Chapter 298

[English text for this chapter is available]

īśvara uvāca |
ṛṣitoyāpaścime tu tatra gavyūtimātrataḥ |
saṃgāleśvaranāmāsti sarvapātakanāśanaḥ || 1 ||
[Analyze grammar]

guptastatra prayāgaśca devo vai mādhavastathā |
jāhnavī yamunā caiva devī tatra sarasvatī || 2 ||
[Analyze grammar]

anyāni tatra tīrthāni bahūni ca varānane |
snātvā dṛṣṭvā pūjayitvā muktaḥ syātsarvakilbiṣaiḥ || 3 ||
[Analyze grammar]

pārvatyuvāca |
kathaya tvaṃ maheśāna sarvadevanamaskṛta |
tīrtharājaḥ prayāgastu kathaṃ viṣṇuḥ sanātanaḥ || 4 ||
[Analyze grammar]

kathaṃ gaṃgā ca yamunā tathā devī sarasvatī |
anyānyapi bahūnyeva tīrthāni vṛṣabhadhvaja || 5 ||
[Analyze grammar]

samāyātāni tatraiva saṃgāleśvarasaṃnidhau |
saṃgāleśeti kiṃ nāma hyetanme vada kautukam || 6 ||
[Analyze grammar]

īśvara uvāca |
purā vai liṃgapatane sarvadevasamāgame |
sārdhatritayakoṭīni puṇyāni surasundari || 7 ||
[Analyze grammar]

tīrthāni tīrtharājo'yaṃ prayāgaḥ samupasthitaḥ |
ātmānaṃ gopayāmāsa tīrthakoṭibhirāvṛtam || 8 ||
[Analyze grammar]

tatastatra samāyātā brahmaviṣṇupurogamāḥ |
vibudhāstīrtharājaṃ taṃ dadṛśurdivyacakṣuṣā || 9 ||
[Analyze grammar]

tīrthakoṭibhirākīrṇaṃ pavitraṃ pāpanāśanam |
liṃgasya patanaṃ śrutvā mahāduḥkhena saṃvṛtāḥ || 10 ||
[Analyze grammar]

sthitāḥ sarve tadā devi brahmādyāḥ surasattamāḥ || 11 ||
[Analyze grammar]

etasminneva kāle tu devo rudraḥ sanātanaḥ |
nirānaṃdaḥ samāyāto vākyametaduvāca ha || 12 ||
[Analyze grammar]

śṛṇudhvaṃ vacanaṃ devā brahmaviṣṇupurogamāḥ |
ṛṣiśāpānnipatitaṃ mama liṃgamanuttamam |
tasmālliṃgaṃ pūjayata sarva kāmārthasiddhaye || 13 ||
[Analyze grammar]

evamuktvā mahādevo deśe tasminsthitaḥ priye |
brāhmaṃ ca vaiṣṇavaṃ raudraṃ tatra kuṇḍatrayaṃ smṛtam || 14 ||
[Analyze grammar]

caturthaṃ trisaṃgamākhyaṃ nadīnāṃ yatra saṃgamaḥ |
gaṃgāyāśca sarasvatyāḥ sūryaputryāstathaiva ca || 15 ||
[Analyze grammar]

koṭirekā ca tīrthānāṃ brahmakuṇḍe vyavasthitā |
tathā ca vaiṣṇave kuṇḍe koṭirekā prakīrtitā || 16 ||
[Analyze grammar]

sārdhakoṭistu saṃproktā śivakuṇḍe prakīrtitā |
paścime brahmakuṇḍaṃ ca pūrve vai vaiṣṇavaṃ smṛtam || 17 ||
[Analyze grammar]

madhyabhāge sthitaṃ yacca rudrakuṇḍaṃ prakīrtitam |
kuṇḍamadhyādvinirgatya yatra gaṃgā varānane || 18 ||
[Analyze grammar]

sūryaputryā sametā ca tattrisaṃgama ucyate |
anayoraṃtare sūkṣme tatra guptā sarasvatī || 19 ||
[Analyze grammar]

eṣu sannihito nityaṃ prayāgastīrthanāyakaḥ |
atrāgatya naro yastu māghamāse varānane || 20 ||
[Analyze grammar]

snāyātprabhātasamaye makarasthe ravau priye |
kiñcidabhyudite sūrye śṛṇu tasya ca yatphalam || 21 ||
[Analyze grammar]

ādyenaikena snānena pāpaṃ yanmanasā kṛtam |
vyapohati naraḥ samyakchraddhāyukto jitendriyaḥ || 22 ||
[Analyze grammar]

vācikaṃ tu dvitīyena kāyikaṃ tu tṛtīyakāt |
saṃsargajaṃ caturthena rahasyaṃ pañcamena tu || 23 ||
[Analyze grammar]

upapātakāni ṣaṣṭhena snānenaiva vyapohati || 24 ||
[Analyze grammar]

abhiṣekeṇa kuṇḍānāṃ saptakṛtvo varānane |
mahāṃti caiva pāpāni kṣālyaṃte puruṣaiḥ sadā || 25 ||
[Analyze grammar]

yaḥ snāti sakalaṃ māsaṃ prayāge guptasaṃjñake |
brahmādibhirna tadvaktuṃ śakyate kalpakoṭibhiḥ || 26 ||
[Analyze grammar]

yāni kāni ca tīrthāni prabhāse saṃti bhāmini |
tebhyo'tivallabhaṃ tīrthaṃ sarvapāpapraṇāśanam || 27 ||
[Analyze grammar]

eṣāṃ saṃrakṣaṇārthāya mayā vai tatra mātaraḥ |
pūjanīyāḥ prayatnena naivedyairvividhaiḥ śubhaiḥ || 28 ||
[Analyze grammar]

kṛṣṇapakṣe caturdaśyāṃ śraddhāyuktena cetasā |
tāsāmanucarā devi bhūtapretāśca koṭiśaḥ || 29 ||
[Analyze grammar]

teṣāṃ bhayavināśāya tā mātṝśca prapūjayet |
asmiṃstīrthe naraḥ snātvā brahmahatyāṃ vyapohati || 30 ||
[Analyze grammar]

yaḥ kaścitkurute śrāddhaṃ pitṝnuddiśya bhaktitaḥ |
uddharecca piturvargaṃ māturvargaṃ narottamaḥ || 31 ||
[Analyze grammar]

vṛṣabhastatra dātavyaḥ samyagyātrāphalepsubhiḥ |
evaṃ yaḥ kurute yātrāṃ tasya phalamanantakam || 32 ||
[Analyze grammar]

evaṃ guptaprayāgasya māhātmyaṃ kathitaṃ tava |
śrutvābhinandya puruṣaḥ prāpnuyācchaṃkarālayam || 33 ||
[Analyze grammar]

iti śrīskāṃdemahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye guptaprayā gamāhātmyavarṇanaṃnāmāṣṭanavatyuttaradviśatatamo'dhyāyaḥ || 298 ||
[Analyze grammar]