Chapter 229

[English text for this chapter is available]

sūta uvāca |
etasminnaṃtare śambhurgaṇaiḥ sarvaiḥ samāvṛtaḥ |
indrādyaiśca suraiḥ sarveḥ krodhasaṃraktalocanaḥ |
jagāma vṛṣamāruhya purīṃ caivāmarāvatīm || 1 ||
[Analyze grammar]

aṃdhako'pi samālokya saṃprāptāṃ devavāhinīm |
sagaṇāṃ ca mahādevaṃ paritoṣaṃ paraṃ gataḥ || 2 ||
[Analyze grammar]

niścakrāmātha yuddhāya balena caturaṃgiṇā |
varaṃ syaṃdanamāruhya suśvetāśvavahaṃ śubham || 3 ||
[Analyze grammar]

tataḥ samabhavadyuddhaṃ devānāṃ dānavaiḥ saha |
gaṇaiśca vikṛtākārairmṛtyuṃ kṛtvā nivartanam || 4 ||
[Analyze grammar]

ekavarṣasahasrāṃtaṃ yāvadyuddhamavartata |
dinedine kṣayaṃ yāṃti tatra devā na dānavāḥ |
tato varṣasahasrāṃte saṃkruddhaḥ śaśiśekharaḥ |
triśūlena samudyamya svahastena vyabhedayat || 6 ||
[Analyze grammar]

sa viddho'pi svayaṃ tena triśūlena mahāsuraḥ |
brahmaṇo varamāhātmyānnaiva prāṇaiviryujyate || 7 ||
[Analyze grammar]

tato bhūyo'pi cotthāya cakre yuddhaṃ mahātmanā |
jaghāna ca sa saṃkruddho viśeṣeṇa bahūngaṇān || 8 ||
[Analyze grammar]

śaṃkaraṃ tāḍayāmāsa gadāghātairmuhurmuhuḥ || 9 ||
[Analyze grammar]

evaṃ varṣasahasrāṃtamabhūtsārddhaṃ pinākinā |
raudraṃ yuddhamandhakasya sarvalokabhayāvaham || 10 ||
[Analyze grammar]

triśūlabhinno daityaḥ sa yadā mṛtyuṃ na gacchati |
utthāyotthāya kurute prahārāngadayā balī || 11 ||
[Analyze grammar]

tathā taṃ śaṃkaro jñātvā mṛtyunā parivarjitam |
brahmaṇo varadānena sarveṣāṃ ca divaukasām || 12 ||
[Analyze grammar]

tato nirbhidya śūlāgraiḥ protkṣipya gaganāṃgaṇe |
chatravaddhārayāmāsa laṃbamānamadhomukham |
akṣaradrudhiraṃ bhūmau gātrebhyo varṣmasaṃbhavam || 13 ||
[Analyze grammar]

yāvadvarṣasahasrāṃte carmāsthi snāyureva ca |
dhātutrayaṃ sthitaṃ tasya naṣṭamanyaccatuṣṭayam || 14 ||
[Analyze grammar]

sa jñātvā bala saṃhīnamātmānaṃ dhātusaṃkṣayāt |
sāmopāyaṃ tataścake stutvā sārdhaṃ pinākinā || 15 ||
[Analyze grammar]

andhaka uvāca |
na tvaṃ devo mayā jñāto vāgduṣṭena durātmanā |
īdṛgvīryasamopetastadyuktaṃ bhavatā kṛtam || 16 ||
[Analyze grammar]

anurūpaṃ madāṃdhasyāvivekasya surottama |
svavīryamadayuktasya viveka rahitasya ca || 17 ||
[Analyze grammar]

durvinītaḥ śriyaṃ prāpya vidyāmaiśvaryamevaca |
na tiṣṭhati ciraṃ kālaṃ yathā'haṃ madagarvitaḥ || 18 ||
[Analyze grammar]

pāpo'haṃ pāpakarmā'haṃ pāpātmā pāpasaṃbhavaḥ |
trāhi māṃ deva īśāna sarvapāpaharo bhava || 19 ||
[Analyze grammar]

duḥkhito'haṃ varāko'haṃ dīno'haṃ śaktivarjitaḥ |
trātumarhasi māṃ deva prapannaṃ śaraṇaṃ vibho || 20 ||
[Analyze grammar]

duṣṭo'haṃ pāpayukto'haṃ sāṃprataṃ parameśvara |
tena buddhiriyaṃ jātā tavopari mamānagha || 21 ||
[Analyze grammar]

sarvapāpakṣaye jāte śive bhavati bhāvanā || 22 ||
[Analyze grammar]

nāmamātramapi tryakṣa yaste kīrtayati prabho |
so'pi muktimavāpnoti kiṃ punaḥ pūjane rataḥ || 23 ||
[Analyze grammar]

tava pūjā vihīnānāṃ dinānyāyāṃti yāṃti ca |
yāni deva mṛtānāṃ ca tāni yāṃti na jīvatām || 24 ||
[Analyze grammar]

kuṣṭhī vā rogayukto vā paṃgurvā badhiro'pi vā |
mā bhūttasya kule janma śaṃbhuryatra na devatā || 25 ||
[Analyze grammar]

tasmānmocaya māṃ deva svāgataṃ kuru sāṃpratam |
gato me dānavo bhāvastyaktaṃ rājyaṃ tathā vibho || 26 ||
[Analyze grammar]

tyaktāḥ putrāśca pautrāśca patnyaśca vibhavaiḥ saha |
triḥ satyena suraśreṣṭha tava pādau spṛśāmyaham || 27 ||
[Analyze grammar]

tasya tadvacanaṃ śrutvā jñātvā taṃ gatakalmaṣam |
uttārya śanakaiḥ śūlādvinayāvanataṃ sthitam || 28 ||
[Analyze grammar]

tato nāma svayaṃ cakre bhṛṃgirīṭiriti prabhuḥ |
abravīcca sadā me tvaṃ vallabhaḥ saṃbhaviṣyasi || 29 ||
[Analyze grammar]

nandino'pi gajāsyasya mahākālasya putraka |
tiṣṭha saumya mayā saukhyaṃ na smariṣyasi bāṃdhavān || 30 ||
[Analyze grammar]

sa tatheti pratijñāya praṇamya śaśiśekharam |
tasthau sarvagaṇairyuktaḥ prabhusaṃśrayasaṃyutaḥ || 31 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvara kṣetramāhātmye bhṛṃgīriṭyutpattivarṇanaṃnāmaikonatriṃśaduttaradviśatatamo'dhyāyaḥ || 229 ||
[Analyze grammar]