Chapter 1

[English text for this chapter is available]

vyāsa uvāca |
oṃnamonaṃtāya sūkṣmāya jñānagamyāya vedhase |
śuddhāya viśvarūpāya devadevāya śaṃbhave || 1 ||
[Analyze grammar]

ṛṣaya ūcuḥ |
kathito vaṃśavistāro bhavatā somasūryayoḥ |
manvaṃtarāṇi sarvāṇi sṛṣṭiścaiva pṛthagvidhā || 2 ||
[Analyze grammar]

adhunā śrotumicchāmastīrthamāhātmyamuttamam |
kāni tīrthāni puṇyāni bhūtale'sminmahāmate || 3 ||
[Analyze grammar]

sūta uvāca |
nānā tīrthāni loke'sminyeṣāṃ saṃkhyā na vidyate |
tisraḥ koṭyo'rddhakoṭiśca teṣāṃ saṃkhyā kṛtā purā || 4 ||
[Analyze grammar]

kṣetrāṇi saritaścaiva parvatāśca nadā stathā |
ṛṣīṇāṃ tapaso vīryānmāhātmyaṃ paramaṃ gatāḥ || 5 ||
[Analyze grammar]

teṣāṃ madhye'rbudonāma sarvapāpaharo'naghaḥ |
aspṛṣṭaḥ kalidoṣeṇa vasiṣṭhasya prabhāvataḥ || 6 ||
[Analyze grammar]

punaṃti sarvatīrthāni snānadānādikairyathā |
arbudo darśanādeva sarvapāpaharo nṛṇām || 7 ||
[Analyze grammar]

ṛṣaya ūcuḥ |
kiṃ pramāṇo'rbudo nāma kasmindeśe vyavasthitaḥ |
kathaṃ vāsiṣṭhamāhātmyātprathito dharaṇītale || 8 ||
[Analyze grammar]

kāni tīrthāni mukhyāni hyarbude saṃti parvate |
sarvaṃ vistarato brūhi paraṃ kautūhalaṃ hi naḥ || 9 ||
[Analyze grammar]

sūta uvāca |
ahaṃ ca saṃpravakṣyāmi kathāṃ pāpapraṇāśinīm |
arbudasya dvijaśreṣṭhā māhātmyaṃ ca yathā śrutam || 10 ||
[Analyze grammar]

vasiṣṭho nāma devarṣiḥ pitāmahasamudbhavaḥ |
sa pūrvaṃ bhūtalaṃ prāptastapastepe sudāruṇam || 11 ||
[Analyze grammar]

niyato niyatāhāraḥ sarvabhūtahite rataḥ |
varṣāsvākāśavāsī ca hemaṃte salilāśayaḥ || 12 ||
[Analyze grammar]

paṃcāgnisādhako grīṣme japahomaparāyaṇaḥ |
kenacittvatha kālena tasya dhenuḥ payasvinī |
naṃdinīti suvikhyātā sā vai kāmadughā śubhā || 13 ||
[Analyze grammar]

sā kadāciddharāpṛṣṭhe bhramamāṇā tṛṇāśayā |
patitā dāruṇe śvabhre agādhe timirāvṛte || 14 ||
[Analyze grammar]

etasminneva kāle tu bhagavāṃstīkṣṇadīdhitiḥ |
astaṃ gato na saṃprāptā naṃdinī munisattamāḥ || 15 ||
[Analyze grammar]

tasyāḥ kṣīreṇa nityaṃ sa sāyaṃ prātardvijo muniḥ |
karoti homamagnau hi susamiddhe jitavrataḥ || 16 ||
[Analyze grammar]

atha ciṃtāparo vipraḥ prāyaścittabhayāddhruvam |
vīkṣāṃcakre vane tasminsameṣu viṣameṣu ca || 17 ||
[Analyze grammar]

sa tacchvabhramathāsādya bhūṃbhārāvamathāśṛṇot |
tāṃ provāca muniśreṣṭhaḥ kathaṃ tvaṃ patitā śubhe || 18 ||
[Analyze grammar]

ahaṃ homasya codvegānniḥsṛtastvāmavekṣitum |
sā'bravīdbhakṣamāṇāhaṃ viprarṣe tṛṇavāṃchayā || 19 ||
[Analyze grammar]

patitātra vibho trāhi kṛcchrādasmātsuduḥsahāt |
tasyāstadvacanaṃ śrutvā sa munirdhyāna māsthitaḥ || 20 ||
[Analyze grammar]

sarasvatīṃ samādadhyau nadīṃ trailokyapāvanīm |
sā dhyātā manasā tena muninā tatra tatkṣaṇāt || 21 ||
[Analyze grammar]

śvabhraṃ tatpūrayāmāsa samaṃtādvimalairjalaiḥ |
paripūrṇaṃ tataḥ śvabhre niṣkrāṃtā naṃdinī tadā || 22 ||
[Analyze grammar]

saṃhṛṣṭā muninā sārddhaṃ yayāvāśramasammukham || 23 ||
[Analyze grammar]

sa dṛṣṭvā śvabhramadhyaṃ taṃ gaṃbhīraṃ ca mahāmuniḥ |
ciṃtayāmāsa medhāvī śvabhrasyaiva prapūraṇe || 24 ||
[Analyze grammar]

tasya ciṃtayato viprā buddhireṣodapadyata |
ānīya parvataṃ muktvā śvabhrametatprapūryate |
tasmādgacchāmyahaṃ śīghraṃ himavantaṃ nagottamam || 25 ||
[Analyze grammar]

sa eva parvataṃ cātra preṣayiṣyati bhūdharaḥ |
yena syātparipūrṇaṃ ca śvabhrametanmahātmanā || 26 ||
[Analyze grammar]

tato jagāma sa munirhimavantaṃ nagottamam |
dṛṣṭvā vasiṣṭhamāyāṃtaṃ hima vānhṛṣṭamānasaḥ |
arghyapādyādisaṃskāraiḥ saṃpūjya idamabravīt || 27 ||
[Analyze grammar]

svāgataṃ te muniśreṣṭha saphalaṃ me'dya jīvitam |
yadbhavānme gṛhe prāptaḥ pūjyaḥ sarvadivaukasām || 28 ||
[Analyze grammar]

brūhi kāryaṃ muniśreṣṭha api jīvitamātmanaḥ |
nūnaṃ tubhyaṃ pradāsyāmi niyogo dīyatāṃ mama || 29 ||
[Analyze grammar]

vasiṣṭha uvāca |
mamāśramasya sāṃnidhye śvabhramasti sudāruṇam |
agādhaṃ nandinī tatra patitā dhenuruttamā || 30 ||
[Analyze grammar]

yatnādākarṣitā tasmādbhūyaḥ patanajādbhayāt |
tavāṃtikamanuprāpto nānyo yogyo mahīpatiḥ || 31 ||
[Analyze grammar]

tasmātkañcinnagaśreṣṭhaṃ tatra preṣaya bhūdharam |
yena tatpūryate śvabhraṃ bhṛśaṃ preṣaya tādṛśam || 32 ||
[Analyze grammar]

himavānuvāca |
kiṃpramāṇaṃ mune śvabhraṃ vistārāyāmato vada |
tatpramāṇaṃ nagaṃ kaṃcitpreṣayāmi viciṃtya ca || 33 ||
[Analyze grammar]

vasiṣṭha uvāca |
dvisahasraṃ tu dairghyeṇa vistareṇa trisahasrakam |
na saṃkhyā vidyate'dhastāttasya parvatasattama || 34 ||
[Analyze grammar]

himavānuvāca |
kathaṃ tena pramāṇena sañjāto vivaro mahān |
abhūtkautūhalaṃ tena sarvaṃ vistarato vada || 35 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsa khaṇḍe tṛtīye'rbudakhaṇḍe vasiṣṭhāśramasamīpavarti vivaravṛttāntopakramavarṇanaṃnāma prathamo'dhyāyaḥ || 1 ||
[Analyze grammar]