Chapter 264

[English text for this chapter is available]

brahmovāca |
kārtikeyaśca pārvatyāḥ prāṇebhyaścātivallabhaḥ |
saṃkrīḍati samīpastho nānāceṣṭābhirudyataḥ || 1 ||
[Analyze grammar]

raktakāṃtirmahātejāḥ ṣaṇmukho'dbhuta vikramaḥ |
kvacidgāyati cātyarthaṃ kvacinnṛtyati svecchayā || 2 ||
[Analyze grammar]

mātaraṃ pitaraṃ dṛṣṭvā vinayāvanataḥ kvacit |
kvacicca gaṃgāpuline sikatālepanākṛtiḥ || 3 ||
[Analyze grammar]

gaṇaiḥ saha vicinvāno vividhānvanabhūruhān |
evaṃ prakrīḍitastasya divasāḥ paṃca jajñire || 4 ||
[Analyze grammar]

tato devā mahendrādyāstārakatrāsavidrutāḥ |
stuvantaḥ śaṃkaraṃ sarve tārakasya jighṛkṣayā || 5 ||
[Analyze grammar]

cakruḥ kumāraṃ senānyaṃ jāhnavyāṃ svagaṇaiḥ surāḥ |
sasvanurdevavādyāni puṣpavarṣaṃ papāta ha || 6 ||
[Analyze grammar]

vahnistu svāṃ dadau śaktiṃ himavānvāhanaṃ dadau |
sarvadevasamudbhūtagaṇakoṭisamāvṛtaḥ || 7 ||
[Analyze grammar]

praṇamya munisaṃghebhyaḥ prayayau ripuvigrahe |
tāmravatyāṃ nagaryāṃ ca śaṃkhaṃ dadhmau pratāpavān || 8 ||
[Analyze grammar]

tatastārakasainyasya daityadānavakoṭayaḥ |
samājagmustasya purācchaṃkhanādabhayāturāḥ || 9 ||
[Analyze grammar]

svavāhanasamārūḍhāḥ saṃyatā baladarpitāḥ |
devāḥ sarve'pi yuyudhuḥ skandatejopabṛṃhitāḥ || 10 ||
[Analyze grammar]

tadā dānavasainyāni nijaghāna ca sarvaśaḥ |
viṣṇucakreṇa te chinnāḥ petururvyāṃ sahasraśaḥ || 11 ||
[Analyze grammar]

tato bhagnāśca śataśo dānavā nihatāstadā |
nadyaḥ śoṇitasaṃbhūtā jātā bahuvidhāmune || 12 ||
[Analyze grammar]

tadbhagnaṃ dānavabalaṃ dṛṣṭvā sa yuyudhe raṇe |
babhaṃja sadyo deveśo bāṇajālairanekadhā || 13 ||
[Analyze grammar]

śaktināyudhya gaṃginyāścikṣepa kṛṣṇapreritāḥ |
sarathaṃ ca sayaṃtāraṃ cakre taṃ bhasmasātkṣaṇāt || 14 ||
[Analyze grammar]

śeṣāḥ pātālamagamanhataṃ dṛṣṭvā'tha tārakam |
tato devagaṇāḥ sarve śasaṃsustasya vikramam || 15 ||
[Analyze grammar]

devadundubhayo neduḥ puṣpavṛṣṭistathā'bhavat |
te labdhavijayāḥ sarve maheśvarapurogamāḥ || 16 ||
[Analyze grammar]

siṣicuḥ sarvadevānāṃ senāpatye ṣaḍānanam |
tataḥ skaṃdaṃ samāliṃgya pārvatī harṣagadgadā || 17 ||
[Analyze grammar]

māṃgalyāni tadā cakre svasakhībhiḥ samāvṛtā |
evaṃ ca tārakaṃ hatvā saptame'hani bālakaḥ || 18 ||
[Analyze grammar]

maṃdarācalamāsādya pitarau saṃpraharṣayan |
uvāca sakalaṃ skandaḥ paramānaṃdanirbharaḥ || 19 ||
[Analyze grammar]

kāle dārakriyāṃ tasya cintayāmāsa śaṃkaraḥ |
sa uvāca prasannātmā gāṃgeyamamitadyutim || 20 ||
[Analyze grammar]

prāptaḥ kālastava vibho pāṇigrahaṇasaṃmataḥ |
kuru dārānsamāsādya dharmaste puṃsasaṃmataḥ || 21 ||
[Analyze grammar]

krīḍasva vividhairbhogairvimānaiḥ saha kāmikaiḥ |
tacchrutvā bhagavānskandaḥ pitaraṃ vākyamabravīt |
ahameva hi sarvatra dṛśyaḥ sarvagaṇeṣu ca |
dṛśyādṛśyapadārtheṣu kiṃ gṛhṇāmi tyajāmi kim || 23 ||
[Analyze grammar]

yāḥ striyaḥ sakalā viśve pārvatyā tāḥ samā hi me |
narāḥ sarve'pi deveśa bhavadvattānvilokaye || 24 ||
[Analyze grammar]

tvaṃ gururmāṃ ca rakṣasva punarnarakamajjanāt |
yena jñātamidaṃ jñānaṃ tvatprasādādakhaṃḍitam || 25 ||
[Analyze grammar]

punareva mahāghorasaṃsārābdhau nimajjaye |
dīpahasto yathā vastu dṛṣṭvā tatkaraṇaṃ tyajet || 26 ||
[Analyze grammar]

tathā jñānamadhiprāpya yogī tyajati saṃsṛtim |
jñātvā sarvagataṃ brahma sarvajña parameśvara || 27 ||
[Analyze grammar]

nivarttaṃte kriyāḥ sarvā yasya taṃ yoginaṃ viduḥ |
viṣaye lubdhacittānāṃ vane'pi jāyate ratiḥ || 28 ||
[Analyze grammar]

sarvatra samadṛṣṭīnāṃ gehe muktirhi śāśvatī |
jñānameva maheśāna manuṣyāṇāṃ sudurlabham || 29 ||
[Analyze grammar]

labdhaṃ jñānaṃ kathamapi paṃḍito naiva pātayet |
nāhamasmi na mātā me na pitā na ca bāṃdhavaḥ || 30 ||
[Analyze grammar]

jñānaṃ prāpya pṛthakbhāvamāpanno bhuvaneṣvaham |
prāpyaṃ bhāgamidaṃ daivātprabhāvāttava nārhasi || 31 ||
[Analyze grammar]

vaktumevaṃvidhaṃ vākyaṃ mumukṣorme na saṃśayaḥ |
yadāgrahaparā devī punaḥpunarabhāṣata || 32 ||
[Analyze grammar]

tadā tau pitarau natvā gato'sau krauñcaparvatam |
tatrāśrame mahāpuṇye cacāra paramaṃ tapaḥ || 33 ||
[Analyze grammar]

jajāpa paramaṃ brahma dvādaśākṣarabījakam |
pūrvaṃ dhyānena sarvāṇi vaśīkṛtyendriyāṇi ca || 34 ||
[Analyze grammar]

mamatāṃ saṃviyujyātha jñānayogamavāptavān |
siddhayastasya nirvighnā aṇimādyā yadā'gatāḥ || 35 ||
[Analyze grammar]

tadā tāsāṃ gaṇā kruddho vākyametaduvāca ha |
mamāpi du्ṣṭabhāvena yadi yūyamupāgatāḥ || 36 ||
[Analyze grammar]

tadāsmatsamaśāṃtānāṃ nābhibhūtiṃ kariṣyatha |
evaṃ jñātvā maheśo'pi yato jñānamahodayam || 37 ||
[Analyze grammar]

matto'pi jñānayogenaskando'pyadhikabhāvabhṛt |
vismayāviṣṭahṛdayaḥ pārvatīmanuśiṣṭavān || 38 ||
[Analyze grammar]

putraśokaparāṃ comāṃ śubhairvākyāmṛtairharaḥ |
cāturmāsasya māhātmyaṃ sarvapāpapraṇāśanam || 39 ||
[Analyze grammar]

maheśvaro vā madhukaiṭabhārirhṛdyāśrito dhyānamayo'dvitīyaḥ |
abhedabuddhyā paramārtihaṃtā ripuḥ sa evātipriyo bhavettataḥ || 40 ||
[Analyze grammar]

sūta uvāca |
etadvaḥ kathitaṃ viprāścāturmāsyasamudbhavam |
māhātmyaṃ vistareṇaiva kimanyacchrotumicchatha || 41 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śeṣaśāyyupākhyāne brahmanāradasaṃvāde cāturmāsyamāhātmye tārakāsuravadho nāma catuḥṣaṣṭyuttaradviśatatamo'dhyāyaḥ || 264 ||
[Analyze grammar]