Chapter 126

[English text for this chapter is available]

| adhyāya || 126 ||
[Analyze grammar]

mārkaṇḍeya uvāca |
tato gacchettu rājendra paraṃ tīrthamayonijam |
snātamātro narastatra na paśyedyonisaṅkaṭam || 1 ||
[Analyze grammar]

tatra tīrthe naraḥ snātvā pūjayeddevamīśvaram |
ayonijo mahādeva yathā tvaṃ parameśvara || 2 ||
[Analyze grammar]

tathā mocaya māṃ deva sambhavādyonisaṅkaṭāt |
gandhapuṣpādidhūpaiśca sa mucyetsarvapātakaiḥ || 3 ||
[Analyze grammar]

tasya devasya yo bhaktyā kurute liṅgapūraṇam |
sa vaseddevadevasya yāvatsikthasya saṃkhyayā || 4 ||
[Analyze grammar]

ayonije mahādevaṃ snāpayedgandhavāriṇā |
madhukṣīreṇa dadhnā vā sa labhedvipulāṃ śriyam || 5 ||
[Analyze grammar]

aṣṭabhyāṃ ca site pakṣe asitāṃ vā caturdaśīm |
pūjayitvā mahādevaṃ prīṇayedgītavādyakaiḥ || 6 ||
[Analyze grammar]

vasetsa ca śive loke ye kurvanti manoharam |
te vasanti śive loke yāvadābhūtasamplavam || 7 ||
[Analyze grammar]

tasya devasya bhaktyā tu yaḥ karoti pradakṣiṇām |
vijñāpayaṃśca satataṃ mantreṇānena bhārata || 8 ||
[Analyze grammar]

tasya yatphalamuddiṣṭaṃ pāramparyeṇa mānavaiḥ |
sakāśāddevadevasya tacchṛṇuṣva samādhinā || 9 ||
[Analyze grammar]

ayonijo mahādeva yathā tvaṃ parameśvara |
tathā mocaya māṃ śarva sambhavādyonisaṅkaṭāt || 10 ||
[Analyze grammar]

kiṃ tasya bahubhirmantraiḥ kaṃṭhaśoṣaṇatatparaiḥ |
yenauṃnamaḥ śivāyeti proktaṃ devasya saṃnidhau || 11 ||
[Analyze grammar]

tenādhītaṃ śrutaṃ tena tena sarvamanuṣṭhitam |
yenauṃnamaḥ śivāyeti mantrābhyāsaḥ sthirīkṛtaḥ || 12 ||
[Analyze grammar]

na tatphalamavāpnoti sarvadeveṣu vai dvijaḥ |
yatphalaṃ samavāpnoti ṣaḍakṣara udīraṇāt || 13 ||
[Analyze grammar]

tatra tīrthe tu yaḥ snātvā pūjayecchivayoginam |
dvijānāmayutaṃ sāgraṃ sa labhetphalamuttamam || 14 ||
[Analyze grammar]

athavā bhaktiyuktastu teṣāṃ dānte jitendriye |
saṃskṛtya dadate bhikṣāṃ phalaṃ tasya tato'dhikam || 15 ||
[Analyze grammar]

yatihaste jalaṃ dadyādbhikṣāṃ dattvā punarjalam |
sā bhikṣā meruṇā tulyā tajjalaṃ sāgaropamam || 16 ||
[Analyze grammar]