Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 249

< Previous

Next >

[English text for this chapter is available]

īśvara uvāca |
tato gacchenmahādevi devaṃ vai saṃgameśvaram |
golakṣamiti vikhyātaṃ sarvapātakanāśanam || 1 ||
[Analyze grammar]

tasyaiva paścime bhāge sarvakāmaphalapradam |
ṛṣiruddālakonāma purā hyāsīnmahātapāḥ || 2 ||
[Analyze grammar]

sa purā saṃgamaṃ prāpya sarvapāpapraṇāśanam |
sarasvatyāśca piṃgāyāstapastepe sureśvari || 3 ||
[Analyze grammar]

tatastapasyatastasya tapo raudraṃ mahātmanaḥ |
purato hyutthitaṃ liṃgaṃ bhaktyā yuktasya sundari || 4 ||
[Analyze grammar]

etasminneva kāle tu vāguvācāśarīriṇī |
uddālaka mahābāho śṛṇuṣvaitadvaco mama || 5 ||
[Analyze grammar]

adyaprabhṛti vāso'tra mama nityaṃ bhaviṣyati |
yasmādatra samutpannaṃ saṃgame liṃgamuttamam |
saṃgameśvaramityeva nāma cāsya bhavi ṣyati || 6 ||
[Analyze grammar]

yetra snānaṃ narāḥ kṛtvā saṃgame lokaviśrute |
saṃgameśvaramīkṣante te yāṃti paramāṃ gatim || 7 ||
[Analyze grammar]

īśvara uvāca |
tatastaṃ pūjayāmāsa divārātramataṃdritaḥ |
tato dehāvasāne'sau gato yatra maheśvaraḥ || 8 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye saṃgameśvaramāhātmyavarṇanaṃnāmaikonapañcāśaduttaradviśatatamo'dhyāyaḥ || 249 ||
[Analyze grammar]