Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 276

< Previous

Next >

[English text for this chapter is available]

īśvara uvāca |
tato gacchenmahādevi ṛṣitīrthasya sannidhau |
kāmikaṃ hi paraṃ kṣetraṃ devikānāma nāmataḥ || 1 ||
[Analyze grammar]

mahāsiddhivanaṃ tatra ṛṣisiddhasamāvṛtam |
nānādrumalatākīrṇaṃ parvatairupaśobhitam || 2 ||
[Analyze grammar]

caṃpakairbakulairdivyairaśokaiḥ stabakaiḥ paraiḥ |
punnāgaiḥ kiṃkirātaiśca sugandhairnāgakesaraiḥ || 3 ||
[Analyze grammar]

mallikotpalapuṣpaiśca pāṭalāpārijātakaiḥ |
cūtacaṃpakapitthaiśca śrīphalaiḥ panasaistathā || 4 ||
[Analyze grammar]

kharjūrairbadaraiścānyairmātuliṃgaiḥ sadāḍimaiḥ |
jaṃbīraiścaiva divyaiśca nāraṃgairupa śobhitam || 5 ||
[Analyze grammar]

śikhibhiḥ kokilābhiśca gīyamānaṃ tu ṣaṭpadaiḥ |
mṛgairṛkṣairvarāhaiśca siṃhairvyāghraistathā paraiḥ || 6 ||
[Analyze grammar]

śvāpadairvividhākāraiḥ kandarai rgahvaraistathā |
surāsuragaṇaiḥ siddhairyakṣagandharvapannagaiḥ || 7 ||
[Analyze grammar]

apsaroraganāgaiśca bahubhistu samākulam |
kecitstuvaṃti īśaṃ tu kecinnṛtyaṃti cāgrataḥ || 8 ||
[Analyze grammar]

puṣpairvṛṣṭiṃ tu muñcaṃti mukhavādyāni cāpare |
hasaṃti cāpare hṛṣṭā garjaṃti ca tathāpare || 9 ||
[Analyze grammar]

ūrddhvabāhavastathā cānye anye dhyāyaṃti tadgatāḥ |
tasminsthānaṃ mahādevi devikāyāstaṭe śubhe || 10 ||
[Analyze grammar]

umāpatīśvaro nāma tatrāhaṃ saṃsthitaḥ sadā |
yugeyuge sadā pūrṇe kalpe manvantare tathā || 11 ||
[Analyze grammar]

na tyajāmi sadā devi devikāyāstaṭaṃ śubham |
durllabhaṃ sarvaloke'sminpavitraṃ supriyaṃ hi me || 12 ||
[Analyze grammar]

tvayā saha sthitaścāhaṃ tasmi nsthāne varānane |
umayā yuktadehatvāttena khyātaṃ umāpatiḥ || 13 ||
[Analyze grammar]

puṣyamāse tvamāvasyāṃ dadyācchrāddhaṃ samāhitaḥ |
na paśyāmi kṣayaṃ tasya tasmindattasya pārvati || 14 ||
[Analyze grammar]

brahmahatyāsahasraṃ tu tasya darśanato vrajet |
gobhūhiraṇyavāsāṃsi tatra dadyādvicakṣaṇaḥ || 15 ||
[Analyze grammar]

sa ekaḥ paramaḥ putro yo gatvā tatra sundari |
dadecchrāddhaṃ pitṝṇāṃ ca tasyāṃto naiva vidyate || 16 ||
[Analyze grammar]

devaiḥ sarvaiḥ samāhūtā snānārthaṃ sā saridvarā |
deviketi samākhyātā tena sā pāpanāśinī || 17 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye devikāyāmumāpatimāhātmyavarṇanaṃnāma ṣaṭsaptatyuttaradviśatatamo'dhyāyaḥ || 276 ||
[Analyze grammar]