Chapter 37

[English text for this chapter is available]

|  adhyāya || 37 ||
[Analyze grammar]

śrīmārkaṇḍeya uvāca |
tato gaccheta rājendra devatīrthamanuttamam |
yena devāstrayastriṃśatsnātvā siddhiṃ parāṃ gatāḥ || 1 ||
[Analyze grammar]

yudhiṣṭhira uvāca |
kathaṃ tāta surāḥ sarve dānavairbalavattaraiḥ |
nirjitāstatra tīrthe ca snātvā siddhiṃ parāṃ gatāḥ || 2 ||
[Analyze grammar]

mārkaṇḍeya uvāca |
purā daityagaṇairugrairyuddhe'tibalavattaraiḥ |
indro devagaṇaiḥ sārddhaṃ svarājyāccyāvito nṛpa || 3 ||
[Analyze grammar]

hastyaśvarathayānaughairmardayitvā varūthinīm |
vidhvastā bhejire mārgaṃ prahārairjarjarīkṛtāḥ || 4 ||
[Analyze grammar]

jambhaśumbhaiśca kūṣmāṇḍakuhakādibhiḥ |
vepamānārditāḥ sarve brahmāṇamupatasthire || 5 ||
[Analyze grammar]

praṇamya śirasā devaṃ brahmāṇaṃ parameṣṭhinam |
tadā vijñāpayāmāsurdevā vahnipurogamāḥ || 6 ||
[Analyze grammar]

paśya paśya mahābhāga dānavaiḥ śakalīkṛtāḥ |
viyojitāḥ putradāraistvāmeva śaraṇaṃ gatāḥ || 7 ||
[Analyze grammar]

paritrāyasva deveśa sarvalokapitāmaha |
nānyā gatiḥ sureśāna tvāṃ muktvā parameśvara || 8 ||
[Analyze grammar]

brahmovāca |
dānavānāṃ vighātārthaṃ narmadātaṭamāsthitāḥ |
tapaḥ kurudhvaṃ svasthāḥ stha tapo hi paramaṃ balam || 9 ||
[Analyze grammar]

nānyopāyo na vai mantro vidyate na ca me kriyā |
vinā revājalaṃ puṇyaṃ sarvapāpakṣayaṃkaram || 10 ||
[Analyze grammar]

dāridryavyādhimaraṇabandhanavyasanāni ca |
etāni caiva pāpasya phalānīti matirmama || 11 ||
[Analyze grammar]

evaṃ jñātvā tataścaiva tapaḥ kuruta duṣkaram |
tathā caiva surāḥ sarve devā hyagnipurogamāḥ || 12 ||
[Analyze grammar]

tacchrutvā vacanaṃ tathyaṃ brahmaṇaḥ parameṣṭhinaḥ |
narmadāmāgatāḥ sarve devā hyagnipurogamāḥ || 13 ||
[Analyze grammar]

cerurvai tatra vipulaṃ tapaḥ siddhimavāpnuvan |
tadāprabhṛti tattīrthaṃ devatīrthamanuttamam || 14 ||
[Analyze grammar]

gīyate triṣu lokeṣu sarvapāpakṣayaṃkaram |
tatra gatvā ca yo martyo vidhinā saṃyatendriyaḥ || 15 ||
[Analyze grammar]

snānaṃ samācaredbhaktyā sa labhenmauktikaṃ phalam |
yastu bhojayate viprāṃstasmiṃstīrthe narādhipa || 16 ||
[Analyze grammar]

sa labhenmukhyaviprāṇāṃ phalaṃ sāhasrikaṃ nṛpa |
tatra devaśilā ramyā mahāpuṇyavivardhinī || 17 ||
[Analyze grammar]

saṃnyāsena mṛtā ye tu teṣāṃ syādakṣayā gatiḥ |
agnipraveśaṃ yaḥ kuryāttasmiṃstīrthe narādhipa || 18 ||
[Analyze grammar]

rudraloke vasettāvadyāvadābhūtasaṃplavam |
evaṃ snānaṃ japo homaḥ svādhyāyo devatārcanam || 19 ||
[Analyze grammar]

sukṛtaṃ duṣkṛtaṃ vā'pi tatra tīrthe'kṣayaṃ bhavet |
eṣa te vidhiruddiṣṭa utpattiścaiva bhārata || 20 ||
[Analyze grammar]

devatīrthasya nikhilā yathā vai śaṅkarācchrutā |
paṭhanti ye pāpaharaṃ sarvaduḥkhavimocanam || 21 ||
[Analyze grammar]

devatīrthasya caritaṃ devalokaṃ vrajanti te || 22 ||
[Analyze grammar]