Chapter 32

[English text for this chapter is available]

| adhyāya || 32 ||
[Analyze grammar]

śrīmārkaṇḍeya uvāca |
pattreśvaraṃ tato gacchetsarvapāpapraṇāśanam |
yatra siddho mahābhāgaścitrasenasuto balī || 1 ||
[Analyze grammar]

yudhiṣṭhira uvāca |
ko'sau siddhastadā brahmaṃstasmiṃstīrthe mahātapāḥ |
putraḥ kasya tu ko heturetadicchāmi veditum || 2 ||
[Analyze grammar]

śrīmārkaṇḍeya uvāca |
citronāma mahātejā indrasya dayitaḥ purā |
tasya putro nṛpaśreṣṭha pattreśvara iti śrutaḥ || 3 ||
[Analyze grammar]

rūpavān subhagaścaiva sarvaśatrubhayaṃkaraḥ |
indrasya dayito'tyarthaṃ jaya ityeva cāparaḥ || 4 ||
[Analyze grammar]

sa kadācitsabhāmadhye sarvadevasamāgame |
menakānṛtyagītena mohitaḥ suciraṃ kila || 5 ||
[Analyze grammar]

tiṣṭhate gatamaryādo gataprāṇa iva kṣaṇāt |
tāvatsurapatirdevaḥ śaśāpāthājitendriyam || 6 ||
[Analyze grammar]

yasmāttvaṃ svargasaṃstho'pi martyadharmamupeyivān |
tasmānmartye ciraṃ kālaṃ kṣapayiṣyasyasaṃśayam || 7 ||
[Analyze grammar]

evamuktaḥ surendreṇa citrasenasuto yuvā |
vepamānaḥ suraśreṣṭhaḥ kṛtāñjaliruvāca ha || 8 ||
[Analyze grammar]

pattreśvara uvāca |
mayā pāpena mūḍhena ajitendriyacetasā |
prāptaṃ vai yatphalaṃ tasya prasādaṃ kartumarhasi || 9 ||
[Analyze grammar]

śakra uvāca |
narmadātaṭamāśritya dvādaśābdaṃ jitendriyaḥ |
ārādhaya śivaṃ śāntaṃ punaḥ prāpsyasi sadgatim || 10 ||
[Analyze grammar]

satyaśaucaratānāṃ ca dharmiṣṭhānāṃ jitātmanām |
loko'yaṃ pāpināṃ naiva iti śāstrasya niścayaḥ || 11 ||
[Analyze grammar]

evamukte mahārāja sahasrākṣeṇa dhīmatā |
gandharvatanayo dhīmānpraṇamyāgāttu bhūtalam || 12 ||
[Analyze grammar]

revāyā vimale toye brahmāvartasamīpataḥ |
snātvā japtvā vidhānena arcayitvā ca śaṅkaram || 13 ||
[Analyze grammar]

vāyvambupiṇyākaphalaiśca puṣpaiḥ parṇaiśca mūlāśanayāvakena |
tatāpa pañcāgnitapobhirugraistataśca toṣaṃ samagātsa devaḥ || 14 ||
[Analyze grammar]

pinākapāṇiṃ varadaṃ triśūlinamumāpatiṃ hyandhakanāśanaṃ ca |
candrārdhamauliṃ gajakṛttivāsasaṃ dṛṣṭvā papātāgragataṃ samīkṣya || 15 ||
[Analyze grammar]

īśvara uvāca |
varaṃ vṛṇīṣva bhadraṃ te varado'haṃ tavānagha |
yamicchasi dadāmyadya nātra kāryā vicāraṇā || 16 ||
[Analyze grammar]

pattreśvara uvāca |
yadi tuṣṭo'si deveśa yadi deyo varo mama |
atra tvaṃ satataṃ tīrthe mama nāmnā bhava prabho || 17 ||
[Analyze grammar]

etacchrutvā mahādevo harṣagadgadayā girā |
tathetyuktvā yayau hṛṣṭa umayā saha śaṅkaraḥ || 18 ||
[Analyze grammar]

so'pi tattīrthamāplutya gate deve divaṃ prati |
snātvā jāpyavidhānena tarpayitvā pitṝn punaḥ || 19 ||
[Analyze grammar]

sthāpayāmāsa deveśaṃ tasmiṃstīrthe vidhānataḥ |
pattreśvaraṃ tu vikhyātaṃ triṣu lokeṣu bhārata || 20 ||
[Analyze grammar]

indralokaṃ gataḥ śāpānmuktaḥ so'pi nareśvara |
hṛṣṭaḥ pramudito ramyaṃ jayaśabdādimaṅgalaiḥ || 21 ||
[Analyze grammar]

eṣa te kathitaḥ praśnaḥ pṛṣṭo yo vai yudhiṣṭhira |
tatra snānena caikena sarvapāpaiḥ pramucyate || 22 ||
[Analyze grammar]

yastvarcayenmahādevaṃ tasmiṃstīrthe yudhiṣṭhira |
snātvābhyarcya pitḥn devān so'śvamedhaphalaṃ labhet || 23 ||
[Analyze grammar]

mṛto varṣaśataṃ sāgraṃ krīḍitvā ca śive pure |
rājā vā rājatulyo vā paścānmartyeṣu jāyate || 24 ||
[Analyze grammar]

vedavedāṅgatattvajño jīvecca śaradaḥ śatam |
vyādhiśokavinirmuktaḥ punaḥ smarati tajjalam || 25 ||
[Analyze grammar]