Chapter 94

[English text for this chapter is available]

sūta uvāca || |
tathānyā lohayaṣṭistu tasminkṣetre'tiśobhanā |
muktā paraśurāmeṇa bhaṃktvā nijakuṭhārakam || 1 ||
[Analyze grammar]

tāṃ dṛṣṭvā mānavaḥ samyagupavāsaparāyaṇaḥ |
mucyate hi svakātpāpāttatkṣaṇādvijasattamāḥ || 2 ||
[Analyze grammar]

ṛṣaya ūcuḥ |
kutaḥ paraśurāmeṇa bhaṃktvā nijakuṭhārakam |
nirmitā lohayaṣṭiḥ sā tatrotsṛṣṭā ca sā kutaḥ || 3 ||
[Analyze grammar]

sūta uvāca |
yadā rāmo hradaṃ kṛtvā tarpayitvā nijānpitṝn |
gatāmarṣo dvijendrāṇāṃ dattvā yajñe vasundharām || 4 ||
[Analyze grammar]

tataḥ saṃprasthito hṛṣṭo dhṛtvā manasi sāgaram |
snānārthaṃ taṃ samādāya kuṭhāraṃ bhāskaraprabham || 5 ||
[Analyze grammar]

tadā sa munibhiḥ proktaḥ sarvaistatkṣetravāsibhiḥ |
vāṃchadbhistu hitaṃ tasya sadā śamaparāyaṇaiḥ || 6 ||
[Analyze grammar]

rāmarāma mahābhāga yaddhārayasi pāṇinā |
śastraṃ pūrṇe pratijño'pi tanna yuktaṃ bhavettava || 7 ||
[Analyze grammar]

anena karasaṃsthena tava kopaḥ kathaṃcana |
na yāsyati śarīrasthastasmādenaṃ parityaja || 9 ||
[Analyze grammar]

teṣāṃ tadvacanaṃ śrutvā tato rāmaḥ kṛtāṃjaliḥ |
provāca vinayopetaḥ prahasaṃstāndvijottamān || 9 ||
[Analyze grammar]

kuṭhāraścaiva vipreṃdrā rudratejodbhavena ca |
lohena nirmitaḥ pūrvamakṣayo viśvakarmaṇā || 94 ||
[Analyze grammar]

tadahaṃ saṃparityajya kathamenaṃ dvijottamāḥ || 9 ||
[Analyze grammar]

kṣattradharmaparo'pyevaṃ pragacchāmi digaṃtaram || 1 ||
[Analyze grammar]

yadi cainaṃ mayā muktaṃ kuṭhāraṃ ca dvijottamāḥ |
grahīṣyati paraḥ kaścinmama vadhyo bhaviṣyati || 12 ||
[Analyze grammar]

nāparādhamimaṃ śaktaḥ soḍha़ुṃ cāhaṃ kathaṃcana |
api brāhmaṇamukhyasya janasyānyasya kā kathā || 13 ||
[Analyze grammar]

tathāpi nāsti te śāṃtirmukte'pyasmindvijottamāḥ |
gṛhīte'pi ca yuṣmābhistasmādrakṣyaḥ prayatnataḥ || 14 ||
[Analyze grammar]

brāhmaṇā ūcuḥ |
yadyevaṃ tvaṃ mahābhāga rakṣārthaṃ saṃprayacchasi |
asmākaṃ tatra bhaṃktvāśu piṃḍaṃ kṛtvā samarpaya || 15 ||
[Analyze grammar]

yena rakṣāmahe sarve paramaṃ yavamāśritāḥ |
na ca gṛhṇāti vā kaścidgate kālāṃtare'pi ca || 16 ||
[Analyze grammar]

teṣāṃ tadvacanaṃ śrutvā rāmaḥ śastrabhṛtāṃ varaḥ |
cakre lohamayīṃ yaṣṭiṃ taṃ bhaṃktvā sa kuṭhārakam || 17 ||
[Analyze grammar]

tataḥ sa brāhmaṇeṃdrāṇāmarpayāmāsa sādaram |
rakṣārthaṃ bhārgavaśreṣṭho vinayāvanataḥ sthitaḥ || 18 ||
[Analyze grammar]

brāhmaṇā ūcuḥ |
lohayaṣṭimimāṃ rāma tvatkuṭhārasamudbhavām |
vayaṃ saṃrakṣayiṣyāmaḥ pūjayiṣyāma eva hi || 19 ||
[Analyze grammar]

yathā śaktimayī kīrtiḥ skandasyātra pratiṣṭhitā |
lohayaṣṭimayī tadvattava rāma bhaviṣyati || 20 ||
[Analyze grammar]

bhraṣṭarājyastu yo rājā enāmārādhayiṣyati |
svaṃ rājyamacirātprāpya sa pratāpī bhaviṣyati || 21 ||
[Analyze grammar]

vidyākṛte dvijo vā yaḥ sadaināṃ pūjayiṣyati |
sa vidyāṃ paramāṃ prāpya sarvajñatvaṃ prapatsyate || 22 ||
[Analyze grammar]

aputro vā naro yo'tha nārī vā pūjayiṣyati |
etāṃ yaṣṭiṃ tvadīyāṃ ca putravānsa bhaviṣyati || 23 ||
[Analyze grammar]

upavāsaparo bhūtvā yaścaināṃ pūjayiṣyati |
āśvinasyāsite pakṣe caturdaśyāṃ viśeṣataḥ || 24 ||
[Analyze grammar]

sa prāpsyati sadā kāmānabhīṣṭānmanasi sthitān || 24 ||
[Analyze grammar]

evaṃ śrutvā tato rāmasteṣāmeva dvijanmanām |
praṇamya prayayau tūrṇaṃ samudrasadanaṃ prati || 25 ||
[Analyze grammar]

te'pi viprāstatastasyāścakruḥ prāsādamuttamam |
tatra saṃsthāya tāṃ cakrustataḥ pūjāsamāhitāḥ || 26 ||
[Analyze grammar]

prāpnuvaṃti ca tatpārśvātkāmāneva hṛdi sthitān |
sustokenā'pi kālena durlabhāstridaśairapi || 27 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye lohayaṣṭimāhātmyavarṇanaṃ nāma caturṇavatitamo'dhyāyaḥ || 94 ||
[Analyze grammar]