Chapter 90

kasya cittvatha kālasya yudhājit kekayo nṛpaḥ |
svaguruṃ preṣayāmāsa rāghavāya mahātmane || 1 ||
[Analyze grammar]

gārgyamaṅgirasaḥ putraṃ brahmarṣimamitaprabham |
daśa cāśvasahasrāṇi prītidānamanuttamam || 2 ||
[Analyze grammar]

kambalāni ca ratnāni citravastramathottamam |
rāmāya pradadau rājā bahūnyābharaṇāni ca || 3 ||
[Analyze grammar]

śrutvā tu rāghavo gārgyaṃ maharṣiṃ samupāgatam |
mātulasyāśvapatinaḥ priyaṃ dūtamupāgatam || 4 ||
[Analyze grammar]

pratyudgamya ca kākutsthaḥ krośamātraṃ sahānugaḥ |
gārgyaṃ saṃpūjayāmāsa dhanaṃ tat pratigṛhya ca || 5 ||
[Analyze grammar]

pṛṣṭvā ca prītidaṃ sarvaṃ kuśalaṃ mātulasya ca |
upaviṣṭaṃ mahābhāgaṃ rāmaḥ praṣṭuṃ pracakrame || 6 ||
[Analyze grammar]

kimāha matulo vākyaṃ yadarthaṃ bhagavāniha |
prāpto vākyavidāṃ śreṣṭha sākṣādiva bṛhaspatiḥ || 7 ||
[Analyze grammar]

rāmasya bhāṣitaṃ śrutvā brahmarṣiḥ kāryavistaram |
vaktumadbhutasaṃkāśaṃ rāghavāyopacakrame || 8 ||
[Analyze grammar]

mātulaste mahābāho vākyamāha nararṣabha |
yudhājit prītisaṃyuktaṃ śrūyatāṃ yadi rocate || 9 ||
[Analyze grammar]

ayaṃ gandharvaviṣayaḥ phalamūlopaśobhitaḥ |
sindhorubhayataḥ pārśve deśaḥ paramaśobhanaḥ || 10 ||
[Analyze grammar]

taṃ ca rakṣanti gandharvāḥ sāyudhā yuddhakovidāḥ |
śailūṣasya sutā vīrāstisraḥ koṭyo mahābalāḥ || 11 ||
[Analyze grammar]

tān vinirjitya kākutstha gandharvaviṣayaṃ śubham |
niveśaya mahābāho dve pure susamāhitaḥ || 12 ||
[Analyze grammar]

anyasya na gatistatra deśaścāyaṃ suśobhanaḥ |
rocatāṃ te mahābāho nāhaṃ tvāmanṛtaṃ vade || 13 ||
[Analyze grammar]

tacchrutvā rāghavaḥ prīto maharṣermātulasya ca |
uvāca bāḍhamityevaṃ bharataṃ cānvavaikṣata || 14 ||
[Analyze grammar]

so'bravīd rāghavaḥ prītaḥ prāñjalipragraho dvijam |
imau kumārau taṃ deśaṃ brahmarṣe vijayiṣyataḥ || 15 ||
[Analyze grammar]

bharatasyātmajau vīrau takṣaḥ puṣkala eva ca |
mātulena suguptau tau dharmeṇa ca samāhitau || 16 ||
[Analyze grammar]

bharataṃ cāgrataḥ kṛtvā kumārau sabalānugau |
nihatya gandharvasutāndve pure vibhajiṣyataḥ || 17 ||
[Analyze grammar]

niveśya te puravare ātmājau saṃniveśya ca |
āgamiṣyati me bhūyaḥ sakāśamatidhārmikaḥ || 18 ||
[Analyze grammar]

brahmarṣimevamuktvā tu bharataṃ sabalānugam |
ājñāpayāmāsa tadā kumārau cābhyaṣecayat || 19 ||
[Analyze grammar]

nakṣatreṇa ca saumyena puraskṛtyāṅgiraḥ sutam |
bharataḥ saha sainyena kumārābhyāṃ ca niryayau || 20 ||
[Analyze grammar]

sā senā śakrayukteva naragānniryayāvatha |
rāghavānugatā dūraṃ durādharṣā surāsuraiḥ || 21 ||
[Analyze grammar]

māṃsāśīni ca sattvāni rakṣāṃsi sumahānti ca |
anujagmuśca bharataṃ rudhirasya pipāsayā || 22 ||
[Analyze grammar]

bhūtagrāmāśca bahavo māṃsabhakṣāḥ sudāruṇāḥ |
gandharvaputramāṃsāni bhoktukāmāḥ sahasraśaḥ || 23 ||
[Analyze grammar]

siṃhavyāghrasṛgālānāṃ khecarāṇāṃ ca pakṣiṇām |
bahūni vai sahasrāṇi senāyā yayuragrataḥ || 24 ||
[Analyze grammar]

adhyardhamāsamuṣitā pathi senā nirāmayā |
hṛṣṭapuṣṭajanākīrṇā kekayaṃ samupāgamat || 25 ||
[Analyze grammar]