Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 235

< Previous

Next >

[English text for this chapter is available]

īśvara uvāca |
tatraiva saṃsthitaṃ paśyelliṃgatrayamanuttamam |
śatamedhaṃ sahasramedhaṃ koṭimedhamiti kramāt || 1 ||
[Analyze grammar]

dakṣiṇe śatamedhaṃ tu śatayajñaphalapradam |
kārtavīryyeṇa tatraiva kṛtaṃ yajñaśataṃ purā || 2 ||
[Analyze grammar]

pratiṣṭhāpya mahāliṃgaṃ sarvapātakanāśanam |
madhyabhāge'tra yalliṃgaṃ koṭimedheti viśrutam || 3 ||
[Analyze grammar]

tatreṣṭā brahmaṇā pūrvaṃ koṭi saṃkhyā makhottamāḥ |
saṃsthāpya tu mahādevaṃ śaṃkaraṃ lokaśaṃkarama || 4 ||
[Analyze grammar]

tasya uttarabhāgasthaṃ sahasrakratusaṃjñakam |
śakraśca devarājo'pi sahasraṃ yaṣṭavānkratūn || 5 ||
[Analyze grammar]

pratiṣṭhāpya mahāliṃgaṃ devānāmādidaivatam |
gaṃdhapuṣpādividhinā paṃcāmṛtarasodakaiḥ || 6 ||
[Analyze grammar]

sa prāpnuyātphalaṃ devi liṃganāmodbhavaṃ kramāt |
godānaṃ tatra deyaṃ tu samyagyātrāphalepsubhiḥ || 7 ||
[Analyze grammar]

daśalakṣāṇi tīrthānāṃ tatra tiṣṭhaṃti bhāmini |
liṃgatrayaṃ tathā madhye sarvapātakanāśanam || 8 ||
[Analyze grammar]

iti śrīskānde mahāpurāṇa ekāśītisāhasryāṃ sahitāyāṃ saptame prabhāsa khaṇḍe prathame prabhāsakṣetramāhātmye daśāśvamedhamāhātmye śatamedhādi liṃgatrayamāhātmyavarṇanaṃnāma pañcatriṃśaduttaradviśatatamo'dhyāyaḥ || 235 ||
[Analyze grammar]