Chapter 62

[English text for this chapter is available]

| adhyāya || 62 ||
[Analyze grammar]

śrīmārkaṇḍeya uvāca |
tato gacchettu rājendra karoḍīśvaramuttamam |
yatra vai nihatāstāta dānavāḥ sapadānugāḥ || 1 ||
[Analyze grammar]

indrādidevaiḥ saṃhṛṣṭaiḥ satataṃ jayabuddhibhiḥ |
teṣāṃ ye putrapautrāśca pūrvavairamanusmaram || 2 ||
[Analyze grammar]

kruddhairdevasamūhaiśca dānavā nihatā raṇe |
teṣāṃ śirāṃsi saṃgṛhya sarve devāḥ savāsavāḥ || 3 ||
[Analyze grammar]

nikṣipya narmadātoye bandhubhāvamanusmaram |
tatra snātvā surāḥ sarve sthāpayitvā umāpatim || 4 ||
[Analyze grammar]

indreṇa sahitāḥ sarve'pūjayaṃllokasiddhaye |
hṛṣṭacittāḥ surāḥ sarve jagmurākāśamaṇḍalam || 5 ||
[Analyze grammar]

dānavānāṃ mahābhāga sūditā koṭiruttamā |
tadā prabhṛti tattīrthaṃ karoḍīti mahītale || 6 ||
[Analyze grammar]

vikhyātaṃ tu tadā loke pāpaghnaṃ pāṇḍunandana |
aṣṭamyāṃ ca caturdaśyāmubhau pakṣau ca bhaktitaḥ |
upoṣya śūlinaścāgre rātrau kurvīta jāgaram || 7 ||
[Analyze grammar]

satkathāpāṭhasaṃyukto vedādhyayanasaṃyutaḥ |
prabhāte vimale prāpte pūjayettridaśeśvaram || 8 ||
[Analyze grammar]

pañcāmṛtena saṃsnāpya śrīkhaṇḍena ca guṇṭhayet |
śastaiḥ pallavapuṣpaiśca pūjayettu prayatnataḥ || 9 ||
[Analyze grammar]

bahurūpaṃ japanmantraṃ dakṣiṇāśāṃ vyavasthitaḥ |
yathoktena vidhānena nābhimātre jale kṣipet || 10 ||
[Analyze grammar]

tilāñjaliṃ tu pretāya dakṣiṇāśāmupasthitaḥ |
śrāddhaṃ tatraiva viprāya kārayedvijitendriyaḥ || 11 ||
[Analyze grammar]

viṣamairagrajātaiśca vedābhyasanatatparaiḥ |
gohiraṇyena sampūjya tāmbūlairbhojanaistathā || 12 ||
[Analyze grammar]

bhūṣaṇaiḥ pādukābhiśca brāhmaṇānpāṇḍunandana |
bhavetkoṭiguṇaṃ tasya nātra kāryā vicāraṇā || 13 ||
[Analyze grammar]

tasmiṃstīrthe tu yaḥ kaścittyajeddehaṃ vidhānataḥ |
tasya bhavati yatpuṇyaṃ tacchṛṇuṣva narādhipa || 14 ||
[Analyze grammar]

yāvadasthīni tiṣṭhanti martyasya narmadājale |
tāvadvasati dharmātmā śivaloke sudurlabhe || 15 ||
[Analyze grammar]

tataḥ kālāccyutastasmādiha mānuṣatāṃ gataḥ |
koṭidhanapatiḥ śrīmāñjāyate rājapūjitaḥ || 16 ||
[Analyze grammar]

sarvadharmasamāyukto medhāvī bījaputrakaḥ |
vikhyāto vasudhāpṛṣṭhe dīrghāyurmānavo bhavet || 17 ||
[Analyze grammar]

punaḥ smarati tattīrthaṃ tatra gatvā nṛpottama |
karoḍeśvaramabhyarcya prāpnoti paramāṃ gatim || 18 ||
[Analyze grammar]

indracandrayamairrudrairādityairvasubhistathā |
viśvedevaistathā sarvaiḥ sthāpitastridaśeśvaraḥ || 19 ||
[Analyze grammar]

revāyā uttare kūle lokānāṃ hitakāmyayā |
mānavo bhaktisaṃyuktaḥ prāsādaṃ kārayettu yaḥ || 20 ||
[Analyze grammar]

tasmiṃstīrthe naraśreṣṭha sadgatiṃ samavāpnuyāt |
nyāyopāttadhanenaiva dārupāṣāṇakeṣṭakaiḥ || 21 ||
[Analyze grammar]

brāhmaṇaḥ kṣatriyairvaiśyaiḥ śūdraiḥ strībhiśca śaktitaḥ |
te'pi yānti narā loke śāṃkare surapūjite || 22 ||
[Analyze grammar]

yaḥ śṛṇoti sadā bhaktyā māhātmyaṃ tīrthajaṃ nṛpa |
tasya pāpaṃ praṇaśyeta ṣaṇmāsābhyantaraṃ ca yat || 23 ||
[Analyze grammar]