Chapter 343

[English text for this chapter is available]

īśvara uvāca |
tato gacchenmahādevi kapileśvaramuttamam |
śīrābhūṣaṇapūrveṇa koṭitīrthācca paścime || 1 ||
[Analyze grammar]

jaradgaveśāddakṣiṇe samudrottaratastathā |
etadvai kāpilaṃ kṣetraṃ nāpuṇyaiḥ prāpyate naraiḥ || 2 ||
[Analyze grammar]

kapilena purā devi yatra taptaṃ tapo mahat |
varṣāṇāmayutaṃ sāgraṃ pratiṣṭhāpya maheśvaram || 3 ||
[Analyze grammar]

samāhūtā tatra devī kapiladhārā mahānadī |
samudramadhye sā'dyāpi puṇyavadbhiḥ pradṛśyate || 4 ||
[Analyze grammar]

tatra snātvā mahādevi kapilāṣaṣṭhyāṃ viśeṣataḥ |
kapilāṃ dāpayettatra gokoṭiphalabhāgbhavet || 5 ||
[Analyze grammar]

sarveṣāṃ caiva pāpānāṃ prāyaścittamidaṃ smṛtam |
kapileśvaraṃ tu saṃpūjya kanyākoṭiphalaṃ labhet || 6 ||
[Analyze grammar]

devyuvāca |
āścaryaṃ mama deveśa kapilaṣaṣṭhyā maheśvara |
vidhānaṃ śrotumicchāmi dānamantrādi pūrvakam || 7 ||
[Analyze grammar]

īśvara uvāca |
janmajīvitamadhye tu yadyekā labhyate naraiḥ |
saṃyogayuktā sā ṣaṣṭhī tatkiṃ devi bravīmyaham || 8 ||
[Analyze grammar]

prauṣṭhapadyasite pakṣe ṣaṣṭhyāmaṃgārako yadi |
vyatīpātaśca rohiṇyāṃ sā ṣaṣṭhī kapilā smṛtā || 9 ||
[Analyze grammar]

tatra kṣetre naraḥ snātvā athavārkasthale śubhe |
mṛdā śukla tilaiścaiva kapilāsaṃgame śubhe || 10 ||
[Analyze grammar]

kṛtasnānajapaḥ paścātsūryāyārghyaṃ nivedayet |
raktacaṃdanatoyena karavīrayutena ca |
kṛtvārghapātraṃ śirasi maṃtreṇānena dāpayet || 11 ||
[Analyze grammar]

namastrailokyanāthāya udbhāsitajagattraya |
vedaraśme namastubhyaṃ gṛhāṇārghyaṃ namo'stu te || 12 ||
[Analyze grammar]

sūryaṃ pradakṣiṇīkṛtya saṃpūjya kapileśvaram |
upalipte śubhe deśe puṣpākṣatavibhūṣite || 13 ||
[Analyze grammar]

sthāpayedavraṇaṃ kumbhaṃ candanodakapūritam |
paṃcaratnasamāyuktaṃ dūrvāpuṣpākṣatānvitam || 14 ||
[Analyze grammar]

raktavastrayugacchannaṃ tāmrapātreṇa saṃyutam |
ratho rukmaphalasyaiva ekacitravicitritaḥ || 15 ||
[Analyze grammar]

sauvarṇapalasaṃyuktāṃ mūrtiṃ sūryasya kārayet |
kuṃbhasyopari saṃsthāpya gaṃdhapuṣpaiḥ samarcayet || 16 ||
[Analyze grammar]

kapileśvarasānnidhye maṇḍape homasaṃskṛte |
ādityaṃ pūjayeddevaṃ nāmabhiḥ svairyathoditaiḥ || 17 ||
[Analyze grammar]

ādityabhāskara rave bhāno svayaṃ divākara |
prabhākara namastubhyaṃ sasārānmāṃ samuddhara || 18 ||
[Analyze grammar]

bhuktimuktiprado yasmāttasmācchāṃtiṃ prayaccha naḥ || 19 ||
[Analyze grammar]

prārthanāmantraḥ |
namonamaste varada ṛksāmayajuṣāṃpate |
namo'stuviśvarūpāya viśvadhāmne namo'stu te || 20 ||
[Analyze grammar]

amṛtaṃ devi te kṣīraṃ pavitramiha puṣṭidam |
tvatprasādātpramucyaṃte manujāḥ sarvapātakaiḥ || 21 ||
[Analyze grammar]

brahmaṇotpādite devi vahnikuṇḍānmahāprabhe |
namaste kapile puṇye sarvadevanamaskṛte || 22 ||
[Analyze grammar]

sarvadevamaye devi sarvatīrthamaye śubhe |
dātāraṃ pūjayānaṃ māṃ brahmalokaṃ naya svayam || 23 ||
[Analyze grammar]

pūjāmaṃtraḥ |
evaṃ saṃpūjya kapilāṃ kumbhasthaṃ ca divākaram |
brāhmaṇe vedaviduṣa ubhayaṃ pratipādayet || 24 ||
[Analyze grammar]

vyāsāya sūryabhaktāya maṃtreṇānena dāpayet || 25 ||
[Analyze grammar]

divyamūrttirjagaccakṣu rdvādaśātmā divākaraḥ |
kapilāsahito devo mama muktiṃ prayacchatu || 26 ||
[Analyze grammar]

yasmāttvaṃ kapile puṇyā sarvalokasya pāvanī |
pradattā saha sūryeṇa mama muktipradā bhava || 27 ||
[Analyze grammar]

palena dakṣiṇā kāryā tadardhārdhena vā punaḥ |
śaktito dakṣiṇāyuktāṃ tāṃ dhenuṃ pratipādayet || 28 ||
[Analyze grammar]

yo'nena vidhinā kuryā tṣaṣṭhīṃ kapilasaṃjñitām |
so'śvamedhasahasrasya phalaṃ prāpnoti mānavaḥ || 29 ||
[Analyze grammar]

yatphalaṃ sarvatīrtheṣu sarvadāneṣu yatphalam |
tatphalaṃ sarvamāpnoti yaḥ ṣaṣṭhīṃ kapilāṃ caret || 30 ||
[Analyze grammar]

kapilākoṭisahasrāṇi kapilākoṭiśatāni ca |
sūryaparvaṇi yaddattvā tatphalaṃ koṭiśo bhavet || 31 ||
[Analyze grammar]

koṭigoroma saṃkhyāni varṣāṇi varavarṇini |
tāvatsa vasate svarge yaḥ ṣaṣṭhīṃ kapilāṃ caret || 32 ||
[Analyze grammar]

jñānato'jñānato vāpi yatpāpaṃ pūrvasaṃcitam |
tatsarvaṃ nāśamāyāti ityāha kapilo muniḥ || 33 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye kapi ladhārākapileśvaramāhātmye kapilāṣaṣṭhīvratavidhānamāhātmyavarṇanaṃnāma tricatvāriṃśaduttaratriśatatamo'dhyāyaḥ || 343 ||
[Analyze grammar]