Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 333

< Previous

Next >

[English text for this chapter is available]

īśvara uvāca |
balabhadrācca pūrveṇa sthitā cāsītsaridvarā |
durvāseśvaranāmeti balaliṃgaṃ pratiṣṭhitam || 1 ||
[Analyze grammar]

sarvapāpapraśamanaṃ dṛṣṭaṃ sarvasukhāvaham |
snātvā cāsya tvamāvāsyāṃ piṃḍadānaṃ dadāti yaḥ || 2 ||
[Analyze grammar]

kalpakoṭiśataṃ sāgraṃ pitṝṇāṃ tṛptimāvahet |
durvāseśvaranāmānaṃ tatra pūjya vidhānataḥ || 3 ||
[Analyze grammar]

koṭiyajñaphalaṃ prāpya sarvānkāmā navāpnuyāt |
tatra liṃgānyanekāni ṛṣibhiḥ sthāpitāni tu || 4 ||
[Analyze grammar]

dṛṣṭvā spṛṣṭvā pūjayitvā muktaḥ syātsarvakilbiṣaiḥ |
ityetatkathitaṃ devi kṣetrādyaṃ taṃ yathākramam || 5 ||
[Analyze grammar]

bhadrāyāḥ paścimātpūrvaṃ yathānukramamāditaḥ |
śrutaṃ pāpopaśamanaṃ koṭiyajñaphalapradam || 6 ||
[Analyze grammar]

atha kṣetrasya paridhisthānaṃ madhumatīti ca |
tasmānnairṛtyadigbhāge sthānaṃ khaṃḍaghaṭeti ca || 7 ||
[Analyze grammar]

tatra piṃgeśvaro devaḥ samudrataṭasannidhau |
kūpānāṃ saptakaṃ tatra pitṝṇāṃ yatra pāṇayaḥ |
dṛśyaṃte'dyāpi deveśi yatra parvaṇiparvaṇi || 8 ||
[Analyze grammar]

tatra śrāddhaṃ naraḥ kṛtvā gayākoṭiguṇaṃ phalam |
labhate nā'tra sandehaḥ somāmā yadi jāyate || 9 ||
[Analyze grammar]

tatraiva nātidūre tu bhadrāyāḥ saṃgamaḥ smṛtaḥ |
paścimātsaṃgamātpūrvaḥ saṃgamaḥ samudāhṛtaḥ || 10 ||
[Analyze grammar]

yatpuṇyaṃ labhate devi pūrva paścimasaṃgame |
gaṃgāsāgarayostatra tadbhadrāsaṃgame labhet || 11 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsa khaṇḍe prathame prabhāsakṣetramāhātmye taptodakasvāmimāhātmye madhumatyāṃ piṃgeśvarabhadrāmāhātmyavarṇanaṃnāma trayastriṃśaduttaratriśatatamo'dhyāyaḥ || 333 ||
[Analyze grammar]