Chapter 195

[English text for this chapter is available]

adhyāya || 195 ||
[Analyze grammar]

yudhiṣṭhira uvāca |
devatīrthe tu kiṃ nāma māhātmyaṃ samudāhṛtam |
phalaṃ kiṃ snānadānādikāriṇāṃ jāyate mune || 1 ||
[Analyze grammar]

mārkaṇḍeya uvāca |
pṛthivyāṃ yāni tīrthāni devairmunigaṇairapi |
sevitāni mahābāho tāni dhyātāni viṣṇunā || 2 ||
[Analyze grammar]

samāgatānyekatāṃ vai tatra tīrthe yudhiṣṭhira |
tattīrthaṃ vaiṣṇavaṃ puṇyaṃ devatīrthamiti śrutam || 3 ||
[Analyze grammar]

kurukṣetraṃ bhuvi paramantarikṣe tripuṣkaram |
puruṣottamaṃ divi paraṃ devatīrthaṃ parātparam || 4 ||
[Analyze grammar]

devatīrthasamaṃ nāsti tīrthamatra paratra ca |
yatprāpya manujastapyenna kadācidyudhiṣṭhira || 5 ||
[Analyze grammar]

devairuktāni tīrthāni yo'tra snānaṃ samācaret |
devatīrthe sa sarvatra snāto bhavati mānavaḥ || 6 ||
[Analyze grammar]

evamastviti tairuktā devā ṛṣigaṇā api |
saṃtuṣṭāḥ śrīśamabhyarcya svaṃ svaṃ sthānaṃ tu bhejire || 7 ||
[Analyze grammar]

sūryagrahe'tra vai kṣetre snātvā yatphalamaśnute |
snātvā śrīśaṃ samabhyarcya samupoṣya yathāvidhi || 8 ||
[Analyze grammar]

yaddadāti hiraṇyāni dānāni vidhivannṛpa |
tadanantaphalaṃ sarvaṃ sūryasya grahaṇe yathā || 9 ||
[Analyze grammar]

bhūmidānaṃ dhenudānaṃ svarṇadānamanantakam |
vajradānamanantaṃ ca phalaṃ prāha śatakratuḥ || 10 ||
[Analyze grammar]

somo vai vastradānena mauktikānāṃ ca bhārgavaḥ |
suvarṇasya ravirdānaṃ dharmarājo hyanantakam || 11 ||
[Analyze grammar]

devatīrthe tu yaddānaṃ śraddhāyuktena dīyate |
tadanantaphalaṃ prāha bṛhaspatirudāradhīḥ || 12 ||
[Analyze grammar]

devatīrthe bhṛgukṣetre sarvatīrthādhika nṛpa |
devatīrthe naraḥ snātvā śrīpatiṃ yo'nupaśyati || 13 ||
[Analyze grammar]

somagrahe kulaśataṃ sa samuddhṛtya nākabhāk |
dānāni dvijamukhyebhyo devatīrthe narādhipa || 14 ||
[Analyze grammar]

yairdattāni narairbhogabhāginaḥ pretya ceha te |
devatīrthe viprabhojyaṃ harimuddiśya yaścaret || 15 ||
[Analyze grammar]

sa sarvāhlādamāpnoti svargaloke yudhiṣṭhira |
devatīrthe naro nārī snātvā niyatamānasau || 16 ||
[Analyze grammar]

upoṣyaikādaśīṃ bhaktyā pūjayedyaḥ śriyaḥ patim |
rātrau jāgaraṇaṃ kṛtvā ghṛtenodbodhya dīpakam || 17 ||
[Analyze grammar]

dvādaśyāṃ prātarutthāya tathā vai narmadājale |
vipradāmpatyamabhyarcya vidhivatkurunandana || 18 ||
[Analyze grammar]

vastrābharaṇatāmbūlapuṣpadhūpavilepanaiḥ |
akṣaye viṣṇuloke'sau modate caritavrataḥ || 19 ||
[Analyze grammar]

yaḥ sadaikādaśītithau snātvopoṣyārcayeddharim |
rātrau jāgaraṇaṃ kuryādvedaśāstravidhānataḥ || 20 ||
[Analyze grammar]

dharmarājakṛtāṃ pāpāṃ na sa paśyati yātanām |
pañcarātravidhānena śrīpatiṃ yo'rcayiṣyati || 21 ||
[Analyze grammar]

dīkṣāmavāpya vidhivadvaiṣṇavīṃ pāpanāśinīm |
svargamokṣapradāṃ puṇyāṃ bhogadāṃ vittadāmatha || 22 ||
[Analyze grammar]

rājyadāṃ vā mahābhāga putradāṃ bhāgyadāmatha |
sukalatrapradāṃ vāpi viṣṇorbhaktipradāmiti || 23 ||
[Analyze grammar]

tariṣyati bhavāmbhodhiṃ sa naraḥ kurunandana |
yo'rcayiṣyati tatraiva devatīrthe śriyaḥ patim || 24 ||
[Analyze grammar]

viśvarūpamatho samyaṅmūlaśrīpatimeva vā |
nārāyaṇagiriṃ vāpi gṛhe vaikādaśītithau || 25 ||
[Analyze grammar]

bhaktimāñchraddhayā yuktaḥ kṣīraistīrthodakairapi |
susūkṣmairahatairvastrairmahākauśeyakairnṛpa || 26 ||
[Analyze grammar]

vicitrairnetrajairvāpi dhūpairagurucandanaiḥ |
guggulairghṛtamiśraiśca naivedyairvividhairapi || 27 ||
[Analyze grammar]

pāyasādyairmanuṣyendra payasā vā yudhiṣṭhira |
piṣṭadīpaiḥ suvimalairvardhamānairmanoharaiḥ || 28 ||
[Analyze grammar]

pūjayitvā naro yāti yathā tacchṛṇu bhārata |
śaṅkhī cakrī gadī padmī bhūtvāsau garuḍadhvajaḥ || 29 ||
[Analyze grammar]

devalokānatikramya viṣṇulokaṃ prapadyate |
yastu vai parayā bhaktyā śrīpateḥ pādapaṅkajam || 30 ||
[Analyze grammar]

caturdhādhiṣṭhitaṃ paśyecchriyaṃ trailokyamātaram |
nṛtyagītavinodena mucyate pātakardhruvam || 31 ||
[Analyze grammar]

nīrājane tu devasya prātarmadhye dine tathā |
sāyaṃ ca niyato nityaṃ yaḥ paśyetpūjayeddharim || 32 ||
[Analyze grammar]

sa tīrtvā hyāpadaṃ durgāṃ naivārtiṃ samavāpnuyāt |
āyuḥśrīvardhanaṃ puṃsāṃ cakṣuṣāmapi pūrakam || 33 ||
[Analyze grammar]

upapāpaharaṃ caiva sadā nīrājanaṃ hareḥ |
tadā nīrājanākāle yo hareḥ paṭhati stavam || 34 ||
[Analyze grammar]

sa dhanyo devadevasya prasannenāntarātmanā |
harernīrājanāśeṣaṃ pāṇibhyāṃ yaḥ prayacchati || 35 ||
[Analyze grammar]

saṃgṛhya cakṣuṣī tena yojayenmārjayanmukham |
timirādīnakṣirogānnāśayeddīptimanmukham || 36 ||
[Analyze grammar]

bhavatyaśeṣaduṣṭānāṃ nāśāyālaṃ narottama |
dīpaprajvalanaṃ yasya nityamagre śriyaḥ pateḥ || 37 ||
[Analyze grammar]

snātvā revājale puṇye pradadyādadhikaṃ vratī |
saptadvīpavatī tena sasāgaravanāpagā || 38 ||
[Analyze grammar]

pradakṣiṇīkṛtā syādvai dharaṇī śaṅkaro'bravīt |
idaṃ yaḥ paṭhyamānaṃ tu śṛṇuyātpaṭhate'pi vā || 39 ||
[Analyze grammar]

smaraṇaṃ so'tasamaye vipāpmā prāpnuyāddhareḥ |
idaṃ yaśasyamāyuṣyaṃ svargyaṃ pitṛguṇapriyam || 40 ||
[Analyze grammar]

māhātmyaṃ śrāvayedviprāñchrīpateḥ śrāddhakarmaṇi |
ghṛtena madhunā tena tarpitāḥ syuḥ pitāmahāḥ || 41 ||
[Analyze grammar]