākṣamavadhīdripum |
akampanaṃ prahastañca yudhyantaṃ nīla āvadhīt || 8 ||
[Analyze grammar]

indrajiccharabandhācca vimuktau rāmalakṣamaṇau |
tārkṣyasandarśanād bāṇairjaghnanū rākṣasaṃ balam || 9 ||
[Analyze grammar]

rāmaḥ śarairjarjaritaṃ rāvaṇañcākarodraṇe |
rāvaṇaḥ kumbakarṇañca baudhayāmāsa duḥ khitaḥ || 10 ||
[Analyze grammar]

kumbhakarṇaḥ prabuddho'tha pītvā ghaṭasahastrakam |
madyasya mahiṣādīnāṃ bhakṣayitvāha rāvaṇam || 11 ||
[Analyze grammar]

sītāyā haraṇaṃ pāpaṃ kṛtantvaṃ hi gururyataḥ |
ato gacchāmi yuddhāya rāmaṃ hanmi savānaram || 12 ||
[Analyze grammar]

ityuktvā vānarān sarvān kumbhakarṇo mamardda ha |
gṛhītastena sugrīvaḥ karṇanāsaṃ cakartta saḥ || 13 ||
[Analyze grammar]

karṇanāsāvihīno'sau bhakṣa yāmāsa vānarān |
atha kumbho nikumabhaśca makarākṣaśca rākṣasaḥ || 14 ||
[Analyze grammar]

tataḥ pādau tataśchittvā śiro bhūmau vyapātayat |
atha kumbho nikumbhaśca makarākṣaśca rākṣasaḥ || 15 ||
[Analyze grammar]

mahodaro mahāpārśvo matta untattarākṣasaḥ |
praghaso bhāsakarṇaśca virūpākṣascha saṃyuge || 16 ||
[Analyze grammar]

devāntako narāntaśca triśirāścātikāyakaḥ |
rāmeṇa lakṣmaṇenaite vānaraiḥ savibhīṣaṇaiḥ || 17 ||
[Analyze grammar]

yudhyamānāstathāhyanye rākṣasābhuvi pātitāḥ |
indrajinmāyayā yudhyan rāmādīn sambabandha ha || 18 ||
[Analyze grammar]

varadattairnāgabāṇai roṣadhyā tau viśalyakau |
viśalyayāvraṇau kṛtvā mārutyānītaparvane || 19 ||
[Analyze grammar]

hanūmān dhārayāmāsa tatrāgaṃ yatra saṃśthitaḥ |
nikumbhilāyāṃ homādi kurvantaṃ taṃ hi lakṣmaṇaḥ || 20 ||
[Analyze grammar]

śarairindrajitaṃ vīraṃ yuddhe taṃ tu vyaśātayat |
rāvaṇaḥ śokasntaptaḥ sītāṃ hantuṃ samudyataḥ || 21 ||
[Analyze grammar]

avindhyavārito rājarathasyaḥ sabalauyayau |
indrokto mātalīrāmaṃ rathasthaṃ pracakāra tam || 22 ||
[Analyze grammar]

rāmarāvaṇayoryuddhaṃ rāmarāvaṇayoriva |
rāvaṇo vānarān hanti mārutyādyāśca rāvaṇam || 23 ||
[Analyze grammar]

rāmaḥ śastraistamastraiśca vavarṣa jalado yathā |
tasya dhvajaṃ sa ciccheda rathamaśvāṃśca sārathim || 24 ||
[Analyze grammar]

dhanurbāhūñchirāṃsyeva uttiṣṭhanti śirāṃsi hi |
paitāmahena hṛdayaṃ bhittvā rāmeṇa rāvaṇaḥ || 25 ||
[Analyze grammar]

bhūtale pātitaḥ sarvai rākṣasai ruruduḥ striyaḥ |
āśvāsya tañca saṃskṛtya rāmajñapto vibhīṣaṇaḥ || 26 ||
[Analyze grammar]

hanṛmatānayadrāmaḥ sītāṃ śuddhāṃ gṛhītavān |
rāmo vahnau praviṣṭāntāṃ śuddhāmindrādibhiḥ stutaḥ || 27 ||
[Analyze grammar]

brahmaṇā daśarathena tvaṃ viṣṇ rākṣasamarddanaḥ |
indraurccito'mṛtavṛṣṭyā jīvayāmāsa vānarān || 28 ||
[Analyze grammar]

rāmeṇa pūjitā jagmuryuddhaṃ dṛṣṭvā divañca te |
rāmo vibhīṣaṇāyādāllaṅkāmabhyarcya vānarān || 29 ||
[Analyze grammar]

sasītaḥ puṣpake sthitvā gatamārgeṇa vai gataḥ |
darśayan vanadurgāṇi sītāyai hṛṣṭamānasaḥ || 30 ||
[Analyze grammar]

bharadvājaṃ namaskṛtya nandigrāmaṃ samāgataḥ |
bharatena nataścāgādayodhyāntatra saṃśthitaḥ || 31 ||
[Analyze grammar]

vasiṣṭhādīnnamaskṛtya kauśalyāñcaiva kekayīm |
sumitrāṃ prāptarājyo'tha dvijādīn so'bhyapūjayat || 32 ||
[Analyze grammar]

vāsudevaṃ svamātmānamaśvamedhairathāyajat |
sarvadānāni sa dadau pālayāmāsa sa prajāḥ || 33 ||
[Analyze grammar]

putravaddharmmakāmādīn duṣṭanigrahaṇe rataḥ |
sarvadharmmaparo lokaḥ sarvaśasyā ca medinī |
nākālamaraṇañcāsīdrāme rājyaṃ praśāsati || 34 ||
[Analyze grammar]