Chapter 1

[English text for this chapter is available]

atha vaiśākhamāsamāhātmya prāraṃbhaḥ |
nārāyaṇaṃ namaskṛtya naraṃ caiva narottamam |
devīṃ sarasvatīṃ vyāsaṃ tato jayamudīrayet || 1 ||
[Analyze grammar]

sūta uvāca |
bhūyo'pyaṃgabhuvaṃ rājā brahmaṇaḥ parameṣṭhinaḥ |
puṇyaṃ mādhavamāhātmyaṃ nāradaṃ paryapṛcchata || 1 ||
[Analyze grammar]

aṃvarīṣa uvāca |
sarveṣāmapi māsānāṃ tvatto māhātmyamaṃjasā |
śrutaṃ mayā purā brahmanyadā coktaṃ tadā tvayā || 2 ||
[Analyze grammar]

vaiśākhaḥ pravaro māso māseṣveteṣu niścitam |
iti tasmādvistareṇa māhātmyaṃ mādhavasya ca || 3 ||
[Analyze grammar]

śrotuṃ kautūhalaṃ brahmankathaṃ viṣṇupriyo hyasau |
ke ca viṣṇupriyā dharmā māse mādhavavallabhe || 4 ||
[Analyze grammar]

tatrāpyasya tu kartavyāḥ ke dharmā viṣṇuvallabhāḥ |
kiṃ dānaṃ kiṃ phalaṃ tasya kamuddiśyā'caredimān || 5 ||
[Analyze grammar]

kairdravyaiḥ pūjanīyo'sau mādhavo mādhavāgame |
etannārada vistārya mahyaṃ śraddhāvate vada || 6 ||
[Analyze grammar]

śrīnārada uvāca |
mayā pṛṣṭaḥ purā brahmā māsadharmānpurātanān |
vyājahāra purā proktaṃ yacchriyai paramātmanā || 7 ||
[Analyze grammar]

tato māsā viśiṣyoktāḥ kārtiko māgha eva ca |
mādhavasteṣu vaiśākhaṃ māsānāmuttamaṃ vyadhāt || 8 ||
[Analyze grammar]

māteva sarvajīvānāṃ sadaiveṣṭa pradāyakaḥ |
dānayajñravratasnānaiḥ sarvapāpavināśanaḥ || 9 ||
[Analyze grammar]

dharma yajñakriyāsārastapaḥsāraḥ surārcitaḥ |
vidyānāṃ vedavidyeva maṃtrāṇāṃ praṇavo yathā || 10 ||
[Analyze grammar]

bhūruhāṇāṃ suratarurdhenūnāṃ kāmadhenuvat |
śeṣavatsarvanāgānāṃ pakṣiṇāṃ garuḍo yathā || 11 ||
[Analyze grammar]

devānāṃ tu yathā viṣṇurvarṇānāṃ brāhmaṇo yathā |
prāṇavatpriyavastūnāṃ bhāryeva suhṛdāṃ yathā || 12 ||
[Analyze grammar]

āpagānāṃ yathā gaṃgā tejasāṃ tu raviryathā |
āyudhānāṃ yathā cakraṃ dhātūnāṃ kāṃcanaṃ yathā || 13 ||
[Analyze grammar]

vaiṣṇavānāṃ yathā rudro ratnānāṃ kaustubho yathā |
māsānāṃ dharmahetūnāṃ vaiśākhaścottamastathā || 14 ||
[Analyze grammar]

nānena sadṛśo loke viṣṇuprītividhāyakaḥ |
vaiśākhasnānanirate meṣe prāgaryamodayāt || 15 ||
[Analyze grammar]

lakṣmīsahāyo bhagavānprītiṃ tasminkarotyalam |
jaṃtūnāṃ prīṇanaṃ yadvadannenaiva hi jāyate || 16 ||
[Analyze grammar]

tadvadvaiśākhasnānena viṣṇuḥ prīṇātyasaṃśayam |
vaiśākhasnānaniratāñjanāndṛṣṭvā'numodate || 17 ||
[Analyze grammar]

tāvatāpi vimukto'ghairviṣṇuloke mahīyate |
sakṛtsnātvā meṣasaṃsthe sūrye prātaḥ kṛtāhnikaḥ || 18 ||
[Analyze grammar]

mahāpāpairvimukto'sau viṣṇoḥ sāyujyamāpnuyāt |
snānārthaṃ māsi vaiśākhe pādamekaṃ caredyadi || 19 ||
[Analyze grammar]

so'śvamedhāyutānāṃ ca phalamāpnotyasaṃśayam |
athavā kūṭacittastu kuryātsaṃkalpamātrakam || 20 ||
[Analyze grammar]

so'pi kratuśataṃ puṇyaṃ labhedeva na saṃśayaḥ |
yo gaccheddhanurāyāmaṃ snātuṃ meṣagate ravau || 21 ||
[Analyze grammar]

sarvabaṃdhavinirmukto viṣṇoḥ sāyujyamāpnuyāt |
trailokye yāni tīrthāni brahmāṃḍāṃtargatāni ca || 22 ||
[Analyze grammar]

tāni sarvāṇi rājendra saṃti bāhye'lpake jale |
tāvallikhitapāpāni garjaṃti yamaśāsane || 23 ||
[Analyze grammar]

yāvanna kurute jaṃturvaiśākhe snānamaṃbhasi |
tīrthādidevatāḥ sarvā vaiśākhe māsi bhūmipa || 24 ||
[Analyze grammar]

bahirjalaṃ samāśritya sadā sannihitā nṛpa |
sūryodayaṃ samārabhya yāvatṣaḍghaṭikāvadhi || 25 ||
[Analyze grammar]

tiṣṭhaṃti cā'jñayā viṣṇornarāṇāṃ hitakāmyayā |
tāvannāgacchatāṃ puṃsāṃ śāpaṃ dattvā sudāruṇam |
svasthānaṃ yāṃti rājendra tasmātsnānaṃ samācaret || 26 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe vaiśākhamāsamāhātmye nāradāmbarīṣasaṃvāde vaiśākhamāsa praśaṃsāpūrvaka vaiśākhasnānamāhātmyavarṇanaṃ nāma prathamo'dhyāyaḥ || 1 ||
[Analyze grammar]