Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 183

< Previous

Next >

[English text for this chapter is available]

īśvara uvāca |
tato gacchenmahādevi miśratīrthamanuttamam |
trisaṃgameti vikhyātaṃ sauraṃ tīrthamanuttamam || 1 ||
[Analyze grammar]

sarasvatī hiraṇyā ca samudraścaiva bhāmini |
trayāṇāṃ saṃgamo yatra duṣprāpyo daivatairapi || 2 ||
[Analyze grammar]

sarveṣāṃ tatra tīrthānāṃ pradhānaṃ tīrthamuttamam |
sūryaparvaṇi saṃprāpte kurukṣetrādviśiṣyate || 3 ||
[Analyze grammar]

snānaṃ dānaṃ japastatra sarvaṃ koṭiguṇaṃ bhavet || 4 ||
[Analyze grammar]

maṃkīśvarānmahādevi yāvalliṃgaṃ kṛtasmaram |
etasminnantare devi tīrthānāṃ daśakoṭayaḥ || 5 ||
[Analyze grammar]

kṛmikīṭapataṃgāśca śvapacā vā narādhamāḥ |
so'pi svargamavāpnoti kiṃ punarbhāvitātmavān || 6 ||
[Analyze grammar]

tatra pītāni vastrāṇi kāñcanaṃ surabhistathā |
brāhmaṇāya pradātavyā samyagyātrāphalepsubhiḥ || 7 ||
[Analyze grammar]

kṛṣṇapakṣe caturdaśyāṃ snātvā yastarpayetpitṝn |
tarpitāḥ pitarastena yāvaccandrārkatārakam || 8 ||
[Analyze grammar]

etattrisaṃgamaṃ devi mahāpātakanāśanam |
durlabhaṃ triṣu lokeṣu vaiśākhyāṃ tu viśeṣataḥ || 9 ||
[Analyze grammar]

vṛṣo tsargo viśeṣeṇa tatra kāryo narottamaiḥ |
sarvapāpavināśāya pitṝṇāṃ prītaye priye || 10 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye trisaṃgamamāhātmyavarṇanaṃnāma tryaśītyuttaraśatatamo'dhyāyaḥ || 183 ||
[Analyze grammar]