Chapter 194

[English text for this chapter is available]

adhyāya || 194 ||
[Analyze grammar]

śrīmārkaṇḍeya uvāca |
tacchrutvānāntadevena viśvarūpamudāhṛtam |
devarājastathā devāḥ paraṃ vismayamāgatāḥ || 1 ||
[Analyze grammar]

dṛṣṭvā cāpsarasaṃ puṇyāmurvaśīṃ kamalānanām |
saṃtrasto vismitaścābhūdindro rājaśriyā vṛtaḥ || 2 ||
[Analyze grammar]

na kiṃciduttaraṃ vākyamuktavāñjoṣamāsthitaḥ |
iti vṛttāntabhūtaṃ hi nārāyaṇaviceṣṭitam || 3 ||
[Analyze grammar]

bhṛgoḥ khātyāṃ samutpannā lakṣmīḥ śrutvā tu vai nṛpa |
vaiśvarūpaṃ paraṃ rūpaṃ vismitācintayattadā || 4 ||
[Analyze grammar]

kenopāyena sa syānme bhartā nārāyaṇaḥ prabhuḥ |
vratena tapasā vāpi dānena niyamena ca || 5 ||
[Analyze grammar]

vṛddhānāṃ sevanenātha devatārādhanena vā |
iti cintāparāṃ kanyāṃ satī jñātvā yudhiṣṭhira || 6 ||
[Analyze grammar]

prāha prāpto mayā bhartā śaṅkarastapasā kila |
prajāpatiśca gāyatryā hyanyābhirabhivāñchitāḥ || 7 ||
[Analyze grammar]

tapasaiva hi te prāpyastasmāttaccara suvrate |
tapastvaṃ hi mahaccograṃ sarvavāñchitadāyakam || 8 ||
[Analyze grammar]

mārkaṇḍeya uvāca |
sāgarāntaṃ samāsādya lakṣmīḥ parapuraṃjaya |
cacāra vipulaṃ kālaṃ tapaḥ paramaduścaram || 9 ||
[Analyze grammar]

sthāṇuvatsaṃsthitā sābhūddivyaṃ varṣasahasrakam |
tata indrādayo devāḥ śaṅkhacakragadādharāḥ || 10 ||
[Analyze grammar]

bhūtvā jagmustadarthaṃ te sā tu pṛṣṭavatī surān |
viśvarūpaṃ vaiṣṇavaṃ yattaddarśayata māciram || 11 ||
[Analyze grammar]

vilakṣā vrīḍitā devā gatvā nārāyaṇaṃ tadā |
abruvan vaiśvarūpaṃ no śaktā darśayituṃ vayam || 12 ||
[Analyze grammar]

tato yatheṣṭaṃ te jagmuḥ sa ca viṣṇuracintayat |
ugrarūpā sthitā devī dehaṃ dahati bhārgavī || 13 ||
[Analyze grammar]

tāṃ tasmāttatra gatvāhaṃ varaṃ dattvā tu vāñchitam |
punastapaḥ kariṣyāmi darśayiṣyāmi vā punaḥ |
vaiṣṇavaṃ viśvarūpaṃ yaddurdaśyaṃ devadānavaiḥ || 14 ||
[Analyze grammar]

mārkaṇḍeya uvāca |
tato gatvā hṛṣīkeśaḥ sāgarāntasthitāṃ śriyam |
prāha tuṣṭo'smi te devi varaṃ vṛṇu yathepsitam || 15 ||
[Analyze grammar]

śrīruvāca |
yadi tuṣṭo'si me deva prapannāyā janārdana |
tadā darśaya yaddṛṣṭamapsarobhistavānagha || 16 ||
[Analyze grammar]

viśvarūpamanantaṃ ca bhūtabhāvana keśava |
gandhamādanamāsādya kṛtaṃ yacca tapastvayā || 17 ||
[Analyze grammar]

tadvadasva vibho viṣṇo na mithyā yadi keśava |
śraddadhāmi na caivāhaṃ rūpasyāsya kathaṃcana || 18 ||
[Analyze grammar]

bahubhiryakṣarakṣobhirmāyācāripracāribhiḥ |
chanditā mama jānadbhirbhāvamantargataṃ harau || 19 ||
[Analyze grammar]

bhūtvā viṣṇusvarūpāste cakriṇaśca caturbhujāḥ |
suvrīḍitā gatāḥ sarve viśvarūpo sahāyataḥ || 20 ||
[Analyze grammar]

mārkaṇḍeya uvāca |
nārāyaṇo'tha bhagavāñchaṅkhacakragadābhṛtam |
tayā tathoktastadrūpaṃ muktvā vai surapūjitam || 21 ||
[Analyze grammar]

rūpaṃ paraṃ yathoktaṃ vai viśvarūpamadarśayat |
darśayitvā vacaḥ prāha pañcarātravidhānataḥ || 22 ||
[Analyze grammar]

yo'rcayiṣyati māṃ nityaṃ sa pūjyaḥ sa ca pūjitaḥ |
dhanadhānyasamāyuktaḥ sarvabhogasamanvitaḥ || 23 ||
[Analyze grammar]

mūlaṃ hi sarvadharmāṇāṃ brahmacaryaṃ paraṃ tapaḥ |
tenāhaṃ tatra sthāsyāmi mūlaśrīpatisaṃjñitaḥ || 24 ||
[Analyze grammar]

mūlaśrīḥ procyate brāhmī brahmacaryasvarūpiṇī |
sarvayogamayī puṇyā sarvapāpaharī śubhā || 25 ||
[Analyze grammar]

patistasyāḥ prabhurahaṃ varadaḥ prāṇināṃ priye |
revājale naraḥ snātvā yo'rcayenmāṃ yatavrataḥ || 26 ||
[Analyze grammar]

mūlaśrīpatināmānaṃ vāñchite prāpnuyātphalam |
dānāni tatra yo dadyānmahādānāni ca priye || 27 ||
[Analyze grammar]

sahasraguṇitaṃ puṇyamanyasthānādavāpyate |
dṛṣṭaṃ tvayā tatra deśe samyakcaivāvadhāritam |
tadarcitvā parān kāmānāpsyasi tvaṃ na saṃśayaḥ || 28 ||
[Analyze grammar]

varaṃ vṛṇīṣva deveśi vāñchitaṃ durlabhaṃ suraiḥ |
durgasaṃsārakāntārapatitaiḥ parameśvari || 29 ||
[Analyze grammar]

śrīruvāca |
nārāyaṇa jagaddhātarnārāyaṇa jagatpate |
nārāyaṇa parabrahma nārāyaṇaparāyaṇa || 30 ||
[Analyze grammar]

prasīda pāhi māṃ bhaktyā samyaksarge niyojaya |
priyo hyasi priyāhaṃ te yathā syāṃ tattathā kuru || 31 ||
[Analyze grammar]

gṛhaṃ dharmārthakāmānāṃ kāraṇaṃ deva saṃmatam |
tadāsthāyāśramaṃ puṇyaṃ māṃ śreyasi niyojaya || 32 ||
[Analyze grammar]

nārāyaṇa uvāca |
nārāyaṇagirā devi vijñapto'smi yatastvayā |
nārāyaṇagirirnāma tena me'tra bhaviṣyati || 33 ||
[Analyze grammar]

nārāyaṇasmṛtau yāti duritaṃ janmakoṭijam |
yasmādgirati tasmācca girirityeva śabditam || 34 ||
[Analyze grammar]

tasmātsarvāśrayo devi giriḥ parvatarāṅbhavet |
surāsuramanuṣyāṇāṃ yathāhamapi cāśrayaḥ || 35 ||
[Analyze grammar]

ya etatpūjayiṣyanti maṇḍalasthaṃ paraṃ mama |
nārāyaṇagirirnāma devarūpaṃ śubhekṣaṇe || 36 ||
[Analyze grammar]

te divyajñānasampannā divyadehaviceṣṭitāḥ |
divyaṃ lokamavāpsyanti divyabhogasamanvitāḥ || 37 ||
[Analyze grammar]

mārkaṇḍeya uvāca |
tayorevaṃ saṃvadatordevā indrapurogamāḥ |
samāgatā vanoddeśaṃ sāgarānte maharṣayaḥ || 38 ||
[Analyze grammar]

tato bhṛguṃ devarājo nārāyaṇavicintitam |
vavre jñātvā tu tatkanyāṃ dharmātmā sa dadau ca tām || 39 ||
[Analyze grammar]

dharmo'pi vidhivadvatsa vivāhaṃ samakārayat |
devadevasya rājarṣe devatārthe samāhitaḥ || 40 ||
[Analyze grammar]

yudhiṣṭhira uvāca |
dharmo vivāhamakarodvidhivadyattvayoditam |
ko vidhistatra kā dattā dakṣiṇā bhṛguṇāpi ca || 41 ||
[Analyze grammar]

vivāhayajñe samabhūtsruksruvagrahaṇe ca kaḥ |
ṛtvijaḥ ke sadasyāśca tasyāsan dvijasattama || 42 ||
[Analyze grammar]

kiṃ tasyāvabhṛthaṃ tvāsīttatsarvaṃ vada vistarāt |
tvadvākyāmṛtapānena tṛptirmama na vidyate || 43 ||
[Analyze grammar]

mārkaṇḍeya uvāca |
nārāyaṇavivāhasya yajñasya ca yudhiṣṭhira |
tapasastasya devasya samyagācaraṇasya ca || 44 ||
[Analyze grammar]

vaktuṃ samartho na guṇānbrahmāpi parameśvaraḥ |
tathāpyuddeśato vacmi śṛṇu bhūtvā samāhitaḥ || 45 ||
[Analyze grammar]

brahmā saptarṣayastatra sruksruvagrahaṇe ratāḥ |
agnīñjuhuvire rājanvedirdhātrī sasāgarā || 46 ||
[Analyze grammar]

daduḥ samudrā ratnāni brahmarṣibhyo nṛpottama |
dhanado'pi dadau vittaṃ sarvabrāhmaṇavāñchitam || 47 ||
[Analyze grammar]

viśvakarmā'pi devānāṃ brahmarṣīṇāṃ paraṃtapa |
veśmāni suvicitrāṇi sarvaratnamayāni ca || 48 ||
[Analyze grammar]

kṛtvā pradarśayāmāsa devendrāya yaśasvine |
śatakratustato viprānkāpiṣṭhalapurogamān || 49 ||
[Analyze grammar]

śaunakādīṃśca papraccha baṣkalāñchāgalānapi |
ātreyānapi rājendra vṛṇudhvamabhivāñchitam || 50 ||
[Analyze grammar]

dṛṣṭvā te citraratnāni prāhuḥ sarveśvareśvaram |
devānāṃ ca ṛṣīṇāṃ ca saṅgamo'yaṃ supuṇyakṛt || 51 ||
[Analyze grammar]

asminpuṇye sureśāna vastuṃ vāñchāmahe sadā |
śatakratuḥ prāha punarvāso vātra bhaviṣyati |
satyadharmaratā yūyaṃ yāvatkālaṃ bhaviṣyatha || 52 ||
[Analyze grammar]

mārkaṇḍeya uvāca |
pṛṣṭaṃ yadrājaśārdūla ke makhe hotriṇo'bhavan |
tatprocyamānamadhunā śṛṇu bhūtvā samāhitaḥ || 53 ||
[Analyze grammar]

sanatkumārapramukhāḥ sadasyāstasya cābhavan |
audgātramatryaṅgirasau marīciśca cakāra ha || 54 ||
[Analyze grammar]

hautraṃ dharmavasiṣṭhau ca brahmatvaṃ sanako muniḥ |
ṣaṭtriṃśadgrāmasāhasraṃ prādāttebhyaḥ śatakratuḥ || 55 ||
[Analyze grammar]

lakṣmīrbhartrā ca saṃyuktābhavattatkṛtavānprabhuḥ |
brahmaṇo juhvato vahniṃ yāvaddeśasthitaiḥ suraiḥ || 56 ||
[Analyze grammar]

dṛṣṭaṃ lalāṭaṃ deśo'sau lalāṭa iti saṃjñitaḥ |
sa deśaḥ śrīpateḥ kṣetrapuṇyaṃ devarṣisevitam || 57 ||
[Analyze grammar]

sarvāścaryamayaṃ divyaṃ divyasiddhisamanvitam |
brāhmaṇānāṃ tataḥ paṅktiṃ niveśayitumudyatā || 58 ||
[Analyze grammar]

lakṣmīḥ śrīpatināmānamāha devaṃ vacastadā ||
śrīruvāca |
ya ete brāhmaṇāḥ śiṣyā bhṛgvādīnāṃ yatavratāḥ || 59 ||
[Analyze grammar]

tānniveśayitumicchāmi tvatprasādādadhokṣaja |
marīcyādayaḥ surendreṇa sthāpitā garuḍadhvaja || 60 ||
[Analyze grammar]

naiṣṭhikavratino viprā bahavo'tra yatavratāḥ |
prājāpatye vrate brāhme kecidatra vyavasthitāḥ |
tānahaṃ sthāpayiṣyāmi tvatprasādādadhokṣaja || 61 ||
[Analyze grammar]

mārkaṇḍeya uvāca |
tataḥ kautūhaladharo bhagavānvṛṣabhadhvajaḥ |
papraccha vratinaḥ sarvānvṛttibhede vyavasthitān || 62 ||
[Analyze grammar]

nārado'pi mahādevamupetya ca satīpatim |
prāha kṛṣṇājinadharo naiṣṭhikā brāhmaṇā hyamī || 63 ||
[Analyze grammar]

amī kāryāḥ suvastreṇa channaguhyā dvijottamāḥ |
prājāpatyāścaturviṃśasahasrāṇi nareśvara || 64 ||
[Analyze grammar]

brahmacaryavratasthānāṃ vratabrahmavicāriṇām |
dvādaśaiṣāṃ sahasrāṇi santi vai vṛṣabhadhvaja || 65 ||
[Analyze grammar]

nāradasya vacaḥ śrutvā devā devarṣayo'pi ca |
sādhu sādhvityamanyanta nocuḥ kecana kiṃcana || 66 ||
[Analyze grammar]

samāhvayattato lakṣmīstān viprān bhaktisaṃyutā |
uvāca caraṇāngṛhya prasādaḥ kriyatāṃ mayi || 67 ||
[Analyze grammar]

ṣaṭtriṃśacca sahasrāṇi veśmanāmatra saṃsthitiḥ |
viśvakarmakṛtānāṃ tu teṣu tiṣṭhantu vo'khilāḥ || 68 ||
[Analyze grammar]

te tatheti pratijñāya sthitāḥ saṃprītamānasāḥ |
dhanadhānyasamṛddhāśca vāñchitaprāptilakṣaṇāḥ |
sarvakāmasamṛddhāśca hyanārambheṣu karmaṇām || 69 ||
[Analyze grammar]

iti saṃsthāpya tān viprān sā sthitā paryapālayat |
caturdhā tu sthito viṣṇuḥ śriyā devyāḥ priye rataḥ || 70 ||
[Analyze grammar]

evaṃ vaivāhikamakhe nivṛtte ṛṣayastu tam |
ūcuścāvabhṛthasnānaṃ kutra kurmo janārdana || 71 ||
[Analyze grammar]

iti śrutvā tu vacanaṃ śrīpatiḥ pādapaṅkajāt |
mumoca jāhnavītoyaṃ revāmadhyagamaṃ śuci || 72 ||
[Analyze grammar]

hareḥ pādodakaṃ dṛṣṭvā niḥsṛtaṃ munayastu te |
vismitāḥ samapadyanta jānantastasya gauravam || 73 ||
[Analyze grammar]

rudreṇa sahitāḥ sarve devatā ṛṣayastathā |
saṃkathā vismitāścakrurvidhunvantaḥ śirāṃsi ca || 74 ||
[Analyze grammar]

ṛṣaya ūcuḥ |
brūhi śambho kimatrāyaṃ akasmādvārisambhavaḥ |
viṣṇoḥ pādāmbujotthaśca sammohakaraṇaḥ paraḥ || 75 ||
[Analyze grammar]

īśvara uvāca |
pādodakamidaṃ viṣṇorahaṃ jānāmi vai surāḥ |
daśāśvamedhāvabhṛthaiḥ snānamatrātiricyate || 76 ||
[Analyze grammar]

yuṣmābhiḥ śrīpatiḥ pūjyaḥ snānaṃ cāvabhṛthaṃ kutaḥ |
bhaviṣyatīti tenāśu idaṃ vo'rthe vinirmitam || 77 ||
[Analyze grammar]

snātvātra tridaśeśānā yatphalaṃ samprapadyate |
vaktuṃ na kenacidyāti tataḥ kimuttaraṃ vacaḥ || 78 ||
[Analyze grammar]

mārkaṇḍeya uvāca |
evamuktvā tu te sarve snānaṃ kṛtvā yathāgatam |
jagmurdevā maheśānapurogā bharatarṣabha || 79 ||
[Analyze grammar]

brāhmaṇāśca tataḥ sarve svaveśmānyeva bhejire |
devatīrthe mahārāja sarvapāpapraṇāśane || 80 ||
[Analyze grammar]