Chapter 65

[English text for this chapter is available]

| vyāsa uvāca |
nāgatīrthaṃ tvayā brahmanpurā proktaṃ yaśasvinā |
tasya tīrthavarasyā'pi mahimānaṃ ca sattama || 1 ||
[Analyze grammar]

bhūyastu śrotumicchāmi tvatto brahmavidāṃ vara |
kiyatkāle samākhyātametadvistarato vada || 2 ||
[Analyze grammar]

sanatkumāra uvāca |
śṛṇu brahmanpravakṣyāmi tavāgre nāgatīrthajām |
kathāṃ puṇyatamāṃ tubhyaṃ bhuvi pāpaharāṃ parām || 3 ||
[Analyze grammar]

yasyāḥ śravaṇamātreṇa śāpamukto bhavennaraḥ |
purā nāgāḥ paribhraṣṭā mātuḥ śāpātparaṃtapa || 4 ||
[Analyze grammar]

janamejayena dagdhāste mokṣitā hyāstikena ca |
papracchuste dvijaśreṣṭha jaratkārvātmajaṃ tadā || 5 ||
[Analyze grammar]

nāgā ūcuḥ |
brahmaṃstava prasādena mokṣitā havyavāhanāt |
janamejayasya yajñesmindevarājasya saṃnidhau || 6 ||
[Analyze grammar]

asmākaṃ bhūtimanvicchanvāsasyārthaṃ paraṃtapa |
yasminsthāne sadā brahmannivāso jāyate'bhayaḥ || 7 ||
[Analyze grammar]

āstīka uvāca |
śrūyatāṃ mātulaśreṣṭhā yuṣmākaṃ hitamuttamam |
mahākālavane ramye yā vai kuśasthalī smṛtā || 8 ||
[Analyze grammar]

tasyāṃ hi dakṣiṇe bhāge pūrvatīrthaṃ sanā tanam |
nāgālayaṃ purā proktaṃ yatra sannihito hariḥ || 9 ||
[Analyze grammar]

yoganidrāṃ samāsādya śete brahma sanātanam |
śeṣaśāyīti vikhyātaḥ sarvalokeṣu gīyate || 10 ||
[Analyze grammar]

kalpadoṣo na tatraiva bādhate savadehinām |
bakadālbhya ṛṣistatra tapastepe dhṛtavrataḥ || 10 ||
[Analyze grammar]

lomaśaśca mahātejāstatraiva pratitiṣṭhati |
dīrghāyuṣṭvaṃ samāpanno mārkaṃḍeyo mahāmuniḥ || 12 ||
[Analyze grammar]

na vartate kālacakraṃ mahākālapratāpataḥ |
kapilaḥ siddhimāpanno yatra tīrthavarottame || 13 ||
[Analyze grammar]

hariścaṃdro vimukto'bhūdgarhyacaṇḍālayonitaḥ |
saptarṣipravarā ye te nirvāṇapadavīṃ gatāḥ || 14 ||
[Analyze grammar]

etasmātkāraṇātsarvaistatra viśramyatāṃ sadā |
mātuḥ śāpodbhavo doṣo yuṣmākaṃ naiva bādhate || 15 ||
[Analyze grammar]

etatte vacanaṃ śrutvā maharṣerāstikasya ca |
āgacchaṃstatra te śīghraṃ vāsārthaṃ pannagottamāḥ || 16 ||
[Analyze grammar]

elāpatraḥ kaṃbalaśca karkoṭakadhanaṃjayau |
vāsukiḥ pannagaśreṣṭhastakṣako nīla eva ca || 17 ||
[Analyze grammar]

padmakaścārbudaścaiva nāgāste sarva eva hi |
atrāgatya svasvasthānāni cakruste suciravratāḥ || 18 ||
[Analyze grammar]

tatra ramyāṇi tīrthāni jātāni paramāṇi ca |
 navāni cakruḥ kuṃḍāni tīrthabhūtāni sattama || 19 ||
[Analyze grammar]

mahāpuṇyapradānyāhurmahāpāpaharāṇi ca |
yatra siddhāśca gaṃdharvā ṛṣayaḥ saṃśitavratāḥ || 20 ||
[Analyze grammar]

apsarogaṇasaṃghaiśca sevyaṃte ca sadā varaiḥ |
yatra śeṣo mahānāgaḥ purā prokto maharṣiṇā || 21 ||
[Analyze grammar]

śeṣaśāyī hyalaṃ viṣṇurbhagavānkamalekṣaṇaḥ |
tatra sarvāṇi tīrthāni tiṣṭhaṃti bhuvi sarvadā || 22 ||
[Analyze grammar]

śvetadvīpeti vikhyātā maṇivikrāṃtabhūmikā |
yatra puṇyāśca vai vṛkṣāḥ puṣpitāścaiva sarvaśaḥ || 23 ||
[Analyze grammar]

haṃsakāraṃḍakākādi pikakokilasārasāḥ |
padmakhaṃḍagaṇāstatra nṛtyaṃti ca śikhaṃḍinaḥ || 24 ||
[Analyze grammar]

nidhireṣa mahāpadmo nīlotpalasugaṃdhinā |
vāsito vāyunā śubhraḥ kinnarodgāranāditaḥ || 25 ||
[Analyze grammar]

yatra susaṃskṛtā nāryo viharaṃti surāṃganāḥ |
nāgakanyābhī ramyābhirmaṃḍitaṃ paramādbhutam || 26 ||
[Analyze grammar]

yatra snātvā naro yāti vaikuṃṭhaṃ dhāma śobhanam |
śeṣaśāyī hariryatra śete hi ca ramāpatiḥ || 27 ||
[Analyze grammar]

tatra ramāsaro nāma tīrthaṃ paramaśobhanam |
yatra snātvā naro nityaṃ śrīmānbhavati nā'nyathā || 28 ||
[Analyze grammar]

evaṃ vyāsa paraṃ sthānaṃ sarvapāpaharaṃ param |
atraiva ca paraṃ tīrthaṃ balerāśramamadbhutam || 29 ||
[Analyze grammar]

atra snānādikaṃ kāryaṃ yatra saṃnihito hariḥ |
sarvapāpaviśuddhātmā naro bhavati tatkṣaṇāt || 30 ||
[Analyze grammar]

kiyatpramāṇamātrāṃ ca ye dadati vasuṃdharām |
tanūruhāṇi yāvanti tāvatkālasusaṃkhyayā || 31 ||
[Analyze grammar]

akṣayyā labhyate vṛddhisteṣāṃ lokāḥ sanātanāḥ |
śrāvaṇe māsi darśe ca paṃcamyāṃ somavāsare || 32 ||
[Analyze grammar]

nāgānāṃ pūjanaṃ kāryaṃ śrāddhaṃ darśe vidhīyate |
akṣayaṃ jāyate śrāddhaṃ vāṃchitārthaṃ bhavettataḥ || 33 ||
[Analyze grammar]