Chapter 66

[English text for this chapter is available]

| sanatkumāra uvāca |
bhūyaḥ śṛṇu paraṃ vyāsa tīrthānāmuttamaṃ varam || |
tattīrthaṃ sarvapāpaghnaṃ nṛsiṃhasya mahātmanaḥ || 1 ||
[Analyze grammar]

yasya darśanamātreṇa sarvapāpaṃ samuttaret |
daityarājaḥ samākhyāto hiraṇyakaśipuḥ purā || 2 ||
[Analyze grammar]

teneyaṃ vasudhā sarvā saṃprāptā ca durātmanā |
duṣṭadaityabalairvyāptā bhārākrāṃtā śucārditā || 3 ||
[Analyze grammar]

gaurbhūtvā'śrumukhī devairbrahmāṇaṃ śaraṇaṃ yayau |
bhārākrāṃtāṃ dharāṃ dṛṣṭvā brahmā lokapitāmahaḥ || 4 ||
[Analyze grammar]

uvāca ślakṣṇayā vācā tasyāḥ śramaṃ vyapohitum |
śrūyatāṃ bho'vane puṇye bhavatyā upakārakam || 5 ||
[Analyze grammar]

vaco vadāmi te tathyaṃ deśakālocitaṃ tathā |
purā'nena tapaścīrṇaṃ duṣkaraṃ sarvadehinām || 6 ||
[Analyze grammar]

gāyatryupāsanā tena kṛtā suniyatātmanā |
mayā cāsya varo dattaḥ prītiyuktena cetasā || 7 ||
[Analyze grammar]

na divā na tathā rātrau nāṃtarikṣe na bhūtale |
nātiśuṣkeṇa cārdreṇa na cāstraśastraghātanaiḥ || 8 ||
[Analyze grammar]

na devāsura gaṃdharvairna yakṣoragakinnaraiḥ |
piśācairguhyakādyaiśca rākṣasairna kadācana || 9 ||
[Analyze grammar]

mānavaiḥ pakṣijātaiśca na me mṛtyurbhavediti |
ekakaratalāghātaiḥ sakulabalavāhanam || 10 ||
[Analyze grammar]

mārayiṣyati māṃ vīraḥ sa me mṛtyurbhaviṣyati |
tathetyuktvā'tihṛṣṭātmā tamahaṃ ca tadā'vane || 11 ||
[Analyze grammar]

āgamaṃ caiva lokaṃ svaṃ sa daityo ghoraśāsanaḥ |
babhūva sarvalokānāṃ śāstā cātulavikramaḥ || 12 ||
[Analyze grammar]

tasyaivā'dhikṛtā loke babhūvurvigatajvarāḥ |
trailokyaṃ bubhuje nityaṃ sarvadaityajaneśvaraḥ || 13 ||
[Analyze grammar]

tasmādyūyaṃ vanaṃ yāta mahākālaṃ maheśituḥ |
tatra tīrthaṃ mahaccāsītsarvatīrthavarotamam || 14 ||
[Analyze grammar]

saṃgameśvarasya dakṣiṇe karkarājottare tathā |
śiprātīre śubhe deśe pūrvaṃ vaikuṇṭhasannibham || 15 ||
[Analyze grammar]

nṛsiṃhākhyaṃ paraṃ dhāma tasya tīrthaṃ pratiṣṭhitam |
tatra gatvā suraśreṣṭhāḥ snānadānā dikāḥ kriyāḥ || 16 ||
[Analyze grammar]

kuruta satvaraṃ sarve punarlokānavāpsyatha |
te tasya vacanaṃ śrutvā devā indrapurogamāḥ || 17 ||
[Analyze grammar]

mahākālavanaṃ prāptā yatra śiprā payasvinī |
nṛsiṃhatīrthopakūle uṣitvā śāśvatīḥ samāḥ || 18 ||
[Analyze grammar]

snānadānādikaṃ kṛtvā nṛsiṃhasyā'rcanaṃ tathā |
evaṃ kṛtvā vidhānena parāṃ siddhimito gatāḥ || 19 ||
[Analyze grammar]

nṛsiṃhasya svarūpeṇa hato dānavapuṃgavaḥ |
sabhāmadhye tadā vyāsa hariṇā'mitraghātinā || 20 ||
[Analyze grammar]

kareṇaikaprahāreṇa hira ṇyakaśipurhataḥ |
tataḥ suragaṇāḥ sarve svādhikārānyayustadā || 21 ||
[Analyze grammar]

tadārabhya surāḥ sarve madhyāhnohnopāsanaṃ sadā |
prakurvaṃti ca tatraiva yatra tīrthe hariḥ param || 22 ||
[Analyze grammar]

evaṃ tīrthaṃ paraṃ vyāsa avaṃtyāṃ vidyate bhuvi |
asmiṃstīrthe dvijaśreṣṭha snānadānādikāḥ kriyāḥ || 23 ||
[Analyze grammar]

ye kurvaṃti narāḥ puṇyāste yāṃti paramāṃ gatim |
sarvadā sarvakāleṣu puṇyadaṃ tīrthamuttamam || 24 ||
[Analyze grammar]

kadācinnṛsiṃhatithiṃ prāpya caiva caturdaśīm |
snānaṃ kṛtvā'rcanaṃ tasya nṛsiṃhasya ca dhīmataḥ || 25 ||
[Analyze grammar]

nṛsiṃheśvaradeveśaṃ pūjayedyaḥ samāhitaḥ |
tasya hastagatā lakṣmīrbhaviṣyati na saṃśayaḥ || 26 ||
[Analyze grammar]

tato'gastyeśvaraṃ devaṃ yaḥ paśyetyusamāhitaḥ |
tasya vyāsa kṣitau kiṃciddurlabhaṃ naiva dṛśyate || 27 ||
[Analyze grammar]

yatra siddhiṃ parāṃ prāpto hanumānpavanātmajaḥ |
brahmacārī sadācāro yatiḥ sarvārthasādhakaḥ || 28 ||
[Analyze grammar]

tiṣṭhati paradaivajñaḥ sarvakāmārthasiddhaye |
yasminvaṭe purā taptaṃ tapaḥ paramaduścaram || 29 ||
[Analyze grammar]

mitrāvaruṇaputreṇa siddhihetostapasvinā |
bodhī nyagrodha ityākhyo hyagastivaṭa eva ca || 30 ||
[Analyze grammar]

naro nārīsamāyuktaḥ sāvitrīvratamācaret |
saubhāgyaṃ labhate nityaṃ sāvitryāśca paraṃtapa || 31 ||
[Analyze grammar]

yasmiṃstīrthe naraḥ snātvā dattvā dānaṃ ca saubhagam |
aṣṭasaubhāgyasaṃpūrṇaṃ vaṃśapātraṃ savāsakam || 32 ||
[Analyze grammar]

saptadhānyasamopetaṃ paṃcaratnapariṣkṛtam |
saugaṃdhyādīni mālyāni maulisūtrasamāyutam || 33 ||
[Analyze grammar]

sāvitrīṃ hāṭakīṃ kṛtvā yathāśakti paraṃtapa |
yo vai dadāti viprāya vedavedāṃgadhīmate || 34 ||
[Analyze grammar]

labhate vipulāṃ lakṣmīṃ bahubhogakarīṃ śubhām |
bhuktvā vai vividhānbhogānpunaḥ svargamavāpnuyāt || 35 ||
[Analyze grammar]

sāvitrīvratakṛnnārī jāyate pativallabhā |
pativratā mahābhāgā vidhavā na kadācana || 36 ||
[Analyze grammar]