Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 43

< Previous

Next >

[English text for this chapter is available]

īśvara uvāca |
tato gacchedvarārohe liṃgaṃ sūryapratiṣṭhitam |
someśātpaścime bhāge dhanuṣāṃ saptake sthitam |
ādityeśvaranāmānaṃ sarvapātakanāśanam || 1 ||
[Analyze grammar]

tretāyuge mahādevi samudreṇa mahātmanā |
ratnaiḥ saṃpūjitaṃ liṃgaṃ varṣāṇāmayutaṃ priye || 2 ||
[Analyze grammar]

tena ratneśvaraṃnāma sāṃprataṃ prathitaṃ kṣitau |
paṃcāmṛtena saṃsnāpya paṃcaratnaiḥ prapūjayet || 3 ||
[Analyze grammar]

tato rājopacāreṇa pūjayedvidhivannaraḥ |
evaṃ kṛte mahādevi merudānaphalaṃ labhet || 4 ||
[Analyze grammar]

sarveṣāṃ caiva yajñānāṃ dānānāṃ nātra saṃśayaḥ || 5 ||
[Analyze grammar]

tīrthānāṃ cāpi sarveṣāṃ yaccānyatsukṛtaṃ bhuvi |
uddharetpitṛvargaṃ ca mātṛvargaṃ ca mānavaḥ || 6 ||
[Analyze grammar]

bālye vayasi yatpāpaṃ vārddhake yauvane'pi vā |
kṣālayeccaiva tatsarvaṃ dṛṣṭvā ratneśvaraṃ naraḥ || 7 ||
[Analyze grammar]

dhenudānaṃ praśaṃsaṃti tasminsthāne maharṣayaḥ |
dhenudastārayennūnaṃ daśa pūrvāndaśāparān || 8 ||
[Analyze grammar]

devasya dakṣiṇe bhāge yo japecchatarudriyam |
saṃpūjya vidhivalliṃgaṃ na sa bhūyaḥ prajāyate || 9 ||
[Analyze grammar]

evaṃ saṃkṣepataḥ proktamādityeśamahodayam |
śrutvā'vadhārya yatnena mucyate karmabaṃdhanaiḥ || 10 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya ādityeśvaramāhātmyavarṇanaṃnāma tricatvāriṃśo'dhyāyaḥ || 43 ||
[Analyze grammar]