Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 184

< Previous

Next >

[English text for this chapter is available]

īśvara uvāca |
tato gacchenmahādevi maṃkīśvaramanuttamam |
trisaṃgamasamīpasthaṃ sarvapātakanāśanam || 1 ||
[Analyze grammar]

maṃkīnāma ṛṣiḥ pūrvamāsītsa tapatāṃ varaḥ |
sa ca jñātvā mahākṣetraṃ prabhāsaṃ śaṃkarapriyam || 2 ||
[Analyze grammar]

atapadvai tapo ghoraṃ kandamūlaphalāśanaḥ |
varṣāṇāmayutaṃ sāgraṃ pratiṣṭhāpya maheśvaram || 3 ||
[Analyze grammar]

tatastuṣṭo mahādevo dadau prīto varaṃ tadā |
sa vavre yadi tuṣṭo'si asminsthāne sthito bhava || 4 ||
[Analyze grammar]

mannāmāṃkitaliṃgastu vasa kalpāyutāyutam |
evamastvityathetyuktvā tatraivāntaradhīyata || 5 ||
[Analyze grammar]

tadāprabhṛti talliṃgaṃ maṃkīśvaramiti śrutam |
māghe māse trayodaśyāṃ caturdaśyāmathāpi vā || 6 ||
[Analyze grammar]

pūjyāḥ paṃcopacāreṇa prāpnuyādīpsitaṃ phalam |
godānaṃ tatra vai deyaṃ samyagyātrāphalepsubhiḥ || 7 ||
[Analyze grammar]

iti śrīskānde mahāpurāṇa ekāśītisāhasryāṃ sahitāyāṃ saptame prabhāsakhaṇḍe prathame prabhāsakṣetramāhātmye maṃkīśvaramāhātmyavarṇanaṃnāma caturaśītyuttaraśatatamo'dhyāyaḥ || 184 ||
[Analyze grammar]