Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 224

< Previous

Next >

[English text for this chapter is available]

īśvara uvāca |
tato gacchenmahādevi liṃgamiṃdrapratiṣṭhitam |
pāpamocananāmāḍhyaṃ dakṣiṇe puruṣottamāt || 1 ||
[Analyze grammar]

vṛtraṃ hatvā purā śakro brahmahatyāsamanvitaḥ |
abravītsa ṛṣīndivyānkathameṣā gamiṣyati || 2 ||
[Analyze grammar]

brahmahatyā hi duṣprekṣyā vivarṇajananī mama |
durgaṃdhacāriṇī caiva sarvatejovināśinī || 3 ||
[Analyze grammar]

athocustaṃ suragaṇā nāradādyā maharṣayaḥ |
prabhāsaṃ gaccha deveśa kṣetraṃ pāpaharaṃ hi tat || 4 ||
[Analyze grammar]

tatrārādhya mahādevaṃ mokṣyase brahmahatyayā |
sa tatheti pratijñāya gatastatra varānane || 5 ||
[Analyze grammar]

liṃgaṃ saṃsthāpayāmāsa devadevasya śūlinaḥ |
tasya pūjārato nityaṃ dhūpagaṃdhānulepanaiḥ || 6 ||
[Analyze grammar]

tato'sya gātradaurgaṃdhyaṃ nāśamāśvabhyagacchata |
vivarṇatvaṃ gataṃ sarvaṃ vapuścābhūttathottamam || 7 ||
[Analyze grammar]

atha hṛṣṭamanā bhūtvā vākyametaduvāca ha |
tatrāgatya naro bhaktyā yaścainaṃ pūjayiṣyati || 8 ||
[Analyze grammar]

brahmahatyādikaṃ pāpaṃ nāśaṃ tasya prayāsyati |
evamuktvā sahasrākṣaḥ prahṛṣṭastridivaṃ yayau || 9 ||
[Analyze grammar]

brahmahatyāvinirmuktaḥ pūjyamāno divaukasaiḥ |
godānaṃ tatra dātavyaṃ brāhmaṇe vedapārage |
brahmahatyāpanodārthaṃ tatra śrāddhaṃ samācaret || 10 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya indreśvaramāhātmyavarṇanaṃnāma caturviṃśatyuttaradviśatatamo'dhyāyaḥ || 224 ||
[Analyze grammar]