Chapter 139

[English text for this chapter is available]

īśvara uvāca |
tato gacchenmahādevi citrādityamanuttamam |
tasyaiva dakṣiṇe bhāge vrahmakuṇḍasamīpataḥ || 1 ||
[Analyze grammar]

mahāprabhāvo deveśi sarvadāridryanāśanaḥ |
mitro nāma purā devi dharmātmā'bhūddharātale |
kāyasthaḥ sarvabhūtānāṃ nityaṃ bhūtahite rataḥ || 2 ||
[Analyze grammar]

tasyāpatyadvayaṃ jajña ṛtukālābhigāminaḥ |
putraḥ paramatejasvī citronāma varānane || 3 ||
[Analyze grammar]

tathā citrā'bhavatkanyā rūpāḍhyā śīlamaṃḍanā || 4 ||
[Analyze grammar]

ābhyāṃ tu jātamātrābhyāṃ mitraḥ pañcatvameyivān |
atha tasya varā bhāryā saha tenāgnimāviśat || 5 ||
[Analyze grammar]

atha tau bālakau dīnāvṛṣibhiḥ paripālitau |
vṛddhiṃ gatau mahāraṇye bālāveva sthitau vrate || 6 ||
[Analyze grammar]

prabhāsaṃ kṣetramāsādya tapaḥ paramamāsthitau |
pratiṣṭhāpya mahā devaṃ bhāskaraṃ vāritaskaram || 7 ||
[Analyze grammar]

pūjayāmāsa dharmātmā dhūpamālyānulepanaiḥ |
vasiṣṭhakathitaiścaiva hyaṣṭaṣaṣṭisamanvitaiḥ |
nāmabhiḥ sūryadeveśaṃ tuṣṭāva prāñjaliḥ prabhum || 8 ||
[Analyze grammar]

citra uvāca |
praṇamya śirasā devaṃ bhāskaraṃ gaganādhipam |
ādidevaṃ jagannāthaṃ pāpaghnaṃ roganāśanam || 9 ||
[Analyze grammar]

sahasrākṣaṃ sahasrāṃśuṃ sahasrakiraṇadyutim || 10 ||
[Analyze grammar]

tamahaṃ saṃstaviṣyāmi saṃpṛktaṃ guhyanāmabhiḥ |
muṃḍīrasvāminaṃ prātargaṃgāsāgarasaṃgame |
kālapriyaṃ tu madhyāhne yamunātīramāśritam || 11 ||
[Analyze grammar]

mūlasthānaṃ cāstamane candrabhāgātaṭe sthitam |
yatra sāṃbaḥ svayaṃ siddha upavāsaparāyaṇaḥ || 12 ||
[Analyze grammar]

vārāṇasyāṃ lohitākṣaṃ gobhilākṣe bṛhanmukham |
prayāgeṣu pratiṣṭhānaṃ vṛddhādityaṃ mahādyutim || 13 ||
[Analyze grammar]

koṭyakṣe dvādaśādityaṃ gaṃgādityaṃ caturghaṭe |
naimiṣe caiva goghne ca bhadraṃ bhadrapuṭe sthitam || 14 ||
[Analyze grammar]

jayāyāṃ vijayādityaṃ prabhāse svarṇavetasam |
kurukṣetre ca sāmaṃtaṃ trimaṃtraṃ ca ilāvṛte || 15 ||
[Analyze grammar]

mahendre kramaṇādityamṛṇe siddheśvaraṃ viduḥ |
kauśāṃbyāṃ padmabodhaṃ ca brahmabāhau divākaram || 16 ||
[Analyze grammar]

kedāre caṇḍakāṃtiṃ ca nitye ca timirāpaham |
gaṃgāmārge śivadvāramādityaṃ bhūpradī pane || 17 ||
[Analyze grammar]

haṃsaṃ sarasvatītīre viśvāmitraṃ pṛthūdake |
ujjayinyāṃ naradvīpaṃ siddhāyāmamaladyutim || 18 ||
[Analyze grammar]

sūryaṃ kuntīkumāre ca pañcanadyāṃ vibhāvasum || |
mathurāyāṃ vimalādityaṃ saṃjñādityaṃ tu saṃjñike || 19 ||
[Analyze grammar]

śrīkaṇṭhe caiva mārtaṇḍaṃ daśārṇe daśakaṃ smṛtam |
godhane gopatiṃ devaṃ karṇaṃ caiva marusthale || 20 ||
[Analyze grammar]

puṣpaṃ devapure caiva keśavārkaṃ tu lohite |
vaidiśe caiva śārdūlaṃ śoṇe vāruṇavāsinam || 21 ||
[Analyze grammar]

vardhamāne ca sāṃbākhyaṃ kāmarūpe śubhaṃkaram |
mihiraṃ kānyakubje ca maṃdāraṃ puṇyavardhane || 22 ||
[Analyze grammar]

gandhāre kṣobhaṇādityaṃ laṃkāyāmamaradyutim |
karṇādityaṃ ca caṃpāyāṃ prabodhe śubhadarśinam || 23 ||
[Analyze grammar]

dvārā vatyāṃ tu pārvatyaṃ himavante himāpaham |
mahātejaṃ tu lauhitye amalāṃge ca dhūjaṭim || 24 ||
[Analyze grammar]

rohike tu kumārākhyaṃ padmāyāṃ padmasaṃbhavam |
dharmādityaṃ tu lāṭāyāṃ marddake sthaviraṃ viduḥ || 25 ||
[Analyze grammar]

sukhapradaṃ tu kauberyāṃ kosale gopatiṃ tathā |
kauṃkaṇe tu padmadevaṃ tāpanaṃ vindhyaparvate || 26 ||
[Analyze grammar]

tvaṣṭāraṃ caiva kāśmīre caritre ratnasaṃbhavam |
puṣkare hemagarbhasthaṃ vidyātsūryaṃ gabhastike || 27 ||
[Analyze grammar]

prakāśāyāṃ tu mujjhālaṃ tīrthagrāme prabhākaram |
kāṃpilye rillakādityaṃ dhanake dhanavāsinam || 28 ||
[Analyze grammar]

analaṃ narmadātīre sarvatra gamanādhikam |
aṣṭaṣaṣṭiṃ tu devasya bhāskarasyāmitadyuteḥ || 29 ||
[Analyze grammar]

prātarutthāya vai nityaṃ śaktimāñchucimānnaraḥ |
yaḥ paṭhecchṛṇuyādvāpi sarvapāpaiḥ pramucyate || 30 ||
[Analyze grammar]

rājyārthī labhate rājyaṃ dhanārthī labhate dhanam |
putrārthī labhate putrānsaukhyārthī labhate sukham || 31 ||
[Analyze grammar]

rogārto mucyate rogādbaddho mucyeta bandhanāt |
yānyānprārthayate kāmāṃstāṃstānprāpnoti mānavaḥ || 32 ||
[Analyze grammar]

īśvara uvāca |
evaṃ ca stuvatastasya citrasya vimalātmanaḥ |
tatastuṣṭaḥ sahasrāṃśuḥ kālena mahatā vibhuḥ || 33 ||
[Analyze grammar]

abravīdvatsa bhadraṃ te varaṃ varaya suvrata || 34 ||
[Analyze grammar]

so'bravīdyadi me tuṣṭo bhagavaṃstīkṣṇadīdhiteḥ |
prauḍhatvaṃ sarvakāryeṣu naya māṃ jñānitāṃ tathā || 35 ||
[Analyze grammar]

tattatheti prati jñātaṃ sūryeṇa varavarṇini |
tataḥ sarvajñatāṃ prāptaścitro mitrakulodbhavaḥ || 36 ||
[Analyze grammar]

taṃ jñātvā dharmarājastu buddhyā paramayā yutam |
ciṃtayāmāsa medhāvī lekha ko'yaṃ bhavedyadi || 37 ||
[Analyze grammar]

tato me sarvasiddhiḥ syānnirvṛtiśca parā bhavet |
evaṃ ciṃtayatastasya dharmarājasya bhāmini || 38 ||
[Analyze grammar]

agnitīrthe gate citre snā nārthaṃ lavaṇāmbhasi |
sa tatra praviśanneva nītastu yamakiṃkaraiḥ || 39 ||
[Analyze grammar]

saśarīro mahādevi yamādeśaparāyaṇaiḥ |
sa citraguptanāmā'bhūdviśvacāritralekhakaḥ || 40 ||
[Analyze grammar]

citrādityetināmā'bhūttato loke varānane || 41 ||
[Analyze grammar]

saptamyāṃ niyatāhāro yastaṃ pūjayate naraḥ |
sapta janmāni dāridryaṃ na duḥkhaṃ tasya jāyate || 42 ||
[Analyze grammar]

tatraiva cāśvo dātavyaḥ sakoṣaṃ khaḍgameva ca |
hiraṇyaṃ caiva viprāya evaṃ yātrāphalaṃ labhet || 43 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye citrādityamāhātmyavarṇanaṃnāmaikonacatvāriṃśaduttaraśatatamo'dhyāyaḥ || 139 ||
[Analyze grammar]