Chapter 263

[English text for this chapter is available]

īśvara uvāca |
yadi cettāmasaṃ karma tyaktvā karmasu jāyate |
tadā jñānamayo yogī jīvatāṃ mokṣadāyakaḥ || 1 ||
[Analyze grammar]

yadā nirmamatā dehe yadā cittaṃ sunirmalam |
yadā harau bhaktiyogastadā bandho na karmaṇā || 2 ||
[Analyze grammar]

kurvanneva hi karmāṇi manaḥ śāṃtaṃ nṛṇāṃ yadā |
tadā yogamayī siddhirjāyate nātra saṃśayaḥ || 3 ||
[Analyze grammar]

gurutvaṃ sthānamasakṛdanubhūya mahāmatiḥ |
jīvanviṣṇutvamāsādya karma saṃgātpramucyate || 4 ||
[Analyze grammar]

karmāṇi nityajātāni nityanaimittikāni ca |
icchayā naiva sevyāni duḥkhatāpavivṛddhaye || 5 ||
[Analyze grammar]

karmaṇāmīśitāraṃ ca viṣṇuṃ viddhi maheśvari |
tasminsaṃtyajya sarvāṇi saṃsārānmucyate'khilāt || 6 ||
[Analyze grammar]

etadeva paraṃ jñānametadeva paraṃ tapaḥ |
etadeva paraṃ śreyo yatkṛṣṇe karmaṇo'rpaṇam || 7 ||
[Analyze grammar]

ayaṃ hi nirmalo yogo nirguṇaḥ sa udāhṛtaḥ |
tadviṣṇoḥ karma janitaṃ śubhatva pratipādanam || 8 ||
[Analyze grammar]

tāvadbhramaṃti saṃsāre pitaraḥ piṃḍatatparāḥ |
yāvatkule bhaktiyutaḥ sto naiva prajāyate || 9 ||
[Analyze grammar]

tāvaddvijāni garjaṃti tāvadgarjati pātakam |
tāvattīrthānyanekāni yāvadbhaktiṃ na viṃdati || 10 ||
[Analyze grammar]

sa eva jñānavāṃlloke yogināṃ prathamo hi saḥ |
mahākratūnāmāhartā haribhaktiyuto hi saḥ || 11 ||
[Analyze grammar]

nimiṣaṃ nirnayanmeṣaṃ yogaḥ samabhijāyate |
vāṇījaye yoginastu gomedhaśca prakīrtitaḥ || 12 ||
[Analyze grammar]

manaso vijaye nityamaśvamedhaphalaṃ labhet |
kalpanāvijayānnityaṃ yajñaṃ sautrāmaṇiṃ labhet || 13 ||
[Analyze grammar]

dehasyotsarjanānnityaṃ narayajñaḥ prakīrtitaḥ |
paṃceṃdriyapaśūnhatvā'nagnau śīrṣe ca kuṇḍale || 14 ||
[Analyze grammar]

gurūpadeśavidhinā brahmabhūtatvamaśnute |
sa yogī niyatāhārodaṇḍatritayadhārakaḥ || 15 ||
[Analyze grammar]

tridaṃḍī sa tu vijñeyo jñāte deve niraṃjane |
manodaṇḍaḥ karmadaṇḍo vāgdaṃḍo yasya yoginaḥ || 16 ||
[Analyze grammar]

sa yogī brahmarūpeṇa jīvanneva samāpyate |
ajñānī bādhyate nityaṃ karmabhirbaṃdhanātmakaiḥ || 17 ||
[Analyze grammar]

kurvanneva hi karmāṇi jñānī muktiṃ prayāti hi |
yadā hi gurubhiḥ sthānaṃ brahmaṇaḥ pratipādyate || 18 ||
[Analyze grammar]

tadaiṣa muktimāpnoti dehastiṣṭhati kevalam |
yāvadbrahmaphalāvāptyai prayāti puruṣottamaḥ || 19 ||
[Analyze grammar]

tāvatkarmamayī vṛttirbrahma vṛkṣāṃtarābhavet |
avāṃtarāṇi parvāṇi jñeyāni munibhiḥ sadā || 20 ||
[Analyze grammar]

mokṣamārgo dvijaiścaiva śrutismṛtisamuccayāt |
mokṣo'yaṃ nagarākāraścaturdvāra samākulaḥ || 21 ||
[Analyze grammar]

dvārapālāstatra nityaṃ catvārastu śamādayaḥ |
ta eva prathamaṃ sevyā manujairmākṣadāyakāḥ || 22 ||
[Analyze grammar]

śamaśca sadvicāraśca saṃtoṣaḥ sādhusaṃgamaḥ |
ete vai hastagā yasya tasya siddhirna dūrataḥ || 23 ||
[Analyze grammar]

yogasiddhirviṣṇubhaktyā saddharmācaraṇena ca |
prāpyate manujairdevi hyetajjñānamalaṃ viduḥ || 24 ||
[Analyze grammar]

jñānārthaṃ ca bhramanmartyo vidyāsthāneṣu sarvaśaḥ |
sadyo jñānaṃ sadguruto dīpārciriva nirmalā || 25 ||
[Analyze grammar]

muhūrtamātramapi yo layaṃ ciṃta yati dhruvam |
tasya pāpasahasrāṇi vilayaṃ yāṃti tatkṣaṇāt || 26 ||
[Analyze grammar]

rāgadveṣau parityajya krodhalobhavivarjitaḥ |
sarvatra samadarśī ca viṣṇubhaktasya darśanam || 27 ||
[Analyze grammar]

sarveṣāmapi jīvānāṃ dayā yasya hṛdi sthirā |
śaucācārasamāyukto yogī duḥkhaṃ na viṃdati || 281 ||
[Analyze grammar]

māyādhipaṭalairhīno mithyā vastuvirāgavān |
kusaṃsargavihīnaśca yogasiddheśca lakṣaṇam || 29 ||
[Analyze grammar]

mamatāvahnisaṃyogo narāṇāṃ tāpadāyakaḥ |
utpannaḥ śamanaṃ tasya yogināṃ śāṃticāraṇam || 30 ||
[Analyze grammar]

indriyāṇāmathoddhṛtya manasaiva niṣedhayet |
yathā lohena lohaṃ ca gharṣitaṃ tīkṣṇatāṃ vrajet || 31 ||
[Analyze grammar]

buddhirhi dvividhā dehe deyā grāhyā viśuddhidā |
saṃsāraviṣayā tyājyā parabrahmaṇi sā śubhā || 32 ||
[Analyze grammar]

ahaṃkāro yathā devi pāpapuṇyapradāyakaḥ |
jñāte tattve śubhaphale kṛtaḥ saṃdhāya nānyathā || 33 ||
[Analyze grammar]

śyāmalaṃ ca upasthaṃ ca rūpātītānnarāḥ śivam |
hṛdisthaṃ siraśisthaṃ ca dvayaṃ baddhavimuktaye || 34 ||
[Analyze grammar]

etadakṣaramavyakamamṛtaṃ sakalaṃ tava |
rūparūpaviṣṇurūparūpamūrtiniveditam || 36 ||
[Analyze grammar]

evaṃ jñātvā vimucyeta yogī saṃsārabandhanāt |
gurūpadeśādgṛhastho labhate nānyathā kvacit || 36 ||
[Analyze grammar]

yadā guruḥ prasannātmā tasya viśvaṃ prasīdati |
guruśca toṣito yena saṃtuṣṭāḥ pitṛdevatāḥ || 37 ||
[Analyze grammar]

gurūpadeśaḥ pratimā sadvicāraḥ same manaḥ |
kriyā ca jñānasahitā mokṣasiddherhi lakṣaṇam || 38 ||
[Analyze grammar]

kriyāpatirviṣṇureva svayameva hi niṣkri yaḥ |
sa ca prāṇavirūpāya dvādaśākṣaravījakaḥ || 39 ||
[Analyze grammar]

dvādaśākṣarakaṃ cakraṃ sarvapāpanibarhaṇam |
duṣṭānāṃ damanaṃ caiva parabrahmapradāyakam || 40 ||
[Analyze grammar]

etadeva paraṃ brahma dvādaśākṣararūpadhṛk |
mayā prakāśitaṃ devi skande hi vimalaṃ tava || 41 ||
[Analyze grammar]

etatsāraṃ yogināṃ dhyānarūpaṃ bhaktigrāhyaṃ śraddhayā cintayecca |
cāturmāsye janmakoṭyāṃ ca jātaṃ pāpaṃ dagdhvā muktidaḥ kaiṭabhāriḥ || 42 ||
[Analyze grammar]

brahmovāca |
etasminnagare tatra kṣīrasāgaramadhyataḥ |
ujjahāra vimānāgre tejobhārābhipīḍitaḥ || 43 ||
[Analyze grammar]

uro bāhukṛtiṃ kurvansānnidhyaṃ samupāgataḥ |
mahāmatsyo'jñātapūrvaḥ sannidhāne'nahaṃkṛtiḥ || 44 ||
[Analyze grammar]

huṃkāragarbhe matsyaṃ ca dṛṣṭvā taṃ sa maheśvaraḥ |
tejasā staṃbhayāmāsa vākyametaduvāca ha || 45 ||
[Analyze grammar]

kastvaṃ matsyodarasthaśca devo yakṣo'tha mānuṣaḥ |
kathaṃ jīvasi dehāṃtargato mama vada prabho || 46 ||
[Analyze grammar]

matsya uvāca |
ahaṃ matsyodare kṣiptaḥ samudre kṣīrasaṃbhave |
mātrā tu pitṛvākyena nāyaṃ mama kulānvitaḥ || 47 ||
[Analyze grammar]

kulakṣayabhayāttena jātaṃ svakulanāśanam |
gaṃḍāṃtayogajanito bālo na gṛhakarmakṛt || 48 ||
[Analyze grammar]

iti mātrā duḥkhitayā nirastaḥ śṛṇu vaṃśajaḥ |
jhaṣeṇāpi gṛhīto'smi kālo me'tra mahānabhūt || 49 ||
[Analyze grammar]

tava vākyāmṛtairebhirjñānayogo mahānabhūt |
tena tvaṃ sakalo jñāto mayā mūrto'tha mūrttagaḥ || 50 ||
[Analyze grammar]

anujñāṃ mama deveśa dehi niṣkramaṇāya ca |
yathā'haṃ pitṛpo brahmanbhavānyāścāpi lakṣyate || 51 ||
[Analyze grammar]

hara uvāca || vipro'si sutarūpo'si pūjyosyāsi babhāṣataḥ |
bahirniṣkrama vegena staṃbhito'si mahājhaṣaḥ || 52 ||
[Analyze grammar]

tato'sau śirasā jāta utkleśānmatsyayojitaḥ |
tato hi vikṛtaṃ vaktraṃ kṣaṇādbahirupāgataḥ || 53 ||
[Analyze grammar]

rūpavānpratimāyukto matsyagaṃdhena saṃyutaḥ |
somakāṃtisamastatra hyabhavaddivyagaṃdhabhāk || 854 ||
[Analyze grammar]

umāpi praṇataṃ cāmuṃ sutaṃ svotsaṃgabhājanam |
cakāra tasya nāmāpi haraḥ paramaharṣitaḥ || 895 ||
[Analyze grammar]

yasmānmatsyodarājjāto yogināṃ pravaro hyayam |
tasmāttu matsya nātheti loke khyāto bhaviṣyati || 56 ||
[Analyze grammar]

acchedyaḥ syānnaratanurjñānayogasya pāragaḥ |
nirmatsaro'pi nirdvaṃdvo nirāśo brahmasevakaḥ || 57 ||
[Analyze grammar]

jīvanmuktaśca bhavitā bhuvanāni caturdaśa |
ityuktaśca maheśānaṃ praṇamaṃśca punaḥpunaḥ |
maheśvareṇa sahito maṃdarācalamāyayau || 58 ||
[Analyze grammar]

brahmovāca |
kṛtvā pradakṣiṇaṃ devīṃ skandamāliṃgya so'gamat || 59 ||
[Analyze grammar]

tataḥ sā pārvatī hṛṣṭā prāpya jñānamanuttamam |
evaṃ sā paramāṃ siddhiṃ praṇavasyaprabhā janam || 60 ||
[Analyze grammar]

sā prāpya jagatāṃ mātā dvādaśākṣarajāṃbunā |
imāṃ matsyendranāthasya cotpattiṃ yaḥ śṛṇoti ca || 61 ||
[Analyze grammar]

cāturmāsye viśeṣeṇa so'śvamedhaphalaṃ labhet || 62 ||
[Analyze grammar]

iti śrīskāṃde mahāpurāṇa ekāśītisāhsryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śeṣaśāyyupākhyāne brahmanāradasaṃvāde cāturmāsyamāhātmye matsyendranāthotpattikathanaṃ nāma triṣaṣṭyuttaradviśatatamo'dhyāyaḥ || 263 ||
[Analyze grammar]