Chapter 76

tāmāryagaṇasaṃpūrṇāṃ bharataḥ pragrahāṃ sabhām |
dadarśa buddhisaṃpannaḥ pūrṇacandrāṃ niśāmiva || 1 ||
[Analyze grammar]

āsanāni yathānyāyamāryāṇāṃ viśatāṃ tadā |
adṛśyata ghanāpāye pūrṇacandreva śarvarī || 2 ||
[Analyze grammar]

rājñastu prakṛtīḥ sarvāḥ samagrāḥ prekṣya dharmavit |
idaṃ purohito vākyaṃ bharataṃ mṛdu cābravīt || 3 ||
[Analyze grammar]

tāta rājā daśarathaḥ svargato dharmamācaran |
dhana dhānyavatīṃ sphītāṃ pradāya pṛthivīṃ tava || 4 ||
[Analyze grammar]

rāmastathā satyadhṛtiḥ satāṃ dharmamanusmaran |
nājahāt piturādeśaṃ śaśī jyotsnāmivoditaḥ || 5 ||
[Analyze grammar]

pitrā bhrātrā ca te dattaṃ rājyaṃ nihatakaṇṭakam |
tadbhuṅkṣva muditāmātyaḥ kṣipramevābhiṣecaya || 6 ||
[Analyze grammar]

udīcyāśca pratīcyāśca dākṣiṇātyāśca kevalāḥ |
koṭyāparāntāḥ sāmudrā ratnānyabhiharantu te || 7 ||
[Analyze grammar]

tacchrutvā bharato vākyaṃ śokenābhipariplutaḥ |
jagāma manasā rāmaṃ dharmajño dharmakāṅkṣayā || 8 ||
[Analyze grammar]

sa bāṣpakalayā vācā kalahaṃsasvaro yuvā |
vilalāpa sabhāmadhye jagarhe ca purohitam || 9 ||
[Analyze grammar]

caritabrahmacaryasya vidyā snātasya dhīmataḥ |
dharme prayatamānasya ko rājyaṃ madvidho haret || 10 ||
[Analyze grammar]

kathaṃ daśarathājjāto bhaved rājyāpahārakaḥ |
rājyaṃ cāhaṃ ca rāmasya dharmaṃ vaktumihārhasi || 11 ||
[Analyze grammar]

jyeṣṭhaḥ śreṣṭhaśca dharmātmā dilīpanahuṣopamaḥ |
labdhumarhati kākutstho rājyaṃ daśaratho yathā || 12 ||
[Analyze grammar]

anāryajuṣṭamasvargyaṃ kuryāṃ pāpamahaṃ yadi |
ikṣvākūṇāmahaṃ loke bhaveyaṃ kulapāṃsanaḥ || 13 ||
[Analyze grammar]

yaddhi mātrā kṛtaṃ pāpaṃ nāhaṃ tadabhirocaye |
ihastho vanadurgasthaṃ namasyāmi kṛtāñjaliḥ || 14 ||
[Analyze grammar]

rāmamevānugacchāmi sa rājā dvipadāṃ varaḥ |
trayāṇāmapi lokānāṃ rāghavo rājyamarhati || 15 ||
[Analyze grammar]

tadvākyaṃ dharmasaṃyuktaṃ śrutvā sarve sabhāsadaḥ |
harṣānmumucuraśrūṇi rāme nihitacetasaḥ || 16 ||
[Analyze grammar]

yadi tvāryaṃ na śakṣyāmi vinivartayituṃ vanāt |
vane tatraiva vatsyāmi yathāryo lakṣmaṇastathā || 17 ||
[Analyze grammar]

sarvopāyaṃ tu vartiṣye vinivartayituṃ balāt |
samakṣamārya miśrāṇāṃ sādhūnāṃ guṇavartinām || 18 ||
[Analyze grammar]

evamuktvā tu dharmātmā bharato bhrātṛvatsalaḥ |
samīpasthamuvācedaṃ sumantraṃ mantrakovidam || 19 ||
[Analyze grammar]

tūrṇamutthāya gaccha tvaṃ sumantra mama śāsanāt |
yātrāmājñāpaya kṣipraṃ balaṃ caiva samānaya || 20 ||
[Analyze grammar]

evamuktaḥ sumantrastu bharatena mahātmanā |
prahṛṣṭaḥ so'diśat sarvaṃ yathā saṃdiṣṭamiṣṭavat || 21 ||
[Analyze grammar]

tāḥ prahṛṣṭāḥ prakṛtayo balādhyakṣā balasya ca |
śrutvā yātrāṃ samājñaptāṃ rāghavasya nivartane || 22 ||
[Analyze grammar]

tato yodhāṅganāḥ sarvā bhartṝn sarvān gṛhegṛhe |
yātrā gamanamājñāya tvarayanti sma harṣitāḥ || 23 ||
[Analyze grammar]

te hayairgorathaiḥ śīghraiḥ syandanaiśca manojavaiḥ |
saha yodhairbalādhyakṣā balaṃ sarvamacodayan || 24 ||
[Analyze grammar]

sajjaṃ tu tadbalaṃ dṛṣṭvā bharato gurusaṃnidhau |
rathaṃ me tvarayasveti sumantraṃ pārśvato'bravīt || 25 ||
[Analyze grammar]

bharatasya tu tasyājñāṃ pratigṛhya praharṣitaḥ |
rathaṃ gṛhītvā prayayau yuktaṃ paramavājibhiḥ || 26 ||
[Analyze grammar]

sa rāghavaḥ satyadhṛtiḥ pratāpavānbruvan suyuktaṃ dṛḍhasatyavikramaḥ |
guruṃ mahāraṇyagataṃ yaśasvinaṃ prasādayiṣyanbharato'bravīttadā || 27 ||
[Analyze grammar]

tūrṇaṃ samutthāya sumantra gaccha balasya yogāya balapradhānān |
ānetumicchāmi hi taṃ vanasthaṃ prasādya rāmaṃ jagato hitāya || 28 ||
[Analyze grammar]

sa sūtaputro bharatena samyagājñāpitaḥ saṃparipūrṇakāmaḥ |
śaśāsa sarvānprakṛtipradhānānbalasya mukhyāṃśca suhṛjjanaṃ ca || 29 ||
[Analyze grammar]

tataḥ samutthāya kule kule te rājanyavaiśyā vṛṣalāśca viprāḥ |
ayūyujannuṣṭrarathān kharāṃśca nāgān hayāṃścaiva kulaprasūtān || 30 ||
[Analyze grammar]