Chapter 44

[English text for this chapter is available]

īśvara uvāca |
catvāriṃśattamaṃ viddhi caturbhiradhikaṃ param |
yasya darśanamātreṇa samīhitaphalaṃ labhet |
uttareśamiti khyātaṃ samīhi taphalapradam || 1 ||
[Analyze grammar]

purā niyuktāḥ śakreṇa ye meghā vṛṣṭikārakāḥ |
taiḥ plāvitaṃ jagatsarvaṃ saparvatamahītalam || 2 ||
[Analyze grammar]

ekārṇave tato jāte devā bhītā varānane |
niḥsvādhyāyavaṣaṭkārāḥ svadhāsvāhāvivarjitāḥ || 3 ||
[Analyze grammar]

naivāpyāyanamasmākaṃ vinā homena jāyate |
vayamāpyāyitā viprairyajñabhāgairyathocitaiḥ || 4 ||
[Analyze grammar]

teṣāṃ vayaṃ prayacchāmaḥ kāmānyajñādipūjitāḥ |
nāsti tatsarvamevaitadanyonyamavadansurāḥ || 5 ||
[Analyze grammar]

dṛṣṭvā pṛṣvīṃ jale magnāṃ brahmāṇaṃ śaraṇaṃ gatāḥ |
kathayāmāsuratyugraṃ namaskṛtya pitāmaham || 6 ||
[Analyze grammar]

ekārṇavā mahī jātā vinaṣṭāḥ kratavaḥ prabho |
niḥsvādhyāyavaṣaṭkāraṃ jagajjātaṃ pitāmaha || 7 ||
[Analyze grammar]

devānāṃ vacanaṃ śrutvā brahmā lokapitāmahaḥ |
muhūrtta ciṃtayāmāsa kimetaditi vismitaḥ || 8 ||
[Analyze grammar]

akāle pralayaḥ kasmānnimagnā pṛthivī jale |
gatā sṛṣṭirmadīyā tu vyarthaṃ jātaṃ vaco mama || 9 ||
[Analyze grammar]

iti saṃciṃtya hṛdaye sasmāra balasūdanam |
smṛtamātrastu balahā hyājagāma pitāmaham || 10 ||
[Analyze grammar]

provāca vacanaṃ śrutvā nama skṛtya pitāmaham |
smṛto'haṃ kena kāryeṇa dehyājñāṃ me pitāmaha || 11 ||
[Analyze grammar]

brahmaṇoktastadā śakraḥ kimarthaṃ plāvitā mahī |
asaṃbaddhaistvadīyaiśca meghaiḥ kiṃ sahasā kṛtam || 12 ||
[Analyze grammar]

tataḥ sarve samāhūtā meghāḥ śakreṇa pārvati |
pitāmahasamakṣaṃ tu samāyātāśca tatkṣaṇāt || 13 ||
[Analyze grammar]

pitāmahena śakreṇa maryādā ca kṛtā tadā |
gajonāma mahāmeghaḥ pūrvasyāṃ diśi nirmitaḥ || 14 ||
[Analyze grammar]

gajākāraistato meghaiḥ sahasrairdaśabhirvṛtaḥ |
gavayo dakṣiṇāmāśāṃ ṣaṭ sahasrādhipaḥ kṛtaḥ || 15 ||
[Analyze grammar]

śarabhaḥ paścimāmāśāṃ sahasrādhipatiḥ kṛtaḥ |
uttaronāma yo megho meghaiḥ koṭibhirāvṛtaḥ || 16 ||
[Analyze grammar]

uttarasyāṃ diśi tadā prabhutve saṃpratiṣṭhitaḥ |
maryādā ca kṛtā devi brahmaṇā vāsavena tu || 17 ||
[Analyze grammar]

prāvṛṭkāle ca varṣadhvaṃ nakṣatrairjalajaidrutam |
ārdrādisvātiparyaṃtaṃ nakṣatrada śakaṃ smṛtam || 18 ||
[Analyze grammar]

brahmaśakravacaḥ śrutvā tatheti kṛtaniścayāḥ |
vavṛṣurniyate kāle tannāmāni bhavaṃti hi || 19 ||
[Analyze grammar]

evaṃ vyavasthite loke maryādāyāṃ sthitā ghanāḥ |
brāhmaṇā vijvarā jātāstridaśā muditā bhṛśam || 20 ||
[Analyze grammar]

krūragrahairatho ruddhāste meghā vṛṣṭikārakāḥ |
śanaiścareṇa bhaumena bhāskareṇātha ketunā || 21 ||
[Analyze grammar]

pīḍitāḥ śaraṇaṃ jagmurvāsavaṃ bhayavihvalāḥ |
niveditaṃ bhayātsarvaṃ namaskṛtya punaḥpunaḥ || 22 ||
[Analyze grammar]

meghānāṃ vacanaṃ śrutvā saṃtra sto vāsavastadā |
uvāca vacanaṃ teṣāṃ nāhaṃ śakto nivāraṇe |
grahāṇāmasamartho'haṃ sarvadaiva payodharāḥ || 23 ||
[Analyze grammar]

ahaṃ rājyātparibhraṣṭaḥ kṛtaḥ krūragrahaiḥ purā |
sthāpito'haṃ kadācicca suprasannairgrahaiḥ pade || 24 ||
[Analyze grammar]

mama mānyāśca pūjyāśca grahā eva yatodhikāḥ |
grahāḥ srarvaharāḥ proktā iti me varttate matiḥ || 25 ||
[Analyze grammar]

etasminnaṃtare bhūmau saṃjātā śatavārṣikī |
anāvṛṣṭirmahāraudrā sarvaprāṇivināśinī || 26 ||
[Analyze grammar]

asthikaṃkālaśakalā śvetaparvatasannibhā |
pṛthivī tatkṣaṇājjātā vinā toyena pārvati || 27 ||
[Analyze grammar]

devāḥ sarve punarbhītā brahmāṇaṃ śaraṇaṃ gatāḥ |
ūcuśca praṇatāḥ sarve trāhi naḥ śaraṇāgatān || 28 ||
[Analyze grammar]

anāvṛṣṭyā jagatsarvaṃ pīḍitaṃ ca pitāmaha |
akāle pralayo jātaḥ punareva ca tādṛśaḥ || 29 ||
[Analyze grammar]

tvayā ca vāsavenaiva niyuktā ye payodharāḥ |
kūragrahairatīvograiḥ pīḍitāste pitāmaha || 30 ||
[Analyze grammar]

devānāṃ vacanaṃ śrutvā brahmā lokapitāmahaḥ |
ahaṃ bibhemi bho devā grahaistairbalavattaraiḥ || 31 ||
[Analyze grammar]

sarvaṃ jānāmi māhātmyaṃ grahāṇāṃ krūracetasām |
śanaiścareṇa vakreṇa bhavaṃtaḥ pīḍitāḥ sadā || 32 ||
[Analyze grammar]

varuṇo yādasāṃ nātho maṃgalena prapīḍitaḥ |
rājyabhraṣṭastu bahudhā ketunā vāsavaḥ kṛtaḥ || 33 ||
[Analyze grammar]

śiraśchedo mayā prāpto vakreṇa raviṇā purā |
ekaikaśaḥ samarthāste kiṃ punaḥ saṃghaśastvamī |
tasmātsarve mahādevaṃ gacchāmaḥ śaraṇaṃ vayam || 34 ||
[Analyze grammar]

brahmaṇo vacanaṃ śrutvā sarve devāḥ savāsavāḥ |
brahmāṇaṃ ca puraskṛtya māmava śaraṇaṃ gatāḥ || 35 ||
[Analyze grammar]

ukto'haṃ tridaśaiḥ sarvaiḥ pāhi naḥ śaraṇāgatān |
tvaṃ no dhātā vidhātā ca sṛṣṭisaṃhārakārakaḥ || 36 ||
[Analyze grammar]

krūragrahairmahādeva ruddhā meghāḥ samaṃtataḥ |
na kurvaṃti prabho vṛṣṭimanāvṛṣṭiḥ sudāruṇā |
sarvaprāṇivināśāya saṃjātā śatavārṣikī |
teṣāṃ tadvacanaṃ śrutvā mayā jñātaṃ varānane |
krūragrahāṇāṃ sāmarthyaṃ yathā ca viditaṃ mama || 38 ||
[Analyze grammar]

iti jñātvā mahādevi upāyaściṃtito mayā |
uttaro nāma yo megho meghaiḥ koṭibhirāvṛtaḥ |
āhūtastatkṣaṇātprāptaḥ kiṃ karomītyuvāca ha || 39 ||
[Analyze grammar]

mayā prokto mamādeśādgaccha tvaṃ ghanasaṃyutaḥ |
mahākālavanaṃ ramyaṃ vāṃchitārthaphalapradam || 40 ||
[Analyze grammar]

gaṃgeśvarasya devasya dakṣiṇe liṃgamuttamam |
tamārādhaya yatnena sa te dāsyati vāṃchitam || 41 ||
[Analyze grammar]

evamukto mayā megha uttaro meghasaṃyutaḥ |
jagāma tvarayā yukto mahākālavanottame || 42 ||
[Analyze grammar]

dṛṣṭvā vṛṣṭikaraṃ liṃgaṃ pūjayāmāsa bhaktitaḥ |
śiprājalaṃ gṛhītvā tu snātvā snātvā prayatnataḥ |
tāvadyāvajjalaṃ śiprāṃ punarevāgataṃ priye || 43 ||
[Analyze grammar]

etasminnaṃtare tasmādudbhūtaṃ dhūmamaṃḍalam |
liṃgamadhyādvarārohe jvālāmālākulaṃ mahat || 44 ||
[Analyze grammar]

tato jvālāmayaṃ sarva mabhūdambaragocaram |
tasya jvālāsamūhena dagdhaṃ vai grahamaṃḍalam || 45 ||
[Analyze grammar]

sanakṣatrapathaṃ yāvattato bhītā grahāḥ priye |
tameva śaraṇaṃ prāptā dhūmajvālākulānanāḥ || 46 ||
[Analyze grammar]

tato brahmā ca viṣṇuśca taddṛṣṭvā mahadadbhutam |
devairvṛtaḥ sahasrākṣo liṃgāṃtikamupāgataḥ || 47 ||
[Analyze grammar]

talliṃgaṃ sumahājvālaṃ jvālābhiḥ pūritāṃbaram |
duḥprekṣyaṃ durvidaṃ bhīmaṃ varddhamānaṃ dadarśa saḥ || 48 ||
[Analyze grammar]

akṣṇornimeṣamātreṇa vavṛdhe yojanāyutam |
dṛṣṭvā tu varddhamānasya liṃgasyātya dbhutākṛtim |
sureśo mohamāpanno visaṃjñāśca grahāstadā || 49 ||
[Analyze grammar]

tatastu tasya liṃgasya vāridhārā viniḥsṛtāḥ |
ekoddeśādvarārohe dharā tvekārṇa vīkṛtā || 50 ||
[Analyze grammar]

liṃgasyānyapradeśāttu vāyuḥ samabhavanmahān |
itarasminpradeśe tu samūhastaḍitāmabhūt || 51 ||
[Analyze grammar]

sadhūmā samabhūjjvālā liṃgasyānya pradeśataḥ || 52 ||
[Analyze grammar]

evamatyadbhutaṃ dṛṣṭvā varddhamānaṃ samaṃtataḥ |
liṅgamavyaktamudbhūtamāpūritanabho'ntaram || 53 ||
[Analyze grammar]

grahāśca vihvalā jātā dhūmenākulite ndriyāḥ |
tuṣṭuvuśca tadā ligaṃ dahyamānāḥ samaṃtataḥ || 54 ||
[Analyze grammar]

grahā ūcuḥ |
namaḥ surūpāya surārcitāya namo virūpaprakṛtikriyāya |
namonamo rūpanirāśrayāya jalasvarūpāya namo namaste || 55 ||
[Analyze grammar]

iti stuto yadā devi grahaiḥ krūraistadā priye |
liṃgātprādurabhūtkhasthaḥ svarūpo vigrahākṛtiḥ || 56 ||
[Analyze grammar]

bhasmadhūsarasarvāṃgo bhogibhogāṃgadojjvalaḥ |
himarāśinibhākāro rajatācalanirmalaḥ |
uvāca caitānpraṇatāngrahānkaṃpitaka ndharāna || 57 ||
[Analyze grammar]

kiṃ vā kāmaṃ mano'bhīṣṭaṃ bhavadbhyo yaddadāmyaham |
mamāmoghamidaṃ sarvaṃ darśanaṃ cātidurlabham || 58 ||
[Analyze grammar]

bhavadbhyo lokatuṣṭyarthaṃ darśanaṃ hi dadāmyaham |
evamuktvā grahāḥ sarve procuḥ prāṃjalayastadā || 59 ||
[Analyze grammar]

yadi deyo varo deva yadi tuṣṭo'si śaṃkara |
karmāraṃbheṣu sarveṣu pūjā' smākaṃ yathā bhavet |
tathā kuru mahādeva tena tṛptirbhaviṣyati || 60 ||
[Analyze grammar]

evaṃ bhaviṣyatītyuktvā meghaṃ cottaramuktavān |
tuṣṭo'smyahaṃ tu te vatsa gṛhāṇa varamīpsitam || 61 ||
[Analyze grammar]

tacchrutvā vacanaṃ tatra hyuttaraḥ prāha harṣitaḥ |
yanme tuṣṭo'si bhagavaṃstanmahyaṃ dīyatāṃ varam || 62 ||
[Analyze grammar]

yadāsmākaṃ mahābādhāṃ kadā kopi kariṣyati |
tadā vṛṣṭirvidhātabyā tvayā deva sadā bhuvi || 63 ||
[Analyze grammar]

rakṣā kāryā ca meghānāṃ rakṣaṇīyāstvayā vayam |
evamastviti tenoktaṃ liṃgena nagagātraje || 64 ||
[Analyze grammar]

adyaprabhṛti te nāmnā khyātiṃ yāsyāmi bhūtale |
uttareśvarasaṃjño'haṃ prabhaviṣyāmi na saṃśayaḥ || 65 ||
[Analyze grammar]

ye māṃ saṃpūjayiṣyaṃti bhaktyā paramayā yutāḥ |
teṣāṃ dāsyāmi satataṃ vāṃchitārthaphalaṃ bhuvi || 66 ||
[Analyze grammar]

paśyaṃti prayatā ye māṃ kṛtvā niyamapūrvakam |
te yāsyaṃti puraṃ śaivaṃ yāvatkalpāṣṭakāyutam || 67 ||
[Analyze grammar]

ārūḍhāḥ sūryasaṃkāśairvimānaiḥ sārvakāmikaiḥ |
rudrakanyāsamākīrṇairhaṃsasārasasaṃyutaiḥ || 68 ||
[Analyze grammar]

nṛtya vāditranirghuṣṭairutkaṭadhvanināditaiḥ |
dodhūyamānaiśca naraiḥ stūyamānāḥ surāsuraiḥ || 69 ||
[Analyze grammar]

prasaṃgādbhaktihīno'pi yo māṃ paśyatyaśāṭhyataḥ |
aiśvaryaṃ tasya dāsyāmi hyuttareṣu kuruṣvatha || 70 ||
[Analyze grammar]

smariṣyati ca yo nityaṃ prabhāte cottareśvaram |
sa yāti paramaṃ sthānaṃ dāhapralayavarjitam || 71 ||
[Analyze grammar]

eṣa te kathito devi prabhāvaḥ pāpanāśanaḥ |
uttareśvaradevasya śṛṇu trilocaneśvaram || 72 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe caturaśītiliṅgamāhātmya uttareśvaramāhātmyavarṇanaṃnāma catuścatvāriṃśo'dhyāyaḥ || 44 ||
[Analyze grammar]