Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 42

< Previous

Next >

[English text for this chapter is available]

īśvara uvāca |
tato gacchenmahādevi caṇḍīśaṃ devamuttamam |
someśādīśadigbhāge dhanuṣāṃ saptake sthitam || 1 ||
[Analyze grammar]

daṇḍapāṇestu bhavanāddakṣiṇe nātidūragam |
caṃḍyā pratiṣṭhitaṃ pūrvaṃ caṇḍenārādhitaṃ tataḥ || 2 ||
[Analyze grammar]

gaṇena mama deveśi tatkṛtvā duṣkaraṃ tapaḥ |
tena caṇḍeśvaraṃ liṃgaṃ prakhyātaṃ dharaṇītale || 3 ||
[Analyze grammar]

snāpayetpayasā pūrvaṃ dadhnā ghṛtayutena ca |
madhunekṣurasenaiva kuṃkumena vilepayet || 4 ||
[Analyze grammar]

karpūrośīramiśreṇa mṛganābhirasena ca |
candanena sugandhena puṣpaiḥ saṃpūjayettataḥ || 5 ||
[Analyze grammar]

dagdhvā dhūpaṃ puro devi tato devasya cāgurum |
vastraiḥ saṃpūjayetpaścādātmavittānusārataḥ || 6 ||
[Analyze grammar]

naivedyaṃ paramānnaṃ ca dattvā dīpasama nvitam |
tato dadyāddvijātibhyo yathāśaktyā tu dakṣiṇām || 7 ||
[Analyze grammar]

dakṣiṇāṃ diśamāsthāya yatkiṃcittatra dīyate |
caṇḍīśasya varārohe tatsarvaṃ cākṣayaṃ bhavet || 8 ||
[Analyze grammar]

yaḥ śrāddhaṃ kurute tatra caṇḍīśasya tu dakṣiṇe |
ākalpaṃ tṛptimāyāṃti pitarastasya bhāmini || 9 ||
[Analyze grammar]

ayane cottare prāpte yaḥ kuryādghṛta kambalam |
na sa bhūyo'tra saṃsāre janma prāpnoti dāruṇam || 10 ||
[Analyze grammar]

evaṃ kṛtvā naro bhaktyā yātrāṃ devasya śūlinaḥ |
nirmālyātikramodbhūtairajñānādbhakṣaṇodbhavaiḥ |
pāpaiḥ pramucyate jaṃtustathā'nyaiḥ karmasaṃbhavaiḥ || 11 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathameprabhāsakṣetramāhātmye caṇḍīśamāhātmyavarṇanaṃnāmadvicatvāriṃśo'dhyāyaḥ || 42 ||
[Analyze grammar]