Chapter 6

[English text for this chapter is available]

nārada uvāca |
bharate'tha gate rāmaḥ pitrādīnabhyapūjayat |
rājā daśaratho rāmamuvāca śṛṇu rāghava || 1 ||
[Analyze grammar]

guṇānurāgādrājye tvaṃ prajābhirabhiṣecitaḥ |
manasāhaṃ prabhāte te yauvarājyaṃ dadāmi ha || 2 ||
[Analyze grammar]

rātrau tvaṃ sītayā sārdhaṃ saṃyataḥ suvrato bhava |
rājñaśca mantriṇaścāṣṭau savasiṣṭhāstathābruvan || 3 ||
[Analyze grammar]

sṛṣṭirjayanto vijayaḥ siddhārtho rāṣṭravardhanaḥ |
aśoko dharmapālaśca sumantraḥ savasiṣṭhakaḥ || 4 ||
[Analyze grammar]

pitrādivacanaṃ śrutvā tathetyuktvā sa rāghavaḥ |
sthito devārcanaṃ kṛtvā kauśalyāyai nivedya tat || 5 ||
[Analyze grammar]

rājovāca vasiṣṭhādīn rāmarājyābhiṣecane |
sambhārān sambhavantu sma ityuktvā kaikeyīṅgataḥ || 6 ||
[Analyze grammar]

ayodhyālaṅkṛtiṃ dṛṣṭvā jñātvā rāmābhiṣecanaṃ |
bhaviṣyatītyācacakṣe kaikeyīṃ mantharā sakhī || 7 ||
[Analyze grammar]

pādau gṛhītvā rāmeṇa karṣitā sāparādhataḥ |
tena vaireṇa sā rāma vanavāsañca kāṅkṣati || 8 ||
[Analyze grammar]

kaikeyi tvaṃ samuttiṣṭha rāmarājyābhiṣecanaṃ |
maraṇaṃ tava putrasya mama te nātra saṃśayaḥ || 9 ||
[Analyze grammar]

kubjayoktañca tacchrutvā ekamābharaṇaṃ dadau |
uvāca me yathā rāmastathā me bharataḥ sutaḥ || 10 ||
[Analyze grammar]

upāyantu na paśyāmi bharato yena rājyabhāk |
kaikeyīmabravītkruddhā hāraṃ tyaktvātha mantharā || 11 ||
[Analyze grammar]

bāliśe rakṣa bharatamātmānaṃ māñca rāghavāt |
bhavitā rāghavo rājā rāghavasya tataḥ sutaḥ || 12 ||
[Analyze grammar]

rājavaṃśastu kaikeyi bharatātparihāsyate |
devāsure purā yuddhe śambareṇa hatāḥ surāḥ || 13 ||
[Analyze grammar]

rātrau bhartā gatastatra rakṣito vidyayā tvayā |
varadvayantadā prādādyācedānīṃ nṛpañca tat || 14 ||
[Analyze grammar]

rāmasya ca vanevāsaṃ nava varṣāṇi pañca ca |
yauvarājyañca bharate tadidānīṃ pradāsyati || 15 ||
[Analyze grammar]

protsāhitā kubjayā sā anarthe cārthadarśinī |
uvāca sadupāyaṃ me kaccittaṃ kārayiṣyati || 16 ||
[Analyze grammar]

krodhāgāraṃ praviṣṭātha patitā bhuvi mūrchitā |
dvijādīnarcayitvātha rājā daśarathastadā || 17 ||
[Analyze grammar]

dadarśa kekayīṃ ruṣṭāmuvāca kathamīdṛśī |
rogārtā kiṃ bhayodvignā kimicchasi karomi tat || 18 ||
[Analyze grammar]

yena rāmeṇa hi vinā na jīvāmi muhūrtakam |
śapāmi tena kuryāṃ vai vāñchitaṃ tava sundari || 19 ||
[Analyze grammar]

satyaṃ brūhīti sovāca nṛpaṃ mahyaṃ dadāsi cet |
varadvayaṃ pūrvadattaṃ satyāttvaṃ dehi me nṛpa || 20 ||
[Analyze grammar]

caturdaśasamā rāmo vane vasatu saṃyataḥ |
sambhārairebhiradyaiva bharatotrābhiṣecyatām || 21 ||
[Analyze grammar]

viṣaṃ pītvā mariṣyāmi dāsyasi tvaṃ na cennṛpa |
tacchrutvā mūrchito bhūmau vajrāhata ivāpatat || 22 ||
[Analyze grammar]

muhūrtāccetanāṃ prāpya kaikeyīmidamabravīt |
kiṃ kṛtaṃ tava rāmeṇa mayā vā pāpaniścaye || 23 ||
[Analyze grammar]

yanmāmevaṃ bravīṣi tvaṃ sarvalokāpriyaṅkari |
kevalaṃ tvatpriyaṃ kṛtvā bhaviṣyāmi suninditaḥ || 24 ||
[Analyze grammar]

yā tvaṃ bhāryā kālarātrī bharato nedṛśaḥ sutaḥ |
praśādhi vidhavā rājyaṃ mṛte mayi gate sute || 25 ||
[Analyze grammar]

satyapāśanibaddhastu rāmamāhūya cābravīt |
kaikeyyā vañcito rāma rājyaṃ kuru nigṛhya mām || 26 ||
[Analyze grammar]

tvayā vane tu vastavyaṃ kaikeyībharato nṛpaḥ |
pitarañcaiva kaikeyīṃ namaskṛtya pradakṣiṇaṃ || 27 ||
[Analyze grammar]

kṛtvā natvā ca kauśalyāṃ samāśvasya salakṣmaṇaḥ |
sītayā bhāryayā sārdhaṃ sarathaḥ sasumantrakaḥ || 28 ||
[Analyze grammar]

datvā dānāni viprebhyo dīnānāthebhya eva saḥ |
mātṛbhiścaiva viprādyaiḥ śokārtairnirgataḥ purāt || 29 ||
[Analyze grammar]

uṣitvā tamasātīre rātrau paurān vihāya ca |
prabhāte tamapaśyanto'yodhyāṃ te punarāgatāḥ || 30 ||
[Analyze grammar]

rudan rājāpi kauśalyā gṛhamāgātsuduḥkhitaḥ |
paurā janā striyaḥ sarvā rurudū rājayoṣitaḥ || 31 ||
[Analyze grammar]

rāmo rathasthaścīrāḍhyaḥ śṛṅgaverapuraṃ yayau |
guhena pūjitastatra iṅgudīmūlamāśritaḥ || 32 ||
[Analyze grammar]

lakṣmaṇaḥ sa guho rātrau cakraturjāgaraṃ hi tau |
sumantraṃ sarathaṃ tyaktvā prātarnāvātha jāhnavīṃ || 33 ||
[Analyze grammar]

rāmalakṣmaṇasītāśca tīrṇā āpuḥ prayāgakam |
bharadvājaṃ namaskṛtya citrakūṭaṃ giriṃ yayuḥ || 34 ||
[Analyze grammar]

vāstupūjāntataḥ kṛtvā sthitā mandākinītaṭe |
sītāyai darśayāmāsa citrakūṭañca rāghavaḥ || 35 ||
[Analyze grammar]

nakhairvidārayantantāṃ kākantaccakṣurākṣipat |
aiṣikāstreṇa śaraṇaṃ prāpto devān vihāyasaḥ || 36 ||
[Analyze grammar]

rāme vanaṃ gate rājā ṣaṣṭhe'hni niśi cābravīt |
kauśalyāṃ sa kathāṃ paurvāṃ yadajñānaddhataḥ purā || 37 ||
[Analyze grammar]

kaumāre śarayūtīre yajñadattakumārakaḥ |
śabdabhedācca kumbhena śabdaṃ kurvaṃśca tatpitā || 38 ||
[Analyze grammar]

śaśāpa vilapanmātrā śokaṃ kṛtvā rudanmuhuḥ |
putraṃ vinā mariṣyāvastvaṃ ca śokānmariṣyasi || 39 ||
[Analyze grammar]

putraṃ vinā smaran śokātkauśalye maraṇaṃ mama |
kathāmuktvātha hā rāmamuktvā rājā divaṅgataḥ || 40 ||
[Analyze grammar]

suptaṃ mattvātha kauśalyā suptā śokārtameva sā |
suprabhāte gāyanāśca sūtamāgadhavandinaḥ || 41 ||
[Analyze grammar]

prabodhakā bodhayanti na ca budhyatyasau mṛtaḥ |
kauśalyā taṃ mṛtaṃ jñātvā hā hatāsmīti cābravīt || 42 ||
[Analyze grammar]

narā nāryo'tha rurudurānīto bharatastadā |
vaśiṣṭhādyaiḥ saśatrughnaḥ śīghraṃ rājagṛhātpurīm || 43 ||
[Analyze grammar]

dṛṣṭvā saśokāṃ kaikeyīṃ nindayāmāsa duḥkhitaḥ |
akīrtiḥ pātitā mūrdhni kauśalyāṃ sa praśasya ca || 44 ||
[Analyze grammar]

pitarantailadroṇisthaṃ saṃskṛtya sarayūtaṭe |
vaśiṣṭhādyairjanairukto rājyaṃ kurviti so'bravīt || 45 ||
[Analyze grammar]

vrajāmi rāmamānetuṃ rāmo rājā mato balī |
śṛṅgaveraṃ prayāgañca bharadvājena bhojitaḥ || 46 ||
[Analyze grammar]

namaskṛtya bharadvājaṃ rāmaṃ lakṣmaṇamāgataḥ |
pitā svargaṃ gato rāma ayodhyāyāṃ nṛpo bhava || 47 ||
[Analyze grammar]

ahaṃ vanaṃ prayāsyāmi tvadādeśapratīkṣakaḥ |
rāmaḥ śrutvā jalaṃ datvā gṛhītvā pāduke vraja || 48 ||
[Analyze grammar]

rājyāyāhannayāsyāmi satyāccīrajaṭādharaḥ |
rāmokto bharataścāyānnandigrāme sthito balī |
tyaktvāyodhyāṃ pāduke te pūjya rājyamapālayat || 49 ||
[Analyze grammar]