Chapter 65

tataḥ prabhāte vimale kṛtakarmā narādhipaḥ |
viśvāmitraṃ mahātmānamājuhāva sarāghavam || 1 ||
[Analyze grammar]

tamarcayitvā dharmātmā śāstradṛṣṭtena karmaṇā |
rāghavau ca mahātmānau tadā vākyamuvāca ha || 2 ||
[Analyze grammar]

bhagavan svāgataṃ te'stu kiṃ karomi tavānagha |
bhavānājñāpayatu māmājñāpyo bhavatā hyaham || 3 ||
[Analyze grammar]

evamuktaḥ sa dharmātmā janakena mahātmanā |
pratyuvāca munirvīraṃ vākyaṃ vākyaviśāradaḥ || 4 ||
[Analyze grammar]

putrau daśarathasyemau kṣatriyau lokaviśrutau |
draṣṭukāmau dhanuḥ śreṣṭhaṃ yadetattvayi tiṣṭhati || 5 ||
[Analyze grammar]

etaddarśaya bhadraṃ te kṛtakāmau nṛpātmajau |
darśanādasya dhanuṣo yatheṣṭaṃ pratiyāsyataḥ || 6 ||
[Analyze grammar]

evamuktastu janakaḥ pratyuvāca mahāmunim |
śrūyatāmasya dhanuṣo yadarthamiha tiṣṭhati || 7 ||
[Analyze grammar]

devarāta iti khyāto nimeḥ ṣaṣṭho mahīpatiḥ |
nyāso'yaṃ tasya bhagavan haste datto mahātmanā || 8 ||
[Analyze grammar]

dakṣayajñavadhe pūrvaṃ dhanurāyamya vīryavān |
rudrastu tridaśān roṣāt salīlamidamabravīt || 9 ||
[Analyze grammar]

yasmādbhāgārthino bhāgānnākalpayata me surāḥ |
varāṅgāni mahārhāṇi dhanuṣā śātayāmi vaḥ || 10 ||
[Analyze grammar]

tato vimanasaḥ sarve devā vai munipuṃgava |
prasādayanti deveśaṃ teṣāṃ prīto'bhavadbhavaḥ || 11 ||
[Analyze grammar]

prītiyuktaḥ sa sarveṣāṃ dadau teṣāṃ mahātmanām || 12 ||
[Analyze grammar]

tadetaddevadevasya dhanūratnaṃ mahātmanaḥ |
nyāsabhūtaṃ tadā nyastamasmākaṃ pūrvake vibho || 13 ||
[Analyze grammar]

atha me kṛṣataḥ kṣetraṃ lāṅgalādutthitā mama |
kṣetraṃ śodhayatā labdhvā nāmnā sīteti viśrutā || 14 ||
[Analyze grammar]

bhūtalādutthitā sā tu vyavardhata mamātmajā |
vīryaśulketi me kanyā sthāpiteyamayonijā || 15 ||
[Analyze grammar]

bhūtalādutthitāṃ tāṃ tu vardhamānāṃ mamātmajām |
varayāmāsurāgamya rājāno munipuṃgava || 16 ||
[Analyze grammar]

teṣāṃ varayatāṃ kanyāṃ sarveṣāṃ pṛthivīkṣitām |
vīryaśulketi bhagavanna dadāmi sutāmaham || 17 ||
[Analyze grammar]

tataḥ sarve nṛpatayaḥ sametya munipuṃgava |
mithilāmabhyupāgamya vīryaṃ jijñāsavastadā || 18 ||
[Analyze grammar]

teṣāṃ jijñāsamānānāṃ vīryaṃ dhanurupāhṛtam |
na śekurgrahaṇe tasya dhanuṣastolane'pi vā || 19 ||
[Analyze grammar]

teṣāṃ vīryavatāṃ vīryamalpaṃ jñātvā mahāmune |
pratyākhyātā nṛpatayastannibodha tapodhana || 20 ||
[Analyze grammar]

tataḥ paramakopena rājāno munipuṃgava |
arundhanmithilāṃ sarve vīryasaṃdehamāgatāḥ || 21 ||
[Analyze grammar]

ātmānamavadhūtaṃ te vijñāya munipuṃgava |
roṣeṇa mahatāviṣṭāḥ pīḍayanmithilāṃ purīm || 22 ||
[Analyze grammar]

tataḥ saṃvatsare pūrṇe kṣayaṃ yātāni sarvaśaḥ |
sādhanāni munireṣṭha tato'haṃ bhṛśaduḥkhitaḥ || 23 ||
[Analyze grammar]

tato devagaṇān sarvāṃstapasāhaṃ prasādayam |
daduśca paramaprītāścaturaṅgabalaṃ surāḥ || 24 ||
[Analyze grammar]

tato bhagnā nṛpatayo hanyamānā diśo yayuḥ |
avīryā vīryasaṃdigdhā sāmātyāḥ pāpakāriṇaḥ || 25 ||
[Analyze grammar]

tadetanmuniśārdūla dhanuḥ paramabhāsvaram |
rāmalakṣmaṇayoścāpi darśayiṣyāmi suvrata || 26 ||
[Analyze grammar]

yadyasya dhanuṣo rāmaḥ kuryādāropaṇaṃ mune |
sutāmayonijāṃ sītāṃ dadyāṃ dāśaratheraham || 27 ||
[Analyze grammar]