Chapter 125

[English text for this chapter is available]

| adhyāya || 125 ||
[Analyze grammar]

śrīmārkaṇḍeya uvāca |
tato gacchenmahīpāla ravitīrthamanuttamam |
yatra devaḥ sahasrāṃśustapastaptvā divaṃ gataḥ || 1 ||
[Analyze grammar]

yudhiṣṭhira uvāca |
kathaṃ devo jagaddhātā sarvadevanamaskṛtaḥ |
tapastapati deveśastāpaso bhāskaro raviḥ || 2 ||
[Analyze grammar]

ārādhyaḥ sarvabhūtānāṃ sarvadevaiśca pūjitaḥ |
pratyakṣo dṛśyate loke sṛṣṭisaṃhārakārakaḥ || 3 ||
[Analyze grammar]

ādityatvaṃ kathaṃ prāptaḥ kathaṃ bhāskara ucyate |
sarvametatsamāsena kathayasva mamānagha || 4 ||
[Analyze grammar]

mārkaṇḍeya uvāca |
mahāpraśno mahārāja yastvayā paripṛcchitaḥ |
tatsarvaṃ sampravakṣyāmi namaskṛtya svayambhuvam || 5 ||
[Analyze grammar]

āsīdidaṃ tamobhūtamaprajñātamalakṣaṇam |
apratarkyamavijñeyaṃ prasuptamiva sarvataḥ || 6 ||
[Analyze grammar]

tatastejaśca divyaṃ ca taptapiṇḍamanuttamam |
ākāśāttu yathaivolkā sṛṣṭihetoradhomukhī || 7 ||
[Analyze grammar]

tattejaso'ntaḥ puruṣaḥ saṃjātaḥ sarvabhūṣitaḥ |
sa śivo'pāṇipādaśca yena sarvamidaṃ tatam || 8 ||
[Analyze grammar]

tasyotpannasya bhūtasya tejo rūpasya bhārata |
paścātprajāpatirbhūyaḥ kālaḥ kālāntareṇa vai || 9 ||
[Analyze grammar]

agnirjātaḥ sa bhūtānāṃ manuṣyāsurarakṣasām |
sarvadevādhidevaśca ādityastena cocyate || 10 ||
[Analyze grammar]

ādau tasya namaskāro'nyeṣāṃ ca tadanantaram |
kriyate daivataiḥ sarvaistena sarvairmaharṣibhiḥ || 11 ||
[Analyze grammar]

tisraḥ sandhyāstrayo devāḥ sāṃnidhyāḥ sūryamaṇḍale |
namaskṛtena sūryeṇa sarve devā namaskṛtāḥ || 12 ||
[Analyze grammar]

na divā na bhavedrātriḥ ṣaṇmāsā dakṣiṇāyanam |
ayanaṃ cottaraṃ cāpi bhāskareṇa vinā nṛpa || 13 ||
[Analyze grammar]

snānaṃ dānaṃ japo homaḥ svādhyāyo devatārcanam |
na vartate vinā sūryaṃ tena pūjyatamo raviḥ || 14 ||
[Analyze grammar]

śabdagāḥ śrutimukhyāśca brahmaviṣṇumaheśvarāḥ |
pratyakṣo bhagavāndevo dṛśyate lokapāvanaḥ || 15 ||
[Analyze grammar]

utpattiḥ pralayasthānaṃ nidhānaṃ bījamavyayam |
hetureko jagannātho nānyo vidyeta bhāskarāt || 16 ||
[Analyze grammar]

evamātmabhavaṃ kṛtvā jagatsthāvarajaṅgamam |
lokānāṃ tu hitārthāya sthāpayeddharmapaddhatim || 17 ||
[Analyze grammar]

narmadātaṭamāśritya sthāpayitvātmanastanum |
sahasrāṃśuṃ nidhiṃ dhāmnāṃ jagāmākāśamavyayam || 18 ||
[Analyze grammar]

tatra tīrthe tu yaḥ snātvā pūjayetparameśvaram |
sahasrakiraṇaṃ devaṃ nāmamantravidhānataḥ || 19 ||
[Analyze grammar]

tena taptaṃ hutaṃ tena tena sarvamanuṣṭhitam |
tena samyagvidhānena samprāptaṃ paramaṃ padam || 20 ||
[Analyze grammar]

te dhanyāste mahātmānasteṣāṃ janma sujīvitam |
snātvā ye narmadātoye devaṃ paśyanti bhāskaram || 21 ||
[Analyze grammar]

tathā devasya rājendra ye kurvanti pradakṣiṇam |
ananyabhaktyā satataṃ trirakṣarasamanvitāḥ || 22 ||
[Analyze grammar]

tena pūtaśarīrāste mantreṇa gatapātakāḥ |
yatpuṇyaṃ ca bhavetteṣāṃ tadihaikamanāḥ śṛṇu || 23 ||
[Analyze grammar]

sasamudraguhā tena saśailavanakānanā |
pradakṣiṇīkṛtā sarvā pṛthivī nātra saṃśayaḥ || 24 ||
[Analyze grammar]

mantramūlamidaṃ sarvaṃ trailokyaṃ sacarācaram |
tena mantravihīnaṃ tu kāryaṃ loke na sidhyati || 25 ||
[Analyze grammar]

yathā kāṣṭhamayo hastī yathā carmamayo mṛgaḥ |
kāryārthaṃ naiva sidhyeta tathā karma hyamantrakam || 26 ||
[Analyze grammar]

bhasmahutaṃ pārtha yathā toyavivarjitam |
niṣphalaṃ jāyate dānaṃ tathā mantravivarjitam || 27 ||
[Analyze grammar]

kāṣṭhapāṣāṇaloṣṭeṣu mṛnmayeṣu viśeṣataḥ |
mantreṇa loke pūjāṃ tu kurvanti na hyamantrataḥ || 28 ||
[Analyze grammar]

dvādaśābdānnamaskārādbhaktyā yallabhate phalam |
mantrayuktanamaskārātsakṛttallabhate phalam || 29 ||
[Analyze grammar]

saṃkrāntau ca vyatīpāte ayane viṣuve tathā |
narmadāyā jale snātvā yastu pūjayate ravim || 30 ||
[Analyze grammar]

dvādaśābdena yatpāpamajñānajñānasaṃcitam |
tatkṣaṇānnaśyate sarvaṃ vahninā tu tuṣaṃ yathā || 31 ||
[Analyze grammar]

candrasūryagrahe snātvā sopavāso jitendriyaḥ |
tatrādityamukhaṃ dṛṣṭvā mucyate sarvakilbiṣaiḥ || 32 ||
[Analyze grammar]

māghamāse tu samprāpte saptamyāṃ nṛpasattama |
sopavāso jitakrodha uṣitvā sūryamandire || 33 ||
[Analyze grammar]

prātaḥ snātvā vidhānena dadātyarghaṃ divākare |
vidhinā mantrayuktena sa labhetpuṇyamuttamam || 34 ||
[Analyze grammar]

pitṛdevamanuṣyāṇāṃ kṛtvā hyudakatarpaṇam |
mandire devadevasya tataḥ pūjāṃ samācaret || 35 ||
[Analyze grammar]

gandhaiḥ puṣpaistathā dhūpairdīpanaivedyaśobhanaiḥ |
pūjayitvā jagannāthaṃ tato mantramudīrayet || 36 ||
[Analyze grammar]

viṣṇuḥ śakro yamo dhātā mitro'tha varuṇastathā |
vivasvānsavitā pūṣā caṇḍāṃśurbharga eva ca || 37 ||
[Analyze grammar]

iti dvādaśanāmāni japankṛtvā pradakṣiṇām |
yatphalaṃ labhate pārtha tadihaikamanāḥ śṛṇu || 38 ||
[Analyze grammar]

daridro vyādhito mūko badhiro jaḍa eva ca |
na bhavetsapta janmāni ityevaṃ śaṅkaro'bravīt || 39 ||
[Analyze grammar]

evaṃ jñātvā vidhānena japanmantraṃ vicakṣaṇaḥ |
ārādhayedraviṃ bhaktyā ya icchetpuṇyamuttamam || 40 ||
[Analyze grammar]

mantrahīnāṃ tu yaḥ kuryādbhaktiṃ devasya bhārata |
sa viḍambati cātmānaṃ paśukīṭapataṅgavat || 41 ||
[Analyze grammar]

tatra tīrthe tu yaḥ kaścittyajate dehamuttamam |
sa gatastatra devaistu pūjyamāno maharṣibhiḥ || 42 ||
[Analyze grammar]

svecchayā suciraṃ kālamiha loke nṛpo bhavet || 43 ||
[Analyze grammar]

putrapautrasamāyukto hastyaśvarathasaṅkulaḥ |
dāsīdāsaśatopeto jāyate vipule kule || 44 ||
[Analyze grammar]