Chapter 200

[English text for this chapter is available]

adhyāya || 200 ||
[Analyze grammar]

śrīmārkaṇḍeya uvāca |
tasyaivānantaraṃ pārtha sāvitrītīrthamuttamam |
yatra siddhā mahābhāgā sāvitrī vedamātṛkā || 1 ||
[Analyze grammar]

yudhiṣṭhira uvāca |
sāvitrī kā dvijaśreṣṭha kathaṃ vārādhyate budhaiḥ |
prasannā vā varaṃ kaṃ ca dadāti kathayasva me || 2 ||
[Analyze grammar]

śrīmārkaṇḍeya uvāca |
padmā padmāsanasthenādhiṣṭhitā padmayoginī |
sāvitratejaḥsadṛśī sāvitrī tena cocyate || 3 ||
[Analyze grammar]

padmānanā padmavarṇā padmapatranibhekṣaṇā |
dhyātavyā brāhmaṇairnityaṃ kṣatravaiśyairyathāvidhi || 4 ||
[Analyze grammar]

brahmahatyābhayātsā hi na tu śūdraiḥ kadācana |
uccāraṇāddhāraṇādvā narake patati dhruvam || 5 ||
[Analyze grammar]

vedoccāraṇamātreṇa kṣatriyairdharmapālakaiḥ |
jihvāchedo'sya kartavyaḥ śūdrasyeti viniścayaḥ || 6 ||
[Analyze grammar]

bālā bālendusadṛśī raktavastrānulepanā |
uṣaḥkāle tu dhyātavyā sandhyā sandhāna uttame || 7 ||
[Analyze grammar]

uttuṅgapīvarakucā sumukhī śubhadarśanā |
sarvābharaṇasampannā śvetamālyānulepanā || 8 ||
[Analyze grammar]

śvetavastraparicchannā śvetayajñopavītinī |
madhyāhnasandhyā dhyātavyā taruṇā bhuktimuktidā || 9 ||
[Analyze grammar]

pradoṣe tu punaḥ pārtha śvetā pāṇḍuramūrdhajā |
sumṛtā tu durgakāntāre mātṛvatparirakṣati || 10 ||
[Analyze grammar]

viśeṣeṇa tu rājendra sāvitrītīrthamuttamam |
snātvācamya vidhānena manovākkāyakarmabhiḥ || 11 ||
[Analyze grammar]

prāṇāyāmairdaheddoṣān saptajanmārjitānbahūn |
āpohiṣṭheti mantreṇa prokṣayedātmanastanum || 12 ||
[Analyze grammar]

navaṣaṭca tathā tisrastatra tīrthe nṛpottama |
āpohiṣṭheti trirāvṛtya pratigrāhairna lipyate || 13 ||
[Analyze grammar]

aghamarṣaṇaṃ tryṛcaṃ toyaṃ yathāvedamathāpi vā |
upapāpairna lipyeta padmapatramivāmbhasā || 14 ||
[Analyze grammar]

tryāpaṃ hi kurute vipra ullekhatrayamācaret |
caturthaṃ kārayedyastu brahmahatyāṃ vyapohati || 15 ||
[Analyze grammar]

drupadākhyaśca yo mantro vede vājasaneyake |
antarjale sakṛjjaptaḥ sarvapāpakṣayaṃkaraḥ || 16 ||
[Analyze grammar]

udutyamiti mantreṇa pūjayitvā divākaram |
gāyatrīṃ ca japeddevīṃ pavitrāṃ vedamātaram || 17 ||
[Analyze grammar]

gāyatrīṃ tu japeddevīṃ yaḥ sandhyānantaraṃ dvijaḥ |
sarvapāpavinirmukto brahmalokaṃ sa gacchati || 18 ||
[Analyze grammar]

daśabhirjanmabhirlabdhaṃ śatena tu purākṛtam |
triyugaṃ tu sahasreṇa gāyatrī hanti kilbiṣam || 19 ||
[Analyze grammar]

gāyatrīsāramātro'pi varaṃ vipraḥ suyantritaḥ |
nāyantritaścaturvedī sarvāśī sarvavikrayī || 20 ||
[Analyze grammar]

sandhyāhīno'śucirnityamanarhaḥ sarvakarmasu |
yadanyatkurute kiṃcinna tasya phalabhāgbhavet || 21 ||
[Analyze grammar]

sandhyāṃ nopāsate yastu brāhmaṇo mandabuddhimān |
sa jīvanneva śūdraḥ syānmṛtaḥ śvā samprajāyate || 22 ||
[Analyze grammar]

sāvitrītīrthamāsādya sāvitrīṃ yo japeddvijaḥ |
traividyaṃ tu phalaṃ tasya jāyate nātra saṃśayaḥ || 23 ||
[Analyze grammar]

pitḥnuddiśya yaḥ snātvā piṇḍanirvapaṇaṃ nṛpa |
kurute dvādaśābdāni tṛpyanti tatpitāmahāḥ || 24 ||
[Analyze grammar]

sāvitrītīrthamāsādya yaḥ kuryātprāṇasaṃkṣayam |
brahmalokaṃ vasettāvadyāvadābhūtasamplavam || 25 ||
[Analyze grammar]

pūrṇe caiva tataḥ kāla iha mānuṣyatāṃ gataḥ |
caturvedo dvijo rājañjāyate vimale kule || 26 ||
[Analyze grammar]

dhanadhānyacayopetaḥ putrapautrasamanvitaḥ |
vyādhiśokavinirmukto jīvecca śaradāṃ śatam || 27 ||
[Analyze grammar]