Chapter 221

[English text for this chapter is available]

śrīmārkaṇḍeya uvāca |
tato gacchettu rājendra revāyā dakṣiṇe taṭe |
krośadvayāntare tīrthaṃ matṛtīrthādanuttamam || 1 ||
[Analyze grammar]

nāmnā haṃseśvaraṃ puṇyaṃ vaimanasyavināśanam |
kaśyapasya kule jāto haṃso dākṣāyaṇīsutaḥ || 2 ||
[Analyze grammar]

brahmaṇo vāhanaṃ jātaḥ purā taptvā tapo mahat |
saikadā vidhinirdeśaṃ vinā vaiyagryamāsthitaḥ || 3 ||
[Analyze grammar]

abhibhūtaḥ śivagaṇaiḥ praṇanāśa yudhiṣṭhira |
dakṣayajñapramathane kāṃdiśīko vidhiṃ vinā || 4 ||
[Analyze grammar]

brahmaṇā saṃsṛto'pyāśu nāyāti sa yadā khagaḥ |
tadā taṃ śaptavānbrahmā pātayāmāsa vai padāt || 5 ||
[Analyze grammar]

tataḥ sa śaptamātmānaṃ matvā haṃsastvarānvitaḥ |
pitāmahamupāgamya praṇipatyedamabravīt || 6 ||
[Analyze grammar]

haṃsa uvāca |
tiryagyonisamutpannaṃ bhavāñchaptuṃ na cārhati |
svabhāva eva tiryakṣu vivekavikalaṃ manaḥ || 7 ||
[Analyze grammar]

tathāpi deva pāpo'smi yadahaṃ svāminaṃ tyaje |
kiṃ tu dhāvadbhiratyugrairgaṇaiḥ śārvaiḥ pitāmaha |
sahasāhaṃ bhayākrāntastrastastyaktvā palāyitaḥ || 8 ||
[Analyze grammar]

adyāpi bhayamevāhaṃ paśyannasmi vibho puraḥ |
tena smṛto'pi bhavatā nāvrajaṃ bhavadantike || 9 ||
[Analyze grammar]

śrīmārkaṇḍeya uvāca |
iti bruvanneva hi dhāturagre haṃsaḥ śvasatyakṣipūjyaḥ sudīnaḥ |
tiryañcaṃ māṃ pāpinaṃ mūḍhabuddhiṃ prabho puraḥ patitaṃ pāhi pāhi || 10 ||
[Analyze grammar]

eko devastvaṃ hi sargasya kartā nānāvidhaṃ sṛṣṭametattvayaiva |
ahaṃ sṛṣṭastvīdṛśo yattvayā vai so'yaṃ doṣo dhātaraddhā tavaiva || 11 ||
[Analyze grammar]

śāpasya vānugrahasyāpi śaktastvatto nānyaḥ śaraṇaṃ kaṃ vrajāmi |
sevādharmādvicyutaṃ dāsabhūtaṃ capeṭairhantavyaṃ vai tāta māṃ trāhi bhaktam || 12 ||
[Analyze grammar]

vidyāvidye tvatta evāvirāstāṃ dharmādharmau sadasaddyurniśe ca |
nānābhāvāñjagatastvaṃ vidhatsestaṃ tvāmekaṃ śaraṇaṃ vai prapadye || 13 ||
[Analyze grammar]

eko'si bahurūpo'si nānācitraikakarmataḥ |
niṣkarmākhilakarmāsi tvāmataḥ śaraṇaṃ vraje || 14 ||
[Analyze grammar]

namonamo vareṇyāya varadāya namonamaḥ |
namo dhātre vidhātre ca śaraṇyāya namonamaḥ || 15 ||
[Analyze grammar]

śikṣākṣaraviyukteyaṃ vāṇī me stauti kiṃ vibho |
kā śaktiḥ kiṃ parijñānamidamuktaṃ kṣamasva me || 16 ||
[Analyze grammar]

śrīmārkaṇḍeya uvāca |
evaṃ vadati haṃse vai brahmā prāha prasannadhīḥ |
śikṣā dattā tavaiveyaṃ mā viṣādaṃ kṛthāḥ khaga || 17 ||
[Analyze grammar]

tapasā śodhayātmānaṃ yathā śāpāntamāpnuyāḥ |
revāsevāṃ kuru snātvā sthāpayitvā maheśvaram |
acireṇaiva kālena tataḥ saṃsthānamāpsyasi || 18 ||
[Analyze grammar]

yacceṣṭvā bahubhiryajñaiḥ samāptavaradakṣiṇaiḥ |
gosvarṇakoṭidānaiśca tatphalaṃ sthāpite śive || 19 ||
[Analyze grammar]

brahmaghno vā surāpo vā svarṇahṛdgurutalpagaḥ |
revātīre śivaṃ sthāpya mucyate sarvapātakaiḥ || 20 ||
[Analyze grammar]

tasmādbhargasarittīre sthāpayitvā triyambakam |
viyuktaḥ sarvadoṣaistvaṃ yāsyase padamuttamam || 21 ||
[Analyze grammar]

evamuktaḥ sa vidhinā hṛṣṭatuṣṭaḥ khagottamaḥ |
tathetyuktvā jagāmāśu narmadātīramuttamam || 22 ||
[Analyze grammar]

tapastaptvā kiyatkālaṃ sthāpayāmāsa śaṅkaram || 23 ||
[Analyze grammar]

svanāmnā bharataśreṣṭha haṃseśvaramanuttamam |
pūjayitvā paraṃ sthānaṃ prāptavānkhagasattamaḥ || 24 ||
[Analyze grammar]

tatra haṃseśvare tīrthe gatvā snātvā yudhiṣṭhira |
pūjayetparameśānaṃ sa pāpaiḥ parimucyate || 25 ||
[Analyze grammar]

stuvannekamanā devaṃ na dainyaṃ prāpnuyātkvacit |
śrāddhaṃ dīpapradānaṃ ca brāhmaṇānāṃ ca bhojanam |
dattvā śaktyā nṛpaśreṣṭha svargaloke mahīyate || 26 ||
[Analyze grammar]

trikālamekakālaṃ vā yo bhaktyā pūjayecchivam |
navaprasūtāṃ dhenuṃ ca dattvā pārtha dvijottame |
ṣaṣṭivarṣasahasrāṇi śivaloke mahīyate || 27 ||
[Analyze grammar]