Chapter 35

ukta vākye munau tasminnubhau rāghavalakṣmaṇau |
pratinandya kathāṃ vīrāv ūcaturmunipuṃgavam || 1 ||
[Analyze grammar]

dharmayuktamidaṃ brahman kathitaṃ paramaṃ tvayā |
duhituḥ śailarājasya jyeṣṭhāya vaktumarhasi || 2 ||
[Analyze grammar]

vistaraṃ vistarajño'si divyamānuṣasaṃbhavam |
trīnpatho hetunā kena pāvayel lokapāvanī || 3 ||
[Analyze grammar]

kathaṃ gaṅgāṃ tripathagā viśrutā sariduttamā |
triṣu lokeṣu dharmajña karmabhiḥ kaiḥ samanvitā || 4 ||
[Analyze grammar]

tathā bruvati kākutsthe viśvāmitrastapodhanaḥ |
nikhilena kathāṃ sarvāmṛṣimadhye nyavedayat || 5 ||
[Analyze grammar]

purā rāma kṛtodvāhaḥ śitikaṇṭho mahātapāḥ |
dṛṣṭvā ca spṛhayā devīṃ maithunāyopacakrame || 6 ||
[Analyze grammar]

śitikaṇṭhasya devasya divyaṃ varṣaśataṃ gatam |
na cāpi tanayo rāma tasyāmāsīt paraṃtapa || 7 ||
[Analyze grammar]

tato devāḥ samudvignāḥ pitāmahapurogamāḥ |
yadihotpadyate bhūtaṃ kastat pratisahiṣyate || 8 ||
[Analyze grammar]

abhigamya surāḥ sarve praṇipatyedamabruvan |
devadeva mahādeva lokasyāsya hite rata |
surāṇāṃ praṇipātena prasādaṃ kartumarhasi || 9 ||
[Analyze grammar]

na lokā dhārayiṣyanti tava tejaḥ surottama |
brāhmeṇa tapasā yukto devyā saha tapaścara || 10 ||
[Analyze grammar]

trailokyahitakāmārthaṃ tejastejasi dhāraya |
rakṣa sarvānimāṃl lokānnālokaṃ kartumarhasi || 11 ||
[Analyze grammar]

devatānāṃ vacaḥ śrutvā sarvalokamaheśvaraḥ |
bāḍhamityabravīt sarvānpunaścedamuvāca ha || 12 ||
[Analyze grammar]

dhārayiṣyāmyahaṃ tejastejasyeva sahomayā |
tridaśāḥ pṛthivī caiva nirvāṇamadhigacchatu || 13 ||
[Analyze grammar]

yadidaṃ kṣubhitaṃ sthānānmama tejo hyanuttamam |
dhārayiṣyati kastanme bruvantu surasattamāḥ || 14 ||
[Analyze grammar]

evamuktāstato devāḥ pratyūcurvṛṣabhadhvajam |
yattejaḥ kṣubhitaṃ hyetattaddharā dhārayiṣyati || 15 ||
[Analyze grammar]

evamuktaḥ surapatiḥ pramumoca mahītale |
tejasā pṛthivī yena vyāptā sagirikānanā || 16 ||
[Analyze grammar]

tato devāḥ punaridamūcuścātha hutāśanam |
praviśa tvaṃ mahātejo raudraṃ vāyusamanvitaḥ || 17 ||
[Analyze grammar]

tadagninā punarvyāptaṃ saṃjātaḥ śvetaparvataḥ |
divyaṃ śaravaṇaṃ caiva pāvakādityasaṃnibham |
yatra jāto mahātejāḥ kārtikeyo'gnisaṃbhavaḥ || 18 ||
[Analyze grammar]

athomāṃ ca śivaṃ caiva devāḥ sarṣi gaṇāstadā |
pūjayāmāsuratyarthaṃ suprītamanasastataḥ || 19 ||
[Analyze grammar]

atha śaila sutā rāma tridaśānidamabravīt |
samanyuraśapat sarvān krodhasaṃraktalocanā || 20 ||
[Analyze grammar]

yasmānnivāritā caiva saṃgatā putrakāmyayā |
apatyaṃ sveṣu dāreṣu notpādayitumarhatha |
adya prabhṛti yuṣmākamaprajāḥ santu patnayaḥ || 21 ||
[Analyze grammar]

evamuktvā surān sarvāñ śaśāpa pṛthivīmapi |
avane naikarūpā tvaṃ bahubhāryā bhaviṣyasi || 22 ||
[Analyze grammar]

na ca putrakṛtāṃ prītiṃ matkrodhakaluṣī kṛtā |
prāpsyasi tvaṃ sudurmedhe mama putramanicchatī || 23 ||
[Analyze grammar]

tān sarvān vrīḍitāndṛṣṭvā surān surapatistadā |
gamanāyopacakrāma diśaṃ varuṇapālitām || 24 ||
[Analyze grammar]

sa gatvā tapa ātiṣṭhat pārśve tasyottare gireḥ |
himavatprabhave śṛṅge saha devyā maheśvaraḥ || 25 ||
[Analyze grammar]

eṣa te vistaro rāma śailaputryā niveditaḥ |
gaṅgāyāḥ prabhavaṃ caiva śṛṇu me sahalakṣmaṇaḥ || 26 ||
[Analyze grammar]