Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 366

< Previous

Next >

[English text for this chapter is available]

īśvara uvāca |
tato gacchenmahādevi hiraṇyāyāśca uttare |
siddhisthānāni divyāni yatra siddhā maharṣayaḥ || 1 ||
[Analyze grammar]

tatra liṃgānyanekāni śakyaṃte kathituṃ na hi |
sāgraṃ śataṃ punastatra liṃgānāṃ pravaraṃ smṛtam || 2 ||
[Analyze grammar]

vajriṇyāstu taṭe devi liṃgānyekonaviṃśatiḥ |
nyaṃkumatyāstaṭe devi sahasraṃ dviśatādhikam || 3 ||
[Analyze grammar]

prādhānyena varārohe pūrve svāyaṃbhuveṃ'tare |
kapilāyāstaṭedevi liṃgānāṃ ṣaṣṭiruttamā || 4 ||
[Analyze grammar]

sarasvatyāṃ punastatra liṃgasaṃkhyā na vidyate |
evaṃ paṃcamukhā devi liṃgamālā vibhūṣitā || 5 ||
[Analyze grammar]

prabhāse kathitā devi paṃcasrotāḥ sarasvatī |
yasyāḥ pravāhaiḥ saṃbhinnaṃ kṣetraṃ dvādaśayojanam || 6 ||
[Analyze grammar]

tatra vāpīṣu kūpeṣu yatra tatrodbhavaṃ jalam |
sārasvataṃ tu tajjñeyaṃ te dhanyā ye pibaṃti tat || 7 ||
[Analyze grammar]

yatratatra naraḥ snātvā samyakchraddhāsamanvitaḥ |
sārasvatasnānaphalaṃ labhate nātra saṃśayaḥ || 8 ||
[Analyze grammar]

yatproktaṃ sparśaliṃgaṃ tu śrīsomeśeti viśrutam |
prabhāsakṣetraliṃgānāṃ kalā tasyaiva śāṃkarī || 9 ||
[Analyze grammar]

yadvā tadvā pūjayitvā liṃgaṃ kṣetrasya madhyagam |
śrīsomeśamiti jñātvā someśaḥ pūjito bhavet || 10 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye prakīrṇasthānaliṃgamāhātmyavarṇanaṃnāma paṃcaṣaṣṭyuttaratriśatatamo'dhyāyaḥ || 365 ||
[Analyze grammar]