Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 337

< Previous

Next >

[English text for this chapter is available]

īśvara uvāca |
tato gacchenmahādevi nārāyaṇagṛhaṃ param |
goṣpadāddakṣiṇe bhāge sāgarasya taṭe śubhe || 1 ||
[Analyze grammar]

nyaṃkumatyāḥ samīpe tu sarvapātakanāśane |
tatrakalpāṃtarasthāyī svayaṃ tiṣṭhati keśavaḥ || 2 ||
[Analyze grammar]

pitṝṇāmuddharaṇārthāya hyasminraudre kalau yuge |
yadā daityavināśaṃ sa kurute bhagavānhariḥ || 3 ||
[Analyze grammar]

viśrāmārthaṃ tadā tatra gṛhe tiṣṭhati nityaśaḥ |
nārāyaṇagṛhaṃ tena vikhyātaṃ jagatītale || 4 ||
[Analyze grammar]

kṛte janārdanonāma tretāyāṃ madhusūdanaḥ |
dvāpare puṇḍarīkākṣaḥ kalau nārāyaṇaḥ smṛtaḥ || 5 ||
[Analyze grammar]

evaṃ caturyuge prāpte punaḥpunararindama |
kṛtvā dharmavyavasthānaṃ tatsthānaṃ pratipadyate || 6 ||
[Analyze grammar]

ekādaśyāṃ nirāhāro yastaṃ devaṃ prapaśyati |
sa paśyati dhruvaṃ sthāne pratyānantaṃ hareḥ padam || 7 ||
[Analyze grammar]

tena pītāni vastrāṇi deyāni dvijapuṃgave |
snānaṃ śrāddhaṃ ca kartavyaṃ samyagyātrāphalepsubhiḥ || 8 ||
[Analyze grammar]

iti te kathitaṃ mahāprabhāvaṃ harisaṃketaniketanodbhavam |
śṛṇute vā prayatastu yaḥ sudhīḥ paṭhate vā labhate sa sadgatim || 9 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye nyaṃkumatīmāhātmye nārāyaṇagṛhamāhātmyavarṇanaṃnāma saptatriṃśaduttaratriśatatamo'dhyāyaḥ || 337 ||
[Analyze grammar]