Chapter 36

tapyamāne tapo deve devāḥ sarṣigaṇāḥ purā |
senāpatimabhīpsantaḥ pitāmahamupāgaman || 1 ||
[Analyze grammar]

tato'bruvan surāḥ sarve bhagavantaṃ pitāmaham |
praṇipatya śubhaṃ vākyaṃ sendrāḥ sāgnipurogamāḥ || 2 ||
[Analyze grammar]

yo naḥ senāpatirdeva datto bhagavatā purā |
sa tapaḥ paramāsthāya tapyate sma sahomayā || 3 ||
[Analyze grammar]

yadatrānantaraṃ kāryaṃ lokānāṃ hitakāmyayā |
saṃvidhatsva vidhānajña tvaṃ hi naḥ paramā gatiḥ || 4 ||
[Analyze grammar]

devatānāṃ vacaḥ śrutvā sarvalokapitāmahaḥ |
sāntvayanmadhurairvākyaistridaśānidamabravīt || 5 ||
[Analyze grammar]

śailaputryā yaduktaṃ tanna prajāsyatha patniṣu |
tasyā vacanamakliṣṭaṃ satyameva na saṃśayaḥ || 6 ||
[Analyze grammar]

iyamākāśagā gaṅgā yasyāṃ putraṃ hutāśanaḥ |
janayiṣyati devānāṃ senāpatimariṃdamam || 7 ||
[Analyze grammar]

jyeṣṭhā śailendraduhitā mānayiṣyati taṃ sutam |
umāyāstadbahumataṃ bhaviṣyati na saṃśayaḥ || 8 ||
[Analyze grammar]

tacchrutvā vacanaṃ tasya kṛtārthā raghunandana |
praṇipatya surāḥ sarve pitāmahamapūjayan || 9 ||
[Analyze grammar]

te gatvā parvataṃ rāma kailāsaṃ dhātumaṇḍitam |
agniṃ niyojayāmāsuḥ putrārthaṃ sarvadevatāḥ || 10 ||
[Analyze grammar]

devakāryamidaṃ deva samādhatsva hutāśana |
śailaputryāṃ mahātejo gaṅgāyāṃ teja utsṛja || 11 ||
[Analyze grammar]

devatānāṃ pratijñāya gaṅgāmabhyetya pāvakaḥ |
garbhaṃ dhāraya vai devi devatānāmidaṃ priyam || 12 ||
[Analyze grammar]

ityetadvacanaṃ śrutvā divyaṃ rūpamadhārayat |
sa tasyā mahimāṃ dṛṣṭvā samantādavakīryata || 13 ||
[Analyze grammar]

samantatastadā devīmabhyaṣiñcata pāvakaḥ |
sarvasrotāṃsi pūrṇāni gaṅgāyā raghunandana || 14 ||
[Analyze grammar]

tamuvāca tato gaṅgā sarvadevapurohitam |
aśaktā dhāraṇe deva tava tejaḥ samuddhatam |
dahyamānāgninā tena saṃpravyathitacetanā || 15 ||
[Analyze grammar]

athābravīdidaṃ gaṅgāṃ sarvadevahutāśanaḥ |
iha haimavate pāde garbho'yaṃ saṃniveśyatām || 16 ||
[Analyze grammar]

śrutvā tvagnivaco gaṅgā taṃ garbhamatibhāsvaram |
utsasarja mahātejāḥ srotobhyo hi tadānagha || 17 ||
[Analyze grammar]

yadasyā nirgataṃ tasmāttaptajāmbūnadaprabham |
kāñcanaṃ dharaṇīṃ prāptaṃ hiraṇyamamalaṃ śubham || 18 ||
[Analyze grammar]

tāmraṃ kārṣṇāyasaṃ caiva taikṣṇyādevābhijāyata |
malaṃ tasyābhavattatra trapusīsakameva ca || 19 ||
[Analyze grammar]

tadetaddharaṇīṃ prāpya nānādhāturavardhata || 20 ||
[Analyze grammar]

nikṣiptamātre garbhe tu tejobhirabhirañjitam |
sarvaṃ parvatasaṃnaddhaṃ sauvarṇamabhavadvanam || 21 ||
[Analyze grammar]

jātarūpamiti khyātaṃ tadā prabhṛti rāghava |
suvarṇaṃ puruṣavyāghra hutāśanasamaprabham || 22 ||
[Analyze grammar]

taṃ kumāraṃ tato jātaṃ sendrāḥ sahamarudgaṇāḥ |
kṣīrasaṃbhāvanārthāya kṛttikāḥ samayojayan || 23 ||
[Analyze grammar]

tāḥ kṣīraṃ jātamātrasya kṛtvā samayamuttamam |
daduḥ putro'yamasmākaṃ sarvāsāmiti niścitāḥ || 24 ||
[Analyze grammar]

tatastu devatāḥ sarvāḥ kārtikeya iti bruvan |
putrastrailokya vikhyāto bhaviṣyati na saṃśayaḥ || 25 ||
[Analyze grammar]

teṣāṃ tadvacanaṃ śrutvā skannaṃ garbhaparisrave |
snāpayanparayā lakṣmyā dīpyamānamivānalam || 26 ||
[Analyze grammar]

skanda ityabruvandevāḥ skannaṃ garbhaparisravāt |
kārtikeyaṃ mahābhāgaṃ kākutsthajvalanopamam || 27 ||
[Analyze grammar]

prādurbhūtaṃ tataḥ kṣīraṃ kṛttikānāmanuttamam |
ṣaṇṇāṃ ṣaḍānano bhūtvā jagrāha stanajaṃ payaḥ || 28 ||
[Analyze grammar]

gṛhītvā kṣīramekāhnā sukumāra vapustadā |
ajayat svena vīryeṇa daityasainyagaṇān vibhuḥ || 29 ||
[Analyze grammar]

surasenāgaṇapatiṃ tatastamamaladyutim |
abhyaṣiñcan suragaṇāḥ sametyāgnipurogamāḥ || 30 ||
[Analyze grammar]

eṣa te rāma gaṅgāyā vistaro'bhihito mayā |
kumārasaṃbhavaścaiva dhanyaḥ puṇyastathaiva ca || 31 ||
[Analyze grammar]